2008年1月15日 星期二

好燥 ... 但好好味!

唔知有冇人同我一樣,從來未飲過「肉骨茶」


原因係覺得佢個名好古怪,以為唔慌好飲


冇錯!我細個係好無知架 ... 成日以為行人路上的腳印是踩上去的,但自己就出盡飲奶之力都整唔到腳印o個隻 ...


所以,我當時係以為「肉骨茶 = 用豬肉和豬骨來泡茶」  嘩!好恐怖的東西!


哈哈哈哈哈 ... 童年真可愛啊 (真白痴啊 ...)


肉骨茶@Wikipedia:http://zh.wikipedia.org/wiki/%E8%82%89%E9%AA%A8%E8%8C%B6



講番正題!話說姑姐夏天時到港一遊,帶來新加坡手信一份 (IQ 題一:姑姐不是住在新加坡) 


一看 --- well!肉!骨!茶!


哈哈!我終於有機會試下你係咩味道啦!


不過我將呢盒肉骨茶香料從夏天擺到冬天先煲,因為我知道o的材料比較燥熱,怕夏天飲會熱氣得滯 ...  


材料和做法都好簡單,只是買一斤肉排 + 1 個湯包 + 12 粒蒜頭一齊煲半個鐘 ~



結論:


(1) 肉骨茶原來超.香.超.好.味!好難形容,總之係好有層次、好濃郁的香料味道,煲o既時候已經成間屋都充滿香氣!


因為我對佢o既偏見,令我到今時今日才第一次試到,實在太失策!


(2) 肉骨茶 ... 真係好燥!我地尋晚一人飲左 1.5 大湯碗,夜晚即 feel 到喉嚨有燥熱感覺!今朝起身仲有少少喉嚨痛


噢!莫非肉骨茶不宜飲太多?不可以好似平常的湯咁「狂灌 cup」



同場加映:剝蒜頭器


朋友送的好用小工具,把蒜頭放進去,用手碌兩碌,蒜頭的「衣」就去掉了!超神奇!


請留意我家的蒜頭擺到發晒芽 ~ 證明我實在好耐冇整野食   (IQ 題二:蒜頭發左芽食唔食得呀?)



 


IQ 題答案


(1) 大家都好聰明,姑姐係「住在外地、去左星加坡旅行然後到香港的」,不過佢唔係住澳洲,係住菲律賓  


(2) 發了芽的蒜頭絕對是食得的,生出來那些便是「大蒜」囉 ~ 好似蔥o個o的呢!在街市也有一紮一紮賣的,陳師傅用來整福建蠔仔煎o個o的呢 ~

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: