2008年2月2日 星期六

【意見搜集】邊隻暖爐/ 暖風機好用?

有 blog 友問起我上年冬天買o個部「米格熱能」用得如何,我一直都沒有寫,原因係我手上暫時得呢一部,無從比較,用家經驗略嫌有點片面。



不過呢兩個禮拜實在太凍,我諗好多朋友都有諗過買/ 再添買暖爐 (包括我自己在內) 咁不如我就開篇【意見搜集】blog 畀大家發表下各種牌子、各種型號的用家報告,等有需要o既朋友有個參考丫 ~


 


好,我講先


我手上有一部 Bionaire 米格熱能 1500W 的 (上圖),上年在千色百貨購入,好像是 $1100。


用後感


 發熱快,三分鐘已暖。但因為是以對流形式散熱,而非把熱氣「吹」出來,所以傳熱慢。放在腳邊取暖就 very good,但期望佢 heat up 成間房/ 成個廳的話 ... 都冇咩可能


 防水,可以放入浴室用。不過體積較大,村屋洗手間就冇問題,市區的迷你型洗手間就 ...


 安全,因為熱力平均,就算用手觸摸表面都不會灼傷


 唔會好似暖風機咁乾燥


 以同一火數來計,米格熱能的「暖和」效果比較低,因為傳熱慢!


 


因為天氣實在太凍 (今晚三樓主人房裡得 6 度!!!) 所以我都打算再添置多一部暖爐。但未決定是否買部 2000W 的米格熱能放在客廳好丫、定係買部暖風機放在浴室 ...


大家屋企又係用緊邊類型o既暖爐/ 暖風機呢?請發表一下丫 ~


 


 


 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: