2008年1月7日 星期一

辣辣彈麵邊個食

今晚食左個彈牙靚麵 ~ 配彈牙魚丸、墨魚丸 & 龍蝦丸


個湯底係咪好有睇頭先?成個血池地獄咁,唔駛講,梗係辣麵喇


上面隻辣椒 ... 其實係無辜o既!純粹攞o黎點綴下o者


至於點解o的小棠菜會捲成一碌碌 ... 呵 ....呵呵 ................................ 咪就係因為我無聊囉



就係因為呢七隻字,我買左呢包麵返屋企


頂級辣面到家


我鍾意食辣就係人都知 ~ 呢隻麵有幾辣?噢!同辛辣麵差唔多喇!對我來講算是小辣吧 ~ 不過年紀大左,唔會去到咁盡了,辣得來好味就得啦



嘩蟹,祖國呢期興玩食字喎 ... 辣煌尚,幾有氣勢呀!



唔好以為佢係野雞牌子,上網 check 返,原來好大規模架!


華龍日清食品有限公司:http://www.hualong.com/ 



呢款「辣煌尚」無論在口感、味道、配料和包裝各方面,都非常有水準,真係拍得住o的日本出品、韓國出品架



只是呢幅照片造型比較有祖國氣息 --- 阿大師傅掛到一身都係金牌,好勁!



呢袋質素咁好的辣麵,在深圳連鎖百貨「茂業百貨」的超市只係賣 RMB 9.50 !!!當香港賣的辛辣麵差唔到去到 $30 一袋時,你會覺得 ... 超抵囉!同埋呢 --- 佢真係相當好味!我下次會買埋佢另一o的口味來試埋


 


實在 ... 點解我會發現到呢包麵o既呢?


原因就係 ...


(1) 太八卦,鍾意周圍貢,又鍾意試新野 (突然發覺自己好適合做買手 )


(2) 太鍾意行超級市場,無論去到邊都一定會逛當地的超級市場,所以我o的「八卦大發現」多數係家品或者食物


(3) ... 為食囉!唏!唔駛畫出腸喇


 


 


 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: