2008年3月27日 星期四

點解你咁蠢架!(2008 版)

*** 內容含有昆蟲相片,恐怖程度屬低級 ****


 


做左村姑就快一年了,我發覺自己愈來愈大膽


至少而家見到昆蟲,唔會嚇到彈上天花板


有時見到佢地身陷水深火熱之際,


仲會做下好心,拯救下佢地添


(當然,只限於我在室外見到的昆蟲。夠膽死侵佔我地頭的,依然格殺勿論 )


 


 


 


 


 


今日,被拯救的幸運兒,係一隻好蠢的甲蟲*  (原來牠是臭屁蟲 ... 請看後記二)


佢唔係第一個了,我發覺甲蟲真是好蠢的


經常都見到反轉左o既甲蟲,典來典去,典足成個鐘都反唔到身


我唔救佢?變甲蟲乾都似



哎o也,幫佢反身,佢竟然噴口水 (唔知係噴口水定拍翼將身上的水拍左出來)


哼!好在冇噴落我度,否則我會 ... 將佢反返轉



 


後記一:


2007 版的「點解你咁蠢架」經典o的。未睇過的朋友可以睇下:


(註:相片驚嚇程度屬中級)


http://hk.myblog.yahoo.com/jw!e0jZeDOfHxs_quoBjPAp4g--/article?mid=16403


 


後記二:


哼,原來牠是臭名遠播的「臭屁蟲」,真是救錯人   千祈唔好畀我發現佢地在我的衣物上生蛋,否則我一定誅佢九族

42 則留言:

  1. 尼只蟲我見過,不過唔記得叫咩名,區好似專門係d龍眼樹上邊。下次唔好走咁埋哇,區噴果d水臭架

    回覆刪除
  2. 呢隻被你救左的蟲,我諗係臭屁"辣"
    看看這些資料:
    http://www.hkfca.org.hk/discovery/y.htm

    回覆刪除
  3. 呢隻唔係甲虫黎架
    我地會叫佢臭屁"辣", 係有荔枝既地方出現
    佢bb仔個陣好嘔心架, 好似d蜘蛛仔架, 周圍彈, 仲會周圍排卵, 好核突。
    我個陣返學係藍地一到春天, 夏天佢地就出沒架喇。
    千祈唔好拍佢, 一死就有d臭味出黎架 。

    回覆刪除
  4. 噢.....你居然敢掂佢呀 ~
    做o左村姑的確零舍不同啊 ~~~~

    回覆刪除
  5. 嘩,咁大膽 ... ...

    回覆刪除
  6. 係臭蟲呀!我地都成日見到佢㗎! 我都好似你咁㗎,屋外發現會放佢一碼,屋內發現會格殺勿論!

    回覆刪除
  7. 相比之下2007版的驚嚇得多。

    回覆刪除
  8. 「做左村姑就快一年了,我發覺自己愈來愈大膽;至少而家見到昆蟲,唔會嚇到彈上天花板」<-- 好押韻喎!

    回覆刪除
  9. 嘩~
    呢隻你唔好亂來啊, 佢會噴嘢ga, 噴到眼就大鑊要洗眼ga!!
    仲有佢係臭ga...佢個俗名係"臭屁"辣""
    大西north一定有ga, 有時仲會係衫度生啲綠色一粒粒蛋tim ga~

    回覆刪除
  10. 呢隻臭屁(la), 班主早兩年也給它咬過, 咬得好痛好深, 並留下疤痕直到現在. 所以我都驚驚 ~

    回覆刪除
  11. 問我防治臭蟲嘅方法? 咪就係大聲叫:『老公~有臭蟲呀!...嗱!唔好捉過黎、都叫你唔好捉過黎哦!』 通常佢地三父子都會圍住研究、研究,我就無咁好氣理佢地。

    回覆刪除
  12. 你真好心!
    一般的甲蟲昆蟲我都會放過
    不過臭蟲就一定唔會放過佢!
    你小心呢!臭蟲的尿,酸性好強,會傷人架!
    所以我次次見到,都會向佢噴火酒等化學物整死佢
    如果唔係,佢整啲味出黎就有排臭喇!

    回覆刪除
  13. 我都試過響露台救過呢種蟲, 果頭用拖鞋幫佢反身, 番入屋冇耐, 轉頭佢又反肚, 幫咗第二次之後, 我冇再理佢! 再晏少少出去, 發覺佢已經瓜咗!

    回覆刪除
  14. 呢隻叫臭屁"辣...佢勁臭嫁...我以前住錦田都成日見到佢地嫁..因為我家
    隔離好多"龍眼樹",佢地最鐘意係"龍眼樹"度出沒...我試過曬在露台既衣服
    比佢地生左d蛋係度, 而我又沒留意到, 把衣服放回衣櫥內, 有日見衣櫃
    周圍好多"細細隻"既昆蟲, 查看下, 發現衣櫃內其中一件恤上有一排"臭屁
    辣"既蛋,正在"孚"化中.........勁恐怖呀.........>_<

    回覆刪除
  15. 我坐巴士時俾甲蟲咬過, 係唔係更蠢 ~~~ = ="

    回覆刪除
  16. 因為我家窗外有好多樹,所以常常會有各種甲蟲光臨,通常它們晚上的時候會撲燈,撞得啪啪響。我就快手把它們包到廢報紙里解決掉,否則會有很刺鼻的味道。通常這個時候,于貓貓都很好奇的看,有時候還會捉蟲來玩呢!

    回覆刪除
  17. 林c拉︰我都試過呀!真係勁恐怖!

    b媽︰臭蟲的蛋係青綠色,有兩排咁排到密晒,黐住啲衫黐得好緊架!
    我如果見到,會即刻搵嘢挖走佢,同埋整穿晒佢,等佢地永不超生呀!
    而家又係臭蟲生蛋的季節喇,小心呀!

    回覆刪除
  18. 我以前住馬鞍山時成日都有臭屁蟲o架
    佢地勁衰
    經常在我天台的淺色衣物上生蛋
    通常都係兩一排咁
    好似青青地色的蟹子
    到左就熟就會變成橙黃色
    所以我每收衫都要驗屍咁驗
    一見到有就用野挖走去 (所以天台有把牛油刀)
    你小心 d 呀
    佢一去開你地頭就會當左係自己地頭喇~
    仲有呀, 唔好用電蚊拍呀!
    無用o架!
    千祈唔好用拖鞋喎
    因為佢地好硬打唔扁呀
    我以前會入定一樽藍威寶放在天台
    一見到佢地出沒就佢地!
    後尾改用漂白水,效用更佳!

    回覆刪除
  19. wa~比我班貓見到就好玩了~

    回覆刪除
  20. 臭屁蟲...當然是又臭屁又臭 ga la!!!

    回覆刪除
  21. DEAR, YOU HAVE SAVED THE WRONG BUG....

    回覆刪除
  22. 雖然呢隻虫好細隻, 但係見到都毛管凍

    回覆刪除
  23. 救虫一命, 勝做七級浮圖

    回覆刪除
  24. 我都好驚小動物...特別喺屋企, 啱啱都發現左條 青bb既虫 , 可以黎睇吓!

    回覆刪除
  25. 吓? 臭屁蟲???
    俾我一定搵野噴屎佢!!!

    回覆刪除
  26. 我試過打死一隻臭屁虫(當時唔知, 見到就"立"野打落去), 屋企臭咗半日.... 而家知道應該點對付佢...

    回覆刪除
  27. 我至憎曬衫時見到臭屁蟲係衫到生蛋!夏天到就煩呀!

    回覆刪除
  28. 恐怖程度屬低級 , I can't stand lady bugs (beetles) , they fly and fly around my ears when I want to SLEEP... argh....
    Last night saw a DYING cockroach at my toilet door, I SCREAMED and Asked daddy to come and GET RID OF IT... ahhhh.... my daughter came out of her room and asked, "did you see the cockroach by your toilet? I sprayed HALF A CAN of Baygone to kill it." AHHHHHHHHH, half a can and still kicking

    回覆刪除
  29. 係d 衫度生旦. 唔係卦

    回覆刪除
  30. 嘩~ 佢會唔會飛啊?! 會飛既我都好驚啊!!!!!
    我以前一定會即入房再關門!!
    反而過左來新屋, 未見過呢!!! 奇怪奇怪!

    回覆刪除
  31. 呢隻蟲唔好放過佢,我都住村屋~露台對開有一棵大龍眼樹,我D衫經常在回南天及潮濕天氣便有這隻蟲屙的蛋,整齊2排10粒綠色 ,如果孚咗出來重核突,細細隻黑色,見到毛管都豎起埋,所以我係呢個天時,收衫後會徹底檢查才放心

    回覆刪除
  32. 佢唔係噴口水呀,果d係佢d尿黎架!
    唔好俾佢噴到呀,唔係會搞到你皮膚痕架!
    隻臭屁辣蟲仔細細都算陰毒啦!

    回覆刪除
  33. 同妳住得都好近下喎!幸會呀!

    回覆刪除
  34. 多過四隻腳o既野我都覺得好核突,睇埋bloggers d comments 覺得好嘔添呀

    回覆刪除
  35. 笨 B 媽媽,
    佢係衫甚麼地方都會生,最勁試過係牛仔褲袋內~真係估佢唔到,我著時袋野落褲袋.....點知摩到一粒粒.....嚇到我 ,所以小心為上

    回覆刪除
  36. 濃情朱古力碰上士多啤梨2008年3月29日 上午3:32

    笨b媽你對佢真係好la..如果俾著我..我都會殺死佢la..因為佢地實在太核突la...

    回覆刪除



  37. 苯b媽媽.我係照你的方法種出來.沙田柚.不過唔知點解.有兩株係白色的.我正進軍龍眼.有新進展再給你看.

    回覆刪除
  38. 露絲公關手記2008年3月29日 下午4:53

    咁恐怖你都放過佢,太仁慈喇你.....

    回覆刪除
  39. 認住佢個樣........格殺勿論!

    回覆刪除
  40. 你真好心地! 我都係出面的我唔理, 但入侵我家的就

    回覆刪除
  41. 下次見到佢地真係唔好救呀! 我讀中學個陣, 附近有龍眼樹, 每到 summer 附近就有勁多! 個個女仔見到都驚 佢地 d 蛋好似 bb 彈咁款架.. 小心小心~~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: