2008年1月9日 星期三

朝鹽晚蜜

不知道大家有沒有聽過「朝鹽晚蜜」


原來是一種流傳已久的養生之道


只要持之以恆,每天堅持


就可以令身體自然排毒,不用再靠o的乜丸物丸


幾個月前聽陳師傅跟朋友 R 談起,自此朋友 R 每天從不間斷地實行著


我和笨 B 爸爸聽見是「養生之道」,當然不甘後人,也從那時候起開始一起實行


效果好 good 呢!從那時候開始,簡直是 ~ 排出便便身體好   每天早上飲完鹽水不久就會想去廁所了,非常暢快呢!


 


【朝鹽晚蜜】


“朝鹽晚蜜“是一種從古到今廣為流傳的養生方法,操作十分簡便:在早晨起床後,用開水衝一杯淡鹽水,先漱漱口,然後慢慢飲下;在晚上臨睡前,喝上一杯蜜糖水。早鹽晚蜜,就是可用這兩樣東西祛除胃腸中積聚的熱結,熱結一除,便不會有消化不良,便秘等現象,同時又因蜂蜜有養脾氣,除心煩的功用,所以可使人心神安定,早入好夢。早鹽晚蜜對治療咽炎也有神奇的療效。


(source: CCTV 生活頻道)


 


【下圖】朝早飲一杯淡鹽水


提示:遇上咽喉腫痛、熱氣口臭的日子,不妨用濃鹽水漱口,效果勁好


注意:鹽水只可在早上飲,不可在下午或晚上飲



【下圖】睡前就飲蜜糖水


提示:陳師傅話要「真正o既蜜糖」先得喎!下面呢款係佢御用牌子


注意:真蜜糖本來就是天然的殺菌消毒劑,所以毋須放入雪櫃,室溫保存便可。而圖中所見的沉澱物是蜜糖轉化而成的蜂糖,是正常的。另外,沖蜜糖的水不可過熱,熱水會破壞營養成份,也令蜂蜜的味道變酸;用六十度以下的暖水飲最好。


53 則留言:

  1. 其實我都聽過「朝鹽晚蜜」的說法。但我總是掌握不了「淡鹽水」的分量,結果因為太鹹而放棄了。

    回覆刪除
  2. "先漱漱口,然後慢慢飲下"
    唔刷牙 ???

    回覆刪除
  3. 己聽過了!多謝分享!!

    回覆刪除
  4. 係啊, 我老爺奶奶都有這樣做呀, 他們都說對腸胃好好, 通便亦很舒暢. 我有睡前飲蜜糖水, 的確會睡得很好; 早上經常趕著出門返工, 所以就沒飲鹽水.

    回覆刪除
  5. 有時覺得自己食得太多冇益既野,對呢個好有興趣呢,一於今晚開始 thanks

    回覆刪除
  6. 好主意!等我也施行一下。

    回覆刪除
  7. 我想問陳師傅「真正o既蜜糖」可以去邊度買?
    因為我都想實行朝鹽晚蜜既養生之道!

    回覆刪除
  8. "鹽水只可在早上飲,不可在下午或晚上飲" 晚上飲是否因為鹽水會令人水腫? 多謝分享, 好實用的養生之道!!

    回覆刪除
  9. 請問響邊度先買度陳師傅介紹既蜜糖同海鹽呀?

    回覆刪除
  10. 多謝你分享喎
    你試得咁上下日子記住話過我地知WORK唔WORK

    回覆刪除
  11. 我聽講過, 如果想清埋d雀斑, 可以在蜜糖水中放幾塊新鮮lemon, 我有朋友試過, 2~3個月真係淡左, 美白效果一流, 有興趣可以一試!聽講係(蘭子-香港小姐)教架喎

    回覆刪除
  12. 謝謝分享。請問陳師傅的蜜糖可以去邊度買? 我好想買到「真正」的蜜糖。

    回覆刪除
  13. 真係多謝妳既介紹, 我一向腸胃都唔多好,
    由今日起一於跟妳呢個方法試下!

    回覆刪除
  14. 你試左幾耐呀?

    回覆刪除
  15. 有d人又話唔可以直入鹽水, 會好傷胃(定唔知邊到)
    夜晚入蜜糖水...我知好潤...但係咁樣...好肥啊!

    回覆刪除
  16. 唔... 師姐我呢排的腸胃唔係咁好.... 既然如此我都試吓先!!!

    回覆刪除
  17. 咁,我都要試下先得!多謝分享!

    回覆刪除
  18. 濃情朱古力碰上士多啤梨2008年1月9日 上午9:11

    嘻..等我又用下先...thx

    回覆刪除
  19. 朝鹽晚蜜~~有聽過,都OK架,不過真係要早D起身先可以咁做,因為飲完鹽水之后會好忙.....

    回覆刪除
  20. 咁d蜂糖可唔可以當蜜糖咁沖黎飲ga~~?? 份量又大概一杯水開幾多蜜糖到呢?
    我都想知d咁純正ge蜜糖o係邊度買呀

    回覆刪除
  21. 好好o既養生之道, thanks for sharing!

    回覆刪除
  22. 笨B媽媽呀~~我想知你樽蜜糖邊到有得買呀??我平時係開City super買的!我見你個樽好似好有料咁呀!

    回覆刪除
  23. 死上次轉樽時將那蜂糖丟掉

    回覆刪除
  24. 蜜糖水會不會增肥啊? 唉,我連飲水都會加重

    回覆刪除
  25. 其實我都想試, 但係屋企人話唔好, 因為吸叫太多鹽驚對個腎唔好! 我地屋企連湯呀, 煮飯都唔係點落鹽!! 唔知一茶匙鹽會唔會對腎真係好大影響呢?

    回覆刪除
  26. 都好喎~~~又可以墜下火

    回覆刪除
  27. b媽

    呢個我細細個就聽過,因為阿爸成日講
    不過口號有小小唔同︰朝飲鹹湯晚飲蜜糖
    不過我如果喉嚨無事的話,我都提唔起勁飲甜的蜜糖
    所以一直都無心機實行呀!

    回覆刪除
  28. 多謝分享 等我都試下先

    回覆刪除
  29. 真係咁work,一定要試呀

    回覆刪除
  30. 真係咁有效, 就要試下呢!

    回覆刪除
  31. 如果飲到靚的真蜜糖, 可以醫喉嚨痛呀~

    回覆刪除
  32. 師姐... 中醫師話我消化不良呀!!! 最近我啲屁屁臭臭 同好容易肚瀉.... 已經多菜少肉ga la...唉!!! 有咩良方解救吓我呀?!?

    回覆刪除
  33. 我早晚都係飲蜜糖, 皮膚都靚d

    回覆刪除
  34. 朝早飲鹽水可以排清宿,但我腸胃唔受得
    試過攪到腸抽筋啊

    回覆刪除
  35. 多謝分享!我也要試一試呢!!

    回覆刪除
  36. 好介紹! 多謝分享。
    請問小朋友幾多歲可以實行?

    回覆刪除
  37. b 媽, 可唔可以幫我問吓陳師傅有咩辦法另bb 皮膚冇咁乾, 佢已經飲好多水&湯, 又有幫佢搽 lotion, 但佢d皮膚仲係超乾, 柴皮咁括手ga.

    回覆刪除
  38. 多謝你的分享呀, 等我都試下先... 我以前的情況都好嚴重架... 不過之後試過一輪狂飲水.. 日飲夜飲.. (差唔多keep住每個鐘都飲一大杯水) 排毒的情況就不藥而癒啦 ps. 笨B媽媽, 我好耐無黎過啦, 你個blog靚左好多呀

    回覆刪除
  39. 我有聽過朝鹽,仲話可以減肥添!蜜糖我鍾意花蜜,就咁食!

    回覆刪除
  40. 我一早已朝鹽晚蜜,我個女都係。皮膚好D、腸胃好D。

    回覆刪除
  41. 我都是第一次聽的, 謝謝分享。
    咁想問一問, 是否早上飲完後便立即去呢 ?  如是, 真是要早些起床的。 

    回覆刪除
  42. 多謝分享,我都要試吓先!

    回覆刪除
  43. 飲鹽水會唔會令身體積水架?

    回覆刪除
  44. 好有用既資料,
    抄低佢先,
    唔該哂呀

    回覆刪除
  45. 好多謝你的分享,之前試過便便不好,飲了兩日便好,無再飲,而今會日日飲. 「通泰超級市場太....我住大圍,有無好介紹可買真蜜糖???

    回覆刪除
  46. 好, 一於加入朝鹽晚蜜行列.
    其實之前都聽過, 不過無實行囉.
    我想問朝早係咪要空肚飲淡鹽水架?.............

    回覆刪除
  47. thanks for sharing! 會唔會話飲到一段時間就要停一停, 先再飲返?

    回覆刪除
  48. Hello笨B媽媽~ 我一路都好鐘意睇你個BLOG但無留過言~ 剛剛發現左有個BLOG COPY左你呢篇朝鹽晚蜜o既字同圖呀~希望你唔會怪我多事啦~ http://hk.myblog.yahoo.com/hrelaine/article?mid=249

    回覆刪除
  49. 多謝分享
    我想問下係唔係一定要朝早落肚嘅頭一杯?
    因為我習慣先飲杯茶

    回覆刪除
  50. 我都有聽過呀,不過試左幾日就冇恒心,hehe...

    回覆刪除
  51. 你好...我想問朝鹽晚蜜~會唔會增加患上高血壓?因為一茶匙鹽剛剛是每天人類的吸收量..

    回覆刪除
  52. 多謝分享,真係好鍾意你個網~~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: