2008年1月25日 星期五

尋找失落的 ... 鐵尺

喂,笨 B 媽媽,呢把膠尺o黎架喎!同標題不符喎



 


.... 鬼唔知咩 ...!若然我知把鐵尺o係邊,仲駛開篇「尋尺啟示」追尋佢o既下落咩


 



 


唔知大家屋企的男性動物係咪咁,但因為我屋企o個個係咁,所以我今日決定 ... 講佢壞話 


因為佢地太「瀟灑自在」,用完o的野永遠唔會放番好


所以我經常要用某樣野時,就會搵唔到o個樣野


花一大堆工夫摷番出來物歸原位,然後 ...


他下次要用時又會好開心地在原位一搵就搵到,跟住又再亂放  ...


然後我呢個阿四又要執一大輪將所有野物歸原位  ...


呢個係一個生生不息的循環!哼!



 


【後記】


我諗男人可能亦都唔明女人點解成日要將o的野執到整整齊齊井井有條,反正下次都要用架啦 (雖然下次唔知係幾時) 做咩要花一輪功夫執來執去o者 ...


 


又正如佢地唔會明點解屋企有把鐵尺,仲要買把膠尺 ... 哼!若然唔係我有「士啤」,我連膠尺都冇得用添呀!唔通搵本書做間尺畫直線呀??


 


嗱,呢o的就叫做「男女大不同」啦!Men are from Mars, Women are from Venus!   男人可惡,但也可愛;女人可愛,但也可惡!所以大家會互相吸引,也會互相講壞話 ~ 哇哈哈哈哈


 


 


 

38 則留言:

  1. 我同意,經常在亂堆中找回將近遺忘了的東西!
    同一樣東西,可能就會經常出現兩件以上的情況!
    實在浪費!

    回覆刪除
  2. 仲有好多「還原大法」男人們都唔識!如厠所板啦!次次都氣死人的!
    我有個方法行得通,便是用memo紙貼在未放在原位的東西,一星期給男人看看自己有幾多 memo紙。當然自己要忍手唔好幫佢地執野啦!哈哈~幾好玩架!希望苯b爸爸可以好一排啦!yes 是一排obly(男人嘛)

    回覆刪除
  3. 我覺得同「男女大不同」無關係, 男人都可以好執著 (由其係有潔癖既人), 有少少唔順眼, 即刻媽叉 ~

    回覆刪除
  4. 係呀! 係呀! 佢地成日都係咁嫁 

    回覆刪除
  5. 呢個問題係會發生係我身上,我成日用完亂放

    回覆刪除
  6. 濃情朱古力碰上士多啤梨2008年1月25日 上午5:15

    哈哈.. 你講得好岩呀...

    回覆刪除
  7. 好一個惡性循環 . . .

    回覆刪除
  8. 男人可惡,但也可愛;女人可愛,但也可惡, 好一個mix & match, 不過我諗響b 媽 心中,b爸是可愛多過可惡, b 媽, 是嗎?

    回覆刪除
  9. 反而我bf某程度比我更整齊喎, e.g. av的, 電腦的....其餘就......我強o的, 哈哈哈

    回覆刪除
  10. 男人同女人真是大不同!
    所以相處真是大學問!

    回覆刪除
  11. 笨B媽媽出到貼堂呢招,笨B爸爸仲唔快D改過自新!

    回覆刪除
  12. “所以大家會互相吸引,也會互相講壞話 ~ ”
    言下之意聽日篇網誌係笨B爸爸出先?到佢講返你壞話呀?
    你兩公婆咁有情趣呀~

    回覆刪除
  13. 笨b媽媽,第一次o黎睇你個blog見到你寫o既o野覺得你好勁ar... 我要睇埋你其它o既blog 先得...

    回覆刪除
  14. 陳生咪exactly the same囉!!!!!
    星期一至五我知佢返工辛苦我唔話佢
    一到weekend我就鵝足佢成日啊!

    回覆刪除
  15. 呵呵!我老公─我叫佢做男主角既,都係無手尾的!不過我都係,所以我間屋好鬼亂架!

    回覆刪除
  16. 我有祕技令大少爺有手尾架!仲教過冬菇添
    祕技足以令大少爺咁多年習慣好手尾架
    總之個方法就勁啦!哼

    回覆刪除
  17. 錯!當佢無手尾時你就晌案發現場做手腳
    佢用完間尺唔擺好,就用間尺阻住佢
    例如…將間尺放晌佢張按摩椅、放晌鞋裡面、或佢要沖涼前放晌浴缸
    佢會問做乜擺間尺晌度?
    你就答:我要問番你點解用完放好呀?你放唔好我就學你亂放
    以前大少爺放工換衫亂擺,我將佢既衫褲捲埋一舊甚至兩隻褲腳用象根札實,放晌當眼處或梳化
    慢慢佢就知驚啊!
    如此類推,大少爺習慣了整齊及有手尾
    否則…比哦同鬧更難受
    而我好少鬧同哦佢既

    回覆刪除
  18. 點心爸爸係佢D野就放好,例如游戲機.GAME 'X雜誌咁,不過被就永遠唔會起身就褶,佢話反正下次都要用架啦!

    回覆刪除
  19. 我屋企就有一個又鍾意儲嘢但又唔執嘢嘅大少爺,好彩我係一個好鍾意執嘢又鍾意掉嘢嘅人,如果唔係間屋實變垃圾崗都得啦!

    回覆刪除
  20. 其實佢地的習慣是以前學來 ga . 就好像我老公佢也是無手尾 ( 因為之前佢屋企就是咁 , 到現在我老爺 , 奶奶都是咁 . 所有野都順手亂放 ) . 有時我都會為著這些事同老公鬧意見 .

    回覆刪除
  21. 哈哈哈!!估吾到有人同我一樣(因我都係經常要用某樣野時,就會搵唔到o個樣野)
    好見大家咁有緣就話俾你知一個消息就係... 5566香港首個簽唱會 日期:2008年1月27日 (星期日) 時間:下午3時 地點:將軍澳新都城中心二期商場L1天幕廣場 希望只要係喬傑立的fans或有興趣的朋友都可以到場支持56為佢地加油打氣

    回覆刪除
  22. 噢 ! 原來男的通常冇手尾。
    我家男主人又係咁架,我一執野就鵝..鵝...鵝佢架喇。
    成日將野亂放。睇黎都要學大少奶果套絕技先得喇。

    回覆刪除
  23. 我都鍾意將東西放得整整齊齊, 但有時唔為意都會唔記得放左d野係邊(今個星期我係公司唔見左3次野啦, 真係大意~)

    回覆刪除
  24. 哈哈...絶對同意!!!!

    回覆刪除
  25. 龍少都係一樣啦
    但係佢有好多籍口架, 例如:
    佢放工將d衫周圍放, 籍口係"如果我唔亂放, 你唔知我返咗黎"
    煮完飯d油鹽亂放, 籍口係"如果唔係, 你就唔知我用咗咩調味料"
    .... 聽完佢咁講, 都唔知可以點
    唯有繼續哦~~~

    回覆刪除
  26. 笨B媽媽...我想問德國寶隻極速智能煲...
    你或你的朋友有無用過?...好唔好用呀?

    回覆刪除
  27. 吾........我絕對認同你嘅講法!

    回覆刪除
  28. 咦...
    黃老爺咪異族?
    佢好有手尾o架喎~~~
    反而我將個書房攪亂晒.

    回覆刪除
  29. 我老公同個仔係一様咁冇手尾,真係冇佢地收?

    回覆刪除
  30. 相信好多女性都會有相同感受...唉...

    回覆刪除
  31. MaGmaG♥熹琳幸滺♥2008年1月26日 上午7:29

    「瀟灑自在」<-----Bingo!!! 我多數唔會問佢D野o係邊.............到佢問我: 老婆,個XXX 放左o係邊? 我就會答: 放左o係你對手度! 激屎佢...

    回覆刪除
  32. 點止呀~~~叫佢o地洗o野,你用o既時候一定要檢查下,因絕大多數係洗完仲有好多宵夜番返比你o架
    男人整齊反而會嚇親d女人,會以為佢地轉o左取向添 ,我o地唯有將就下,做個偉大o既"背後的女人"啦

    回覆刪除
  33. 我老公d野亂, 我都好亂架!! (冇計, 我老豆好鐘意整齊, 搞到d仔女慣晒有人執野) 我有時的起心肝咪執下囉~ 不過通常都會執到半天吊, 然後話攰走左去訓~~ ccc 之後打電話call老公返黎執手尾~~ ccc 不過廁所板呢, 自從我岩岩結婚時用嗲功, 嗲左佢2次, 佢之後每次都記得拎起廁板~~ 即使訓到朦朦朧朧, 都記得架~~ 呢樣真係要讚下佢~~

    回覆刪除
  34. 又真係不少男人冇手尾.我老弄仲成日在家拋垃圾.死性不改.好在現在結婚後搬了出去.

    回覆刪除
  35. aiya ... 係屋企亂放嘢果個係我呀!

    回覆刪除
  36. 我屋企都有的咁既情況出現, 我係一個好愛乾淨既人, 佢就會話: 如果唔係我成日搞亂的嘢唔放好, 邊有得黎咁好嘢比你拾丫.

    回覆刪除
  37. molly 作反喇........

    回覆刪除
  38. 我屋企個火星人都係咁...所以只有佢用嘅嘢我永遠都唔會同佢執, 但就會不斷哦..哦..哦....因為試過好多次佢搵唔到自己啲嘢就走黎問我將佢啲嘢放咗去邊...大佬火星人...我見都未見過件嘢, 鬼知咩..

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: