2008年4月3日 星期四

零食愛好者

笨 B 爸爸成日話我正餐唔正經食,成日食埋晒o的立雜野


冇計!我被陳師傅縱壞左丫嘛


不過 ... 根本就係陳師傅佢自己都鍾意食零食!


 


上個星期返娘家食飯,未開飯,陳師傅已經送上一檯 (!) 的小食


噢!仲要樣樣都好好味,我又忍唔到口


所以 ... 經常性地都會過飽  



【下圖】呢個五香辣魚蛋係陳師傅首本名菜,魚蛋是指定在某魚蛋批發店買的即日現炸貨色,五香料是即磨的。香到呢!一出 lift 已經聞到啦!



【下圖】辣味小魚乾,既惹味又補腦啊!(因為魚頭、魚眼含有大量磷質。大魚的魚頭和魚眼我唔食的,小魚乾就肯食,所以細細個開始,陳師傅都經常整小魚乾給我們吃)



【下圖】現成的煙豬手,切得好靚。重點當然係左上角o個碟自製辣椒醬啦!嘩,睇見呢張相,我又流口水了



【下圖】福建幫的傳統小食 --- 炸蝦條啊



【下圖】陳師傅好鍾意食炸花生、炸果仁,因為佢話適量吸收油脂,可保持皮膚嫩滑喎


請留意,呢句有兩個重點 ...


重點 1:陳師傅真係好貪靚的,雖然因慳家關係,佢從來都唔會買貴價服飾護膚品,但佢都好重視儀表的,例如洗完手會搽潤膚露,藥房經濟實惠那種。所以佢隻手雖然因長年累月辛勞捱苦而起晒青筋,但摸落確係嫩滑  


重點 2:陳師傅食野好節制,所以佢吸收到果仁有益之處,卻一點也不會發福。而我呢,因為饞嘴,往往係「過量」而唔係「適量」,所以 ...



【下圖】食完零食,再來一大碗枸杞滾肉片湯,飽晒!


52 則留言:

  1. 5香魚蛋,睇見就流口水嘍。

    回覆刪除
  2. HI ! 苯B媽 , 好好味呀 , 我現在仲未吃LUNCH , 見到你D腰果 , 好想一陣自己整鹽炒腰果呀 !

    回覆刪除
  3. 我唔鍾意食魚,但係好鍾意食小魚乾,教下點整呀???

    回覆刪除
  4. 想問嗰個炸蝦條點整o架? 係咪用腐皮包住啲蝦蛟炸? 好想整! Thank!

    回覆刪除
  5. 第一次留言jar... 入到黎見到咁多野食,真係好肚餓呀...老板娘,唔該一串魚旦啦....

    回覆刪除
  6. 我都有食蝦條架......不過我果D係印尼蝦條,唔知一唔一樣呢?

    回覆刪除
  7. 好羨慕你有個咁叻整嘢食嘅爸爸呀,如果我都有就唔駛瘦到成條排骨咁啦!

    回覆刪除
  8. 喂!喂!喂!
    繼犬月刊, 部屋2U又有雜誌介紹我地既柴犬"肥龍"同"芝麻",
    有時間歡迎黎我地個BLOG留言及分享我地既喜悅.謝謝!!!

    回覆刪除
  9. 有個咁叻煮食既老豆,唔肥致其啦﹗引死人咩~

    回覆刪除
  10. 有個咁"好"食爸爸真幸福!

    回覆刪除
  11. 嘩! 樣樣我都鍾意食, 你真係幸福囉!

    回覆刪除
  12. 餐前小食都五大碟
    開飯計計埋埋咪十餸一湯

    回覆刪除
  13. 我對魚乾都好有興趣,唔知應該買邊種魚先岩

    回覆刪除
  14. 款款都好好味呀!真係厲害!好想食呀!

    回覆刪除
  15. 嘩~ 我次次食個d花生都停唔到口啊!!!
    陳師傅的確唔肥, 何解呢?!
    你食咁多野, 都唔使食飯喇!

    回覆刪除
  16. 小魚乾會唔會好腥?我都想買黎食呀
    炸果仁真係會食到停唔到口呢!

    回覆刪除
  17. 我想食炸蝦條啊!魚仔我都食,唯一唔怕既魚頭

    回覆刪除
  18. 小魚乾咁有益,難唔難整架?

    回覆刪除
  19. b媽

    嘩!零食都咁大埋頭
    真係唔肥都難呀!
    我又係同你一樣,一食金沙就可以謀殺半盒架!救命!

    回覆刪除
  20. b媽

    想問問你,你搬入黎咁耐
    交過地租同差餉未?
    我初初買呢度時,咩都唔駛交
    那時我又唔熟,完全無為意
    過咗幾年佢先一次過追返我地!
    不過而家有問題喇︰事緣我一直以為,交咗地租就唔駛交差餉
    但早兩日同同事傾開,先知原來新界係兩者都要交
    而且係印埋同一張單內的
    但我咁多年都未見過有差餉的數目喎?
    無理由成十年都唔追我地架?(唔好一次過追返我10年呀! )
    會唔會有啲地係唔駛交差餉的呢?
    好疑惑,所以要問問你呀
    而且你同阿ken咁熟
    就算你唔識,都應該一定幫我問到答案的!

    回覆刪除
  21. 嘩d魚蛋好似乒乓波咁大粒~街好難有好食o既魚蛋,所以我都好耐冇食啦~真係羨慕!
    不過小食都開飯咁,仲點食飯呀?

    回覆刪除
  22. 我見到流口水呀... 點算呀???????

    回覆刪除
  23. B媽 , 我一路流住口水一路睇..... ..最鐘意你碟炸蝦條呀.........同埋你既花生 , 如果用苔條(見我度介紹)一齊 ,做成苔條花生.... 勁好味家.......不過香港好難買到咁既......

    回覆刪除
  24. 你的小食真很另類啊. 睇見也流口水啊 ~ 我的小食卻很港色.

    回覆刪除
  25. 睇完搞到我都好肚餓tim.....你真係好呀!陳師傅會咁唔怕麻煩整咁多好味小食~

    回覆刪除
  26. 我也是愛吃零食不愛吃正餐的人...

    回覆刪除
  27. 你d零食好特別 炸蝦條見個樣都知好味!!

    回覆刪除
  28. 我想問d 炸魚旦.係向邊樹買的呢? 我成日想整 咖哩魚旦,不過每次都買唔到好味既炸魚旦啊 !! 同埋個香料係有咩東東既呢 !? 好吸引呀!! 好想整一次啊

    回覆刪除
  29. 零食???? wow, those are our main dishes, haa... we have all those 零食 here, as my hubby is also 福建幫

    回覆刪除
  30. 我好中意掃街食魚旦,不過依家o既街邊魚旦已經無細個時咁好食; 有機會可唔可以講下點整上面5香魚旦....

    回覆刪除
  31. 好想吃啊。。。

    回覆刪除
  32. 誠邀你到我私人blog

    回覆刪除
  33. 哇!我好想食果d魚旦呀!我係魚旦怪黎架

    回覆刪除
  34. 我都好like食炸果仁啊, 不過我同你一樣食野好饞嘴, 唔識節制,所以成日都會食「過量」啊

    回覆刪除
  35. d 小食又的確吸引

    回覆刪除
  36. 露絲公關手記2008年4月4日 下午4:28

    充滿幸福的零食派對啊

    回覆刪除
  37. 食到咁飽都唔駛食飯囉!

    回覆刪除
  38. 你真係有口福哦 ^_^

    回覆刪除
  39. 噤多野食...真係停唔到口呀!!!!
    我都好鐘意蝦條.....不過樣樣我都想食....
    唔肥就假啦...........都係要介下小食先得....

    回覆刪除
  40. 妳果然係冇辣不歡wor~

    回覆刪除
  41. MAY I ASK WHERE DID YOU GET THE 魚蛋?

    回覆刪除
  42. 我非常懷念陳師傅個魚蛋....
    你個炸蝦條都looks very yummy!

    回覆刪除
  43. May I hav the recepits of 煙豬手, 辣味小魚乾 and 炸蝦條?
    Thx a lot!!!

    回覆刪除
  44. 有個煮得的好爸爸真的好!

    回覆刪除
  45. 我都有興趣買魚蛋呀!

    回覆刪除
  46. 枉我為西營盤人十幾年點解唔知有間正魚蛋店0向水街0架, 我淨係識去水街打冷0架喳! 地址係咩呀?等下次番香港時試0下先! http://hk.myblog.yahoo.com/silisala-IKKS/index?l=f&id=35&page=4 http://hk.myblog.yahoo.com/silisala-IKKS/index?l=f&id=35&page=3

    回覆刪除
  47. 超級好味!小魚乾同5香魚蛋,等你譜呀.....

    回覆刪除
  48. 請問魚蛋邊度買?

    回覆刪除
  49. 可以私人回應話我知個名?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: