2008年4月28日 星期一

大樹下 ... 天后寶誕慶典

獎門人問題:以下邊一個地方名,在香港係真正存在架呢?


(A) 天腳底  (B) 山卡拉  (C) 大樹下  (D) 小河邊


 


答案好明顯,因為我已用左o黎做標題!


原來,「大樹下」是元朗大棠的一個地方,那裡有一間天后廟,而今天 (4月28日) 便是天后寶誕,一連幾天都有慶祝活動,非常熱鬧!


由於業主是原居民,他們每年都會去參加的,所以我們拉他們衫尾去八卦一番了


 


【Slide 1】入場盛況 --- 天后寶誕的慶典由昨晚 (4月27日) 開始,先來一輪祭神儀式。元朗各村的人都蜂擁到大樹下的天后廟,觀看熱鬧者有之、專程來拜神者有之。



【下圖】這些大大座的叫「花炮」,上面擺放著很多「吉祥物」,每一條村都會有一個,像下面這個,便是「水蕉老圍」的。聽說在昨晚拜神開光後,明晚 (4月29日) 便會在各村舉行「花炮會」,有免費宴席請大家吃飯,然後大家競投這些「吉祥物」~ 不知道村姑們會唔會去參與呢?  


 


【Slide 2】各顯功架 --- 聽說每一條村都要派出舞龍舞獅參加,十八鄉即是有十八隊了,場面非常熱鬧



【下圖】大家睇下 ... 白 ~ 眉 ~ 派 ~!!!



【Slide 3】拜得神多自有神庇祐 --- 大批善信趕緊在吉時上香祈福,現場煙火非常鼎盛


 


【下圖】很多人買了超大枝的香、和超大個的風車!


 


【下圖】因為場面盛大,所以現場也甚多警員維持秩序,連白色衫的督察級也出動了,居高臨下地監控著現場情況


22 則留言:

  1. 哇!輪到輪到我了挂!
    happy!今日咁lucky,陣間去買張彩票

    回覆刪除
  2. 哈, 乜原來天后誕咁多野搞架? c啦, 我住左係元朗咁多年, 都以為只有今日既巡遊添~~ 老實呀, d巡遊都幾好睇架~ 可惜佢地定日子, 好少會就返星期日(長洲果個好似會就返?! 我估架咋), 所以今日應該會少d人睇, 不過得閒的元朗人都會聚晒去教育路度睇~~ 哈~ 我老公條村出年會打礁呀~ 一定會好熱鬧~ 連我奶奶都話果時會返去住返1,2個星期, 就知幾熱鬧!! 仲會搭檯請人黎唱大戲~~ 我希望到時可以帶住一個b返去睇啦~~~

    回覆刪除
  3. 吾怪得尋晚訓覺時咁嘈啦, 我住廿幾樓都聽到打鑼打鼓聲.

    回覆刪除
  4. 嘩!! 真戚好熱鬧啊!!!

    回覆刪除
  5. 勁呀, 我今日都係office 睇下面街既巡遊!!!! 好熱鬧!!!!

    回覆刪除
  6. 每年我都會記得佢生日嫁 ... 因為同我一樣係3.23 law. 之不過佢係舊人用舊曆, 我新朝d用新曆之麻

    回覆刪除
  7. 咦咦....
    係咪你舊年話有盆菜食果個慶典呀?
    馬鞍山都有個大樹下~

    回覆刪除
  8. 原來你個到都有呢D野架,我青衣個邊都有架,年年都會係同一個空地到搭大戲棚,仲有好多小食檔好多野玩好多好野食,好熱鬧架!

    回覆刪除
  9. b媽

    你今日咁得閒,竟然有時間去實地採訪?
    講真,我搬咗入黎咁多年,都未參加過呢啲活動,因為次次都係返工日子!
    明晚有飯宴?係咪又係食盆菜?

    回覆刪除
  10. 我婆婆自我係媽咪肚裡面已經年年去拜架喇。婆婆覺得非常靈ar

    回覆刪除
  11. 哈哈! 你報導得好好呀!
    我正話至食完盆返來, 而家d村民仲係度投緊花炮上面d吉祥物呀!

    回覆刪除
  12. 屯門天后誕都好熱鬧 . 有大戲睇 ga .

    回覆刪除
  13. 唔怪知, 呢幾日都聽到打鼓和消花炮的聲啦. 而家重聽到我屋企街口啲人係度大排宴席, 還有歌舞助興呢.

    回覆刪除
  14. 我以為呢類慶典實有盆菜食添

    回覆刪除
  15. 好熱鬧啊

    回覆刪除
  16. 嘩 ~ 好熱鬧呀 住咗元朗咁多年, 年年都話去睇, 但年年都睇唔到, 真失敗

    回覆刪除
  17. 好熱鬧, love to see parade!

    回覆刪除
  18. 我嗰晚都喺大樹下喎,咁啱!

    回覆刪除
  19. 只係夜晚乍, 日頭無嘢搞架.

    回覆刪除
  20. hello 睇到你呢個blog先知有咁多人住係元朗, 見到你影左我條村個花炮就黎留言 ^.^".

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: