2008年1月24日 星期四

福建土產

陳師傅和陳師奶上星期因要事回鄉一趟


回來時拉了大包小包


我估 overload 情況相當嚴重,因陳師奶一回到香港,已打電話給我「投訴」陳師傅拿太多東西,拖到佢傻  


星期二特別被「徵召」回家吃飯,然後塞了這大袋給我


嘩!全部都係零食!已經有三、四 kg!


咁佢地自己o個箱行李仲有好多係煮食素材 (e.g. 澍薯粉、黑豆等香港買不到的東西。冇錯,家鄉的黑豆和香港的是不同的,好細粒,補腎去濕功效特強,因產量極少不作出口) ,難怪陳師奶話行唔郁啦!



各位「福建幫」& 「潮州幫」,唔知你地有冇食過呢o的家鄉小食呢?


雖然佢地外表好 raw,但好多都好好食,香港未必買到架!所以陳師傅和陳師奶才不遠千里地托返來呀 ~


 


【下圖】野生金桔 --- 細粒的才是野生,大粒的是人工培植。野生的風味好好多,兼且化痰止咳功效特佳,用o黎送茶一流呢!在家鄉,家家戶戶檯上除了茶壼,就放這個了!



【下圖】麻棗 --- 好鬆化的小食,表面沾滿花生碎,好香口架呢



【下圖】桔紅糕 --- 味道像香蕉糕的小食,但口感好十倍,又煙韌又軟糯!不過,口感會隨時日減低,愈變愈硬。所以香港市面有售的都不好吃,要從「原產地」直接買回來的才可嚐到那美妙口感。



【下圖】茶葉 --- 大家都知我係一個大茶壼   其實就是因為家鄉是產茶名省啦!自少已把茶當水飲的了


陳師傅經常說他的茶葉不用買,因為佢太多粉絲,個個都送茶葉畀佢,大部分還是上佳貨色,所以我叨他的光,也有機會飲好茶啦!



【下圖】咦?點解山區的鄉下有這個 (瑤柱仔)?噢!我想大概是住在廈門的三舅父送他們的哪  ~  好新鮮好香,隔著厚厚的膠袋也嗅到那香氣呢! 



【下圖】口立濕都一大堆 ... 陳師傅真是 ...




 


後記:


我成日話陳師傅,做咩山長水遠托咁多野返來,香港係購物天堂嘛,咩都有喇 ...


佢答我話,因為好多都係親友們送的,全部拒絕的話不合禮貌,況且有o的野香港又真係冇,佢已經係只揀自己鍾意食o既o黎攞架啦 ...  


我就 un un 腳坐享漁人之利,真係辛苦晒  ~


 

43 則留言:

  1. 有個好爸爸真幸福!!!
    我好想試下個 "桔紅糕"呀~

    回覆刪除
  2. 嘩, 好誇張呀
    見到你份手信咁大份
    都諗到陳師傅同陳師奶有幾辛苦...
    咦... 牛皮糖係咩黎架?
    唔知我姐夫識唔識呢?

    回覆刪除
  3. 好小買涼果,因為怕有太多糖精/代糖,我寧可食用真o既糖做o既涼果,不過,野生金桔 --好似好好食咁, 唔知香港有無得賣?

    回覆刪除
  4. 請問 "口立濕"中 有兩個[囍]字的是乜東東嘢食啊???
    失禮晒, 唔係福建邦, 唔多知識!!!

    回覆刪除
  5. 其實呢度件件都唔"輕手"囉~
    佢地2位老人家攞到咁多, 真係勁啊!
    不過...我除左見過鐵觀音, 同個d (應該係)山渣餅既東東外, 其他連個名都未聽過啊!
    我對個野生柑野有有興趣啊~

    回覆刪除
  6. 桔紅糕好食...不過要盡快食晒
    試過放多幾日發"毛"
    另外好中意食發糕....綠豆餅!!!
    ps: 我唔係福建人...但好中意食福建零食

    回覆刪除
  7. 你就好啦! 咁多野食! 真係好多都未見過噃!

    回覆刪除
  8. 我老細係福建人,經常都會帶桔紅糕返公司請我地食,所以我有幸嘗過,幾好味吖! 跟著睇到你話:『野生金桔 ...化痰止咳功效特佳...家家戶戶檯上除了茶壼,就放這個了!』就聯想到忍唔住笑出來:咩得咁多痰要化呀?

    回覆刪除
  9. 嘩!你都食零食架?
    我都係除左茶葉就乜都未見過呢

    回覆刪除
  10. 救救地球! 救救自己及家人

    回覆刪除
  11. 我家老爺都係福建人,點解佢啲親戚從來都冇送過呢啲特產俾我地呢?
    送來送去都是花生和花生糖... 最慘我完全唔鍾意食花生!

    回覆刪除
  12. 除左茶葉之外,我全部都未見過,好想試下。

    回覆刪除
  13. 哇蟹....
    你個全盒滿晒咯~~~

    回覆刪除
  14. 嘩~~ 好多零食呀, 想食野生金桔, 流口水呢, b媽真幸福啊
    我老爺奶奶係潮州幫, 回鄉多數帶茶葉及自家醃製食品回來, 例如菜餔, "貢齊" (潮州話, 係用鹽醃咗好耐嘅蘿蔔)等, 送粥一流啊

    回覆刪除
  15. 見到咁多嘢食,真係幾開心,我都想再去福建,父母一定掛住兒女,我上次話十個女九個賊,無貶意,祗是開玩笑,女兒回娘家,父母因庝愛是會預備好多嘢,讓女兒帶走,我已故的父親及我現在都是這樣的,我喜歡看到您寫陳師傅,請不要介意我上次這樣形容.

    回覆刪除
  16. 麻棗 & 茶葉係我常見的手信. 但係我最愛的是已醃好的牛肉粳,蜜糖&蝦米仔. 吾知 笨 B 媽媽 你試過食牛肉粳嗎?我老公上次跟我返福建,吃過後念念不忘.

    回覆刪除
  17. 我這個大鄉里,全部都未見過又未試過呢!

    回覆刪除
  18. 福建真是好地方,有這麽多好吃的。

    回覆刪除
  19. 山渣餅呀....山渣餅...我自細鐘意食~~~~~
    鐵觀音......又係我至愛,但成日唔敢買,好驚比人呃,試過買o左返o黎,難飲到要丟o左佢....

    回覆刪除
  20. 哇,有好多手信啊~ 我好想試下個 "桔紅糕"呀~

    回覆刪除
  21. 睇清楚,你見唔見到其中有盒零食有你個名:
    永 春 金 桔

    回覆刪除
  22. 麻棗
    我都食過伽!

    回覆刪除
  23. 福建鐵觀音好正,最正就係春茶。要等多一陣先有得飲08春茶。

    回覆刪除
  24. 一個字勁呀
    我估佢地真係拎咗好多回來呀

    回覆刪除
  25. 我同大少奶一樣第一時間係見到你o個名law ...

    回覆刪除
  26. 家鄉小吃真係好多 . 你就好啦 咁有口福 .

    回覆刪除
  27. 嘩, 你d小食, 我見都未見過吖!

    回覆刪除
  28. 好勁啊你有自家品牌

    回覆刪除
  29. 麻棗唔知係唔係我鄉下潮州話叫 'sapa'果樣野呢, 我好鍾意食架.

    回覆刪除
  30. 好多野食呀, 但好多都未食過

    回覆刪除
  31. 說真的, 唔係你話好食, 我見d咁packaging, 我真是不會買來試!!

    回覆刪除
  32. 嘩..大豐收, 新年大把好野食

    回覆刪除
  33. 我都係福建人呀.. 不過係福清,.知唔知係邊呢? 我最鐘意食家鄉既綠豆蓉餅..真係好好正.. 不過細個食覺得好味d.. 而家好似變左咁... 好耐冇返去喇.. 仲有福州魚丸..好味呢! 仲有蠔餅呀.. 不過唔同潮州果d架..

    回覆刪除
  34. 我都好耐無食桔紅糕啦~~有無食過以前果d人手做的桔紅糕呀(白色紙袋,紅色字)?比而家的機製桔紅糕好食好多~~諗起都留口水......

    回覆刪除
  35. 野生柑桔好吸引! e~~~ 妳又係鍾意鐵觀音gar!! 妳有一位好錫妳的daddy!
    ps, 咳到甩肺, 請問有乜中藥o岩洗? 我係有氣管敏感gar。

    回覆刪除
  36. 好勁.. 我最鍾意都係你啲茶葉!!!
    啲零食係陳師傅要你拎返屋企比佢下次來探你時食架!! 哈哈!~

    回覆刪除
  37. 我覺得家鄉食品,實而不華,好多時都是外表不甚了了,但入口就好有特色、別具風味。我都好鍾意食一隻叫"叻頸"的茶果,不過自從祖母仙遊就好小機會吃到了,就是令人懷念。

    回覆刪除
  38. 我都好鍾意飲"荼", 見你咁多"家鄉" 零食, 真係好羨慕!!

    回覆刪除
  39. Hahah......same for my parents!! Everything when they went to Fujian, they came back with a lot of stuff, half of them are presents from the relatives.

    回覆刪除
  40. 請問"多吃點"旁邊有雙喜紅字的,是否柿餅呀?
    家鄉野真好!

    回覆刪除
  41. 嘻嘻, 因為我仲意食柿餅嘛!

    回覆刪除
  42. 全部食過!! yeah!!!!!

    回覆刪除
  43. 同鄉呀~
    野生金桔- 細時吃過...不過唔鐘意食~
    麻棗- 我食過三隻味,有黑芝麻、花生&米通~ 我媽媽每次都買兩箱返香港,好好味~
    鐵觀音- 我屋企最多,包裝好精美,獨立包裝~
    瑤柱仔- 連包裝都一樣,好味~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: