2008年5月31日 星期六

怪蚊

最近經常下雨,所以小昆蟲也多了


明明已安裝了蚊網,牠們還是有本事在窿窿罅罅裡走進來


一晚至少有六、七種不同的飛行物體! 


真不可想像,如果沒有裝蚊網,我應該會坐唔安訓唔樂  


 


前晚發現了怪蚊一隻,好大隻的,足足有五毫子咁大


竟然有 5 條非常長的觸鬚?定係腳?


莫非係蚊 & 蜘蛛的混種??


 


但佢好遲鈍,


我施施然咁放五毫子o係佢身邊影相 ...


然後施施然去攞電蚊拍 ...


然後施施然咁慢動作拍落佢度 ..


就係咁,佢就瓜左啦!


真係四肢發達、頭腦簡單的大蠢蚊!  該死 ~


2008年5月30日 星期五

$10 店遊記

十元店真是一個遊樂場,我不是經常去,但去親都逛好耐好耐


因為每次去,都會發現好多新野


尤其是o的古古怪怪唔知係咩o既產品,我就會以我非常有限o既日文去嘗試閱讀說明標籤 ... 睇得幾樣,往往就花去一個小時


我成日懷疑,o個o的千奇百怪o既產品,R 爆頭都諗唔到佢用來做咩,又冇中英文標籤 (有時抵死到連日文都冇),叫人點買呢下?


 


好耐冇去了,今次去發現返左好多花盆,各類形狀、大小都有,全部都係 $10 一個,真係超級抵呀!




仲有小魚兒提過的蚊網,用來笠住o的自家種菜菜,防止毛毛蟲入侵 (因為毛毛蟲都是蝴蝶的幼蟲啦 ~ 笠住左,蝴蝶便不能飛到菜葉上產卵了)



今次仲見到一大堆派對用品 ... 呢o的假髮,真係笑死我 ........


我覺得張相裡面o個個人,個樣有o的似樓華



實在太 ... 好 ... 笑 ... 了 ....


冬菇:你同蛋散們下次聚會,大可以攪下「假髮」主題啊 ...  




我今次的收穫,有花盆 x 3 + 綠茶茶包 + 麥茶 + glue pen


個 glue pen 有兩支,又係睇到我 R 晒頭產品之一



後記:


查實我想買 sasa 介紹的黑色膠雀,佢用過話好 good,嚇走晒o的雀仔,天台唔駛周圍雀屎 ~ 不過元朗十元店冇啊

2008年5月29日 星期四

其實 ... 我唔係傻架 ...

其實 ... 我真係唔係傻架 ... 


只係 ... 有時會因為一些小事 (e.g. 諗到一個 idea) 而情緒高漲,夜晚訓唔著覺


同埋 ... 見到o的新奇有趣又可愛o既東西會興奮莫名,好似細路仔見到玩具咁囉


 


諸例如 ... 村姑街坊小胡子送我的自家種車厘茄,一串串架!可愛到靚到呢  ... 唔捨得食一啖就食左佢,攞住部相機幫佢地拍番一輯造型照先!


(然後畀隔離屋個太太同樓下經過o既大叔發現左我o既舉動 ... 佢地不其然都用奇怪望下我做緊咩 ... 可能佢地見我無啦啦又烏低又擒高咁對住碟蕃茄仔猛咁影相,以為我係傻o既啊 )


 


你睇你睇 ... o的蕃茄仔嬌俏到呢 ...



你地攪到我都好想種返盆呀 ~



掛埋你上樹先!幾靚!



同白蘭花合照一張吧 ~



小熊仔竟然o係迷迭香森林搵到車厘茄呀!



呢張係特別效果 ... 係咪好有 mood 呢 ~



 


【後記】


呢批相我係用傻瓜 DC 拍架咋 (有微距功能) 


上面呢張特別效果,就係用 picasa o既「焦點黑白」來整o既!以前有介紹過 picasa,大家可以o係「有用資訊」folder 搵返篇文章


2008年5月28日 星期三

存倉精選 - 急凍鴨胸

近來,開始愛上急凍鴨胸,冰箱總有一兩件睇門口


有時會買急凍煙鴨胸、有時會係急凍普通鴨胸 (未經製作)


不過,我鍾意煙鴨胸多o的,更方便,一解凍就可以攞來用,快呀


(實情係 ... 我唔係好識煮鴨胸,所以未經調味o個款,要再研究一下 )



用來炒韭菜花或蒜心,快靚正


兩個人食,我用半個煙鴨胸就 ok 啦。家陣百物騰貴,韭菜花又細紮左,所以呢個份量配搭剛好,一人得三四小塊,過下口癮得來又唔怕食得太多加工食品



鴨胸睇起來好似好肥咁,但會煎香左先用架嘛!所以o的肥油已去了不少啦


煎o既時候唔好落咁多油,等鴨胸自己再出o的油


然後搵o個o的油炒埋o的韭菜,最後落少少鹽就攪掂!



【同場加映】好耐冇整的娃娃菜鮮肉卷 (做法在此) 其實好簡單,不過要預先備料。大可以之前一晚捲定,第二晚拿出來蒸呀 ~



尋晚個獻汁多得滯又深色得滯,唔靚!



節瓜豬展湯,我鍾意o的節瓜完整o既,所以會先煲好肉湯 (用高速煲加壓兩圈煲 20 分鐘) 再落節瓜 (加壓一圈煲多 10 分鐘)


2008年5月26日 星期一

好香的白松露意粉

成日o係雜誌度見到o的食評家大讚黑松露、白松露


講到天上有地下無咁


於是,有樣學樣走去叔婆買左樽細o既返來試下


90 克已經要 $160,我覺得相當貴呢


(呢個價錢係上年年底的,而家百物騰貴,唔知有冇加價)



其實我買完又唔識食,在雪櫃擺左足足半年 (好在未畀我擺到過期,否則o徙晒)


下定決心要擇日開瓶大吉,為免浪費食材,專程向大少奶請教請教  


竟然 ... 第一句係畀佢笑我買貴左   仲話我呢個精明小村姑終於失手


佢仲推介左一間網上高級雜貨店,賣呢款高貴食材特別抵


大家可以睇下我引用左o個篇 blog


 


講番正題,大少奶話黑松露/ 白松露醬都好易用


用來整 pasta、炒蛋都好正,加少少已經香濃無比


記住,唔好落蒜頭或香味濃烈的香草,否則會搶左松露醬的香味


同埋,要臨熄火時才落松露醬,輕輕撈勻已 OK


 


屋企存貨只得普通意粉和罐頭蘑菇,都唔緊要!


因為白松露醬真係好香好香,淨係食佢朕味已經好夠!


我煮二人份量,先用橄欖油炒香蘑菇和意粉,臨熄火時落三小匙白松露醬撈勻


再灑了少許的乾 parsley (香味較淡的香草)  和少許鹽


非常簡單、非常美味!


下次我會學大少奶,買埋 Linguine + 新鮮蘑菇,令美味再昇華


 


P.S. to 大少奶:白松露醬真是比黑松露醬更香濃啊


【私人網誌】500 條!!!

【私人網誌】


 


Vanlily 的號召力果然厲害   在短短一個星期內,竟已接了近 500 條 的 cheese bar 訂單!!!


 


由於她獨力製作,產量未能太多,故此,差不多是時候要截單了。


 


之前有朋友們提過想訂購 cheese bar 的,請於今日內 confirm order。向隅的朋友們,可以考慮參加 6.7 的慈善 gathering,一來是 blog 友們「相認」的好機會,二來當天也會有其他朋友現場獻技募捐的 (e.g. 有即場義賣曲奇、美甲服務、攝影服務等!) 現場只能容納 30 位參加者,現還有約 10 個位,歡迎大家踴躍參加 ~


 


 


有關慈善 gathering 的資料,請看這一篇:


http://hk.myblog.yahoo.com/bb-mama/article?mid=32112&prev=32170&next=32088


 

Linkwithin

你可能對以下文章有興趣: