2008年4月30日 星期三

貪得意

我一向都冇咩儲物癮,不過,最近竟然換左 7-11 的 Paddington Bear


因為我去開七仔買雜誌,所以買多少少野已有印花


我換左一隻燈芯絨熊啊!


我有位朋友好鍾意帶埋o的公仔去周遊列國,周圍影相,好得意架


我呢 ... 應該可能會帶佢落田、踩牛屎同埋買餸



就因為貪o個少少便宜,攪到我呢期食多左好多零食  


以下呢包,係今日的新發現,竟然係三文魚壽司味薯片,仲內附 wasabi shake shake 粉


真係難以想像會係咩味 ... 試過再話你地知呀下!



去到畀錢,爭 $5 多一個印花,所以換購埋呢兩排 Kit Kat Dark Noir


黑朱古力,好似好吸引哦


2008年4月28日 星期一

花炮宴

尋日拉衫尾去參加元朗傳統的天后寶誕慶典


學識左一個新辭彙 --- 「花炮」,就係以下呢一個,每一條村都會有一座


花炮上面擺放了林林種種的「聖意物」,就好像奧運吉祥物咁


寓意來年平安大吉



好勁 ... 十幾廿個壯丁,將花炮抬入去天后廟上香拜神,作「開光」儀式








扯衫尾扯全套,今晚跟埋原居民去吃「花炮宴」


每條村都有,免費參加,夠厚顏都可以去搭檯


一邊吃飯,司儀一邊會拍賣「花炮」上的「聖意品」(即我口中的吉祥物)


因為很多村民都篤信天后,所以出價的人可真不少


一件聖品,動輒都幾千至過萬,好豪


最印象深刻是有幾抽好大的薑,寓意添丁發財,業主還慫恿我和笨 B 爸爸去投


好等我們早生貴子


不過 ... 叫價竟去到五六千元一抽 ...    WOW ... 都是叨過光算了



本以為是吃盆菜,原來不是。可能因為條條村都擺酒,book 唔到咁多盆菜,所以這條村請了一班師傅在現場即炒。好大隻鑊!令我諗起鄉下擺酒,就是一模一樣的境況了




同場加映 --- 好大好大條龍 .... 個龍頭原來比我還要高,舞龍o的師傅好勁啊  



 

大樹下 ... 天后寶誕慶典

獎門人問題:以下邊一個地方名,在香港係真正存在架呢?


(A) 天腳底  (B) 山卡拉  (C) 大樹下  (D) 小河邊


 


答案好明顯,因為我已用左o黎做標題!


原來,「大樹下」是元朗大棠的一個地方,那裡有一間天后廟,而今天 (4月28日) 便是天后寶誕,一連幾天都有慶祝活動,非常熱鬧!


由於業主是原居民,他們每年都會去參加的,所以我們拉他們衫尾去八卦一番了


 


【Slide 1】入場盛況 --- 天后寶誕的慶典由昨晚 (4月27日) 開始,先來一輪祭神儀式。元朗各村的人都蜂擁到大樹下的天后廟,觀看熱鬧者有之、專程來拜神者有之。



【下圖】這些大大座的叫「花炮」,上面擺放著很多「吉祥物」,每一條村都會有一個,像下面這個,便是「水蕉老圍」的。聽說在昨晚拜神開光後,明晚 (4月29日) 便會在各村舉行「花炮會」,有免費宴席請大家吃飯,然後大家競投這些「吉祥物」~ 不知道村姑們會唔會去參與呢?  


 


【Slide 2】各顯功架 --- 聽說每一條村都要派出舞龍舞獅參加,十八鄉即是有十八隊了,場面非常熱鬧



【下圖】大家睇下 ... 白 ~ 眉 ~ 派 ~!!!



【Slide 3】拜得神多自有神庇祐 --- 大批善信趕緊在吉時上香祈福,現場煙火非常鼎盛


 


【下圖】很多人買了超大枝的香、和超大個的風車!


 


【下圖】因為場面盛大,所以現場也甚多警員維持秩序,連白色衫的督察級也出動了,居高臨下地監控著現場情況


2008年4月26日 星期六

三色蛋紀念日 (食滯日)

今日,係「三色蛋紀念日」...

所以,陳圓圓、陳春桔和陳冬菇三人特別約埋,


一齊整左碟三色蛋以紀念一番  


大家若然唔知「三色蛋」o既典故,咁即是 ... 識得我地未夠耐啦


總之 ... 陳氏宗親係特別鍾意食三色蛋架啦  


 


【下圖】下面呢張相,其實係由碟底影上去的   



【下圖】點解要影上面張相,皆因o的鹹蛋和皮蛋好鬼低調,匿埋晒o係碟底,我慌大家唔知呢碟係三色蛋啊


今日帶左蝦皮畀大家試試,就順手灑左o的上去裝飾,變成 「陳氏 HAPPY 三色蛋」



【下圖】原來陳圓圓最鍾意食皮蛋,一開o黎,就撩晒o的皮蛋去食



【下圖】三色蛋製作過程全紀錄



【下圖】食左三色蛋,仲要整埋 Creme Brulee,膽固醇勁超標日,仲係食滯日  


因為 ... 我地今日仲狂擦左台灣手信牛肉乾、豬肉乾,樓下魚蛋檔的燒賣,同埋百福薑汁豆腐花!


咁好味又咁開心,超標少少又如何!哼 ... !



【下圖】戴著鑽戒在放火的陳冬菇



【下圖】大少奶主理o既「黑松露帶子扁意粉」,一式三份,就係我地o既高貴美味 lunch  




【下圖】陳氏宗親除左鍾意食三色蛋,仲好鍾意 ... 影相!



 


後記:


其實當年由陳氏宗親發起的「三色蛋群英會」,係有好多 blog 友參與左的


一時間,突然個個屋企餐檯上,都有三色蛋做餸,諗起都好好笑


證明 blog 的感染力真是很大啊!


 


今日的三色蛋紀念日,是三位發起人的絕密約會


咁神祕,皆因呢批相片係用來交功課的啊!


交咩功課?


噢!你又追唔到劇情嗱?  


 


 

2008年4月25日 星期五

榮耀歸於 ... 阿爸

我識得煮餸 ...


我鍾意煮餸 ...


全都因為自細在爸爸身邊耳濡目染


 


大家唔好讚我煮得叻,因為我查實半桶水


你地眼見我煮過的,好多都是從陳師傅處抄來


就好似呢個福建手工麵,我做的都不似樣


「樂在明廚」要求刊登食譜,我摷來摷去都係要搵陳師傅那碗才見得人,哈哈  


所以,榮耀歸於陳師傅 ~ 大家請掌聲鼓勵



P.S.1   果然身教重於言教,我覺得親子下廚樂實在是一件太美好的事,我將來都要帶埋笨 B 笨 C 去街市買餸一齊煮飯仔


P.S.2   福建手工麵的食譜在此 --- http://hk.myblog.yahoo.com/bb-mama/article?mid=21781


P.S.3    查實 ... 我覺得爸爸真係好叻,以前不流行食譜書、也沒錢買,他的烹飪技術都是靠想像加鑽研自學得來的 ~ 但比食店煮得還要好吃啊  ~  

2008年4月23日 星期三

Happy Cucumber

尋日講起 "hea-B" (蝦皮的福建話讀音),有 blog 友話讀起來似 "happy"


哈!我都冇諗到喎!又幾好喎 ~ 食完 "hea-B",個人如果會特別 happy,咁就 very 吉啦!


咁呀,等我加埋佢o黎整「拍青瓜」,增添天然鮮味,連雞粉都唔駛落呀



【蝦皮脆瓜】2 人份量


溫室小青瓜  4-5 條


蝦皮 2-3 湯匙


豉油、芝麻油、糖、蒜蓉、鹽適量



做法:


(1) 青瓜洗淨切小塊,用刀略為拍扁


(2) 下 2 茶匙鹽,搓勻,醃 2 小時令青瓜軟化


(3) 醃好後,用冷開水洗去多餘鹽份,準備調味



(4) 根據個人口味調味,放置雪櫃裡半天便可食用 (間中拿出翻拌一下,有助調味均勻)


今次我下了 1 湯匙豉油 + 3 茶匙糖 + 1 茶匙麻油 + 指天椒碎 + 蝦皮



特別鳴謝:


黃妹妹知我鍾意食辣,不遠千里咁從日本帶回「輪切唐辛子」一包,鮮紅香辣,封口仲有密實拉鍊方便多次使用,真係 very 吉!


多謝晒黃妹妹 ~ 你真有心啊!不過下次去旅行,唔好特登買手信畀我啦!因為我自己去旅行鍾意兩手 fing fing 架,所以我每次收到別人給我的手信,都會超級唔好意思呢   放心,為左不負你咁遠帶佢返來,我一定會食晒佢架


Linkwithin

你可能對以下文章有興趣: