2008年4月6日 星期日

蔥之保存方法

話說我幾日先出去買一次餸,無啦啦要用蔥,都唔知o係邊度變出o黎好


所以,每次買菜送的蔥,我都會好好保存,以備不時之需


 


先洗好蔥,切段,攤乾 (沒有水氣,會較耐保存)



方法一:用保鮮盒,放保鮮格保存


呢個方法可保香蔥的辛香原味,但保存期不太久,約 4-7 日。期間蔥段會逐漸出水,有水份就好易爛



方法二:保鮮盒 + 急凍保存


將香蔥切粒,放在保鮮盒內 (我加一張抹手紙吸收水氣)。放入冰格,可放 1-3 個月。蔥的辛香味道會隨時間流逝,愈早用愈好。用來加落粉麵,也可聊為裝飾。


29 則留言:

  1. 北方不是一年四季都有新鮮的蔥的,所以我們通常會在秋天大量入貨,把蔥葉打結,放在陰涼乾爽的地方,可以一直吃到春天。——北方的蔥通常比較大棵,葉子干了,主要是吃蔥的頸部。
    春天時高老師會買很多新生的小蔥回來,种在後院的土裏,蔥很耐旱,很容易活的,做菜需要時去後院拔幾棵就行。你也可以試試把蔥种在花盆裏呀!(一定要買有根的那種才可以种活)

    回覆刪除
  2. 我會將的蔥攤干水用報紙包在用膠袋包放在保鮮格 , 都可以保持 5 日新鮮 ga

    回覆刪除
  3. 我直接d, 將佢地種於花盆內, 每次用幾多, 剪幾多, 生生不息 !

    回覆刪除
  4. 1) 呀媽教落 - 唔好洗唔好濕水唔好切...用報紙包好放入雪櫃, 可以保存一星期.
    2) 自己種, 要食先剪 (以前我都係咁做)
    3) 過隔離C奶樹攞 (仲可以攞埋菜 (洗好晒浸過晒), 薑, 糖, 鹽.......)
    我尼D唔係成日煮反0既, 真係拿起手咩都無
    街坊就最好幫手喇

    回覆刪除
  5. b媽

    我就攤乾後再用廚紙包住先入保鮮袋
    隔日或有需要時換紙
    咁可以減少佢出水,同埋延長個保鮮期架
    你下次試試!
    我今日又係買咗魚唔記得買蔥
    好彩有包兩星期前剩下的蔥頂住先啫!
    不過再有蔥剩,我都會開始種的喇!

    回覆刪除
  6. 我的是自己種 ~

    回覆刪除
  7. 呵呵呵, 我至唔like食蔥, 呢d方法我唔想用呢

    回覆刪除
  8. 每次煎魚 , 煮蝦 , 我都要係最後用剩油加糖 , 豉油炒香大把蔥放入面 , 好好味呀............

    回覆刪除
  9. 其實如果唔洗﹐直接用報紙包然後放落雪櫃會唔會仲可以保存得耐呢? 因為細個果陣都見長輩係咁樣包菜o架嘛。

    回覆刪除
  10. 咦?我都係咁樣保存架喎!嘻
    不過有時懶啦!就唔整好擺落冰箱,然後佢爛勒…就dum囉

    回覆刪除
  11. 我知道依家大型既百佳有得賣支裝既~薑,蔥及香草架!好放便不仿試試..

    回覆刪除
  12. 我會用水養住D蔥,如果一個星期內食得哂都OK架!
    不過我就成日因為用唔哂D薑,而浪費了,有無好既保存薑的方法可以分享一下?

    回覆刪除
  13. 我就會用水養住佢,如果可以一個星期內用哂,都OK架!不過我就唔識保存D薑,搞到我成日都浪費哂佢地,唔知大家有無保存薑的方法分享一下呢?

    回覆刪除
  14. 我都唔係好識保存d蔥,所以攪到成日蒸魚係蔥用!

    回覆刪除
  15. 我試過用水種著蔥, 雖然蔥仍然生長, 但幾日之後蔥味很淡.

    回覆刪除
  16. 我都係好似你咁保存d蔥,不過就無放入凍箱,一定要等d蔥吹乾了,再加抺手紙,才放入保鮮盒,保存到個多星期,下次要試一試放入凍箱,唔該晒.

    回覆刪除
  17. 急凍... never tried that.. thanks for the tips!

    回覆刪除
  18. 謝謝,很有用的貼士啊!!

    回覆刪除
  19. 仲有所有椒類都可以放入冰櫃急凍佢呀..因為D紅椒仔唔會一次過用得晒一盒,所以賣菜個位嬸嬸就教我依個方法..好WORK架..新年雪到依家都矛問題..仲好fresh添呢..

    回覆刪除
  20. 我是用方法二來保存蔥及芫茜的
    至於辣椒仔我都是放在冰箱入面 保存的 !

    哈哈 , 我3個月前囡囡學校派了顆幼苗要囡囡在家種植 , 比我種植種上"隱" , 上星期買了種子種植辣椒 , 香草及薄荷葉 , 希望成功啦 !

    回覆刪除
  21. 今日去街市見到有人買蔥,個菜檔d人話無蔥買,有時我買菜時都無蔥,佢地話d蔥得好少送晒

    回覆刪除
  22. Yahoo 個 blog古古怪怪,明明以為post唔到既回應,佢又無端端出返黎!激死!
    我都試過d薑放到好似吸滿水的海綿咁,好嘔心呢!很想請高手們賜教!

    回覆刪除
  23. 笨b mama, 你好呀!睇左你個blog 好耐日子喇, 還是第一次留言!
    我最鐘意你教埋呢d 小小入廚秘技
    實在覺得你好叻呀
    真係要留個言以示鼓勵啊~~

    回覆刪除
  24. 好有用既貼士....我平時放兩三日就掉, 真係好浪費

    回覆刪除
  25. b媽

    係呀,買回來的蔥都可以種架
    你由根部開始計,大約剪下一隻手指左右的長度
    然後種落泥度,好快佢就重新生長架喇(一日就已經開始出芽了)
    超易生呀!
    至於你問的兩種蔥頭,我都唔知兩種係咩種
    只知紮埋一抽咁賣的,應該就係我地平日食開的那種
    至於大一點那種,就真係唔知了!

    回覆刪除
  26. 我用水養住,會出新葉,幾come擺

    回覆刪除
  27. 我老公的姑姐們有自己種菜的, 所以見面時都會請教下佢地~~ 蔥呢, 水種的話記得每天換水, 唔係d水會超臭!!! 如果泥種的話不要每天淋水, 淋太多會軟身的~ (種菜都一樣, 以前我地種極生菜都唔成功, 原來就係因為我地淋太多水!!) 薑的話呢~~ 我... 會就咁擺, 到佢出芽就放落泥度種~~ 基本上薑係非常粗生的, 唔洗點理佢, 得閒又記得就淋下水啦~~ 到要用囉, 咪成棵拔返出黎用囉~~

    回覆刪除
  28. 婆婆教我用報紙包住再放入雪櫃都得

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: