2008年1月30日 星期三

氣溫新低點 - 7.6 度!

低處未算低,星期一開始已經嗌晒救命,點知今日,氣溫再突破新低點


再低o的,就快可以同雪櫃睇齊架啦 (雪櫃下格有 4 度)


我已經唔識郁,frozen 左 ...............................................................................


 



 


實在太凍,要打電話回西環娘家同陳師傅吹下水


笨 = 笨 B 媽媽                  爸 = 陳師傅


 


笨:爸爸!我結左冰啦!好凍呀!得 7.6 度o乍!!!


爸:(難以置信地) 嘩!你個溫度計係咪壞左呀?


笨:梗係唔係喇 ... 呢個係天文台話o既室外氣溫o黎架!(一邊行去睇屋內的溫度計) 屋企裡面都係得 10.6 度o乍!


爸:(繼續難以置信) 嘩!咁咪差成 5 度?咁多?!!


笨:(以極羨慕語氣) 嘩阿爸!咩你屋企有成 15 度咁多?


爸:(沾沾自喜) 梗係!我間屋不知幾咁冬暖夏涼架!


 


結論:


1. 大西北真係凍過市區好多 ... .好多 ..........


2. 買樓,確是要買向南樓 ............................


3. 以後想叫陳師傅來陪我住,都幾難 (尤其是冬天) ......................................


 


唔講啦!我又要去煲薑茶啦 (雖然狂飲幾日後發現有點燥,但冇辦法,繼續狂「o對」)

43 則留言:

  1. frozen 咗? 咁咪要用"笨B爸爸牌Microwave"同你Defrost???
    師姐... 保暖呀... 小心身子... 新年流流唔好病呀!

    回覆刪除
  2. 聽日會重凍d, 我屋企而家係9度, 好你少少. 我個heater都無時停, 費事凍親亞女.

    回覆刪除
  3. 薑茶唔可以亂飲, 如果你有濕熱困住未出, 飲過薑茶d濕走唔到出黎, 個人會週身唔舒服咁; 不如你試下原地跑100下, 睇下會唔會好d.

    回覆刪除
  4. 我呢邊得8.7度, 朝早起身返工一刻真係想死~~~
    薑茶我都日日飲一,兩杯, 喉嚨開始有d乾......唔飲又凍, 唔知點好...

    回覆刪除
  5. wow, TV said it will turn warm starting Monday, and I thought, after I leave then turn warm... 7.6 degrees... wa wa wa... you better wear more clothes and don't catch chill ah!
    Hey, you should make that bak kut teh pork rib soup now, then you won't feel heaty after you drink it.

    回覆刪除
  6. 街坊, 開個暖爐暖下啦!!!!!!!!!!!!!!!

    回覆刪除
  7. 真係超凍呀,仲要落埋雨tim,勁拿命...大家真係要小心保暖啊!我陣間仲要出去dinner tim,實凍屎啦今次  不過為左見下隻豬,幾凍我都頂得住...  (我今次好似係第2次係呢度留言呢,請大家多多指教 ^-^)

    回覆刪除
  8. .........好似話.......明日........市郊.........得........................................4-5度

    回覆刪除
  9. 不如來大連度寒假啦!——雖然我們是冬天,但房間里的確是非常非常非常和暖的。既可以欣賞到北方冬天的景色,又可以在溫暖的室內喝茶、聊天……這樣舒服的日子,除了大連,到哪里去找???

    回覆刪除
  10. 向南都唔算好啊!回南天既潮濕會令人發癲
    西北偏西、汕尾以南會好好多

    回覆刪除
  11. 保重呀.........真是很凍啊,還加上落雨,很煩厭呢!
    你家的冷氣機有沒有暖氣調校? 開些暖氣會舒服一點吧!

    回覆刪除
  12. 凍到唔想做野, 只是想去冬眠呀.....
    仲要加埋落雨, 要保重身體去衝刺呀....

    回覆刪除
  13. 可能我日日困住係屋企,又唔覺咁凍!但我有開暖氣!
    妳果度係唔係好凍架?如果真係低過4度,妳快d拎哂雪櫃d野去天台or露台啦!跟住可以拔左雪櫃個插蘇,咁未可以慳番d電law!
    講笑咋,妳要好好保暖呀!

    回覆刪除
  14. 最update 7.1咋

    回覆刪除
  15. 笨B媽媽,快D開大個暖爐啦。

    回覆刪除
  16. 今日帶朋友去元朗行街街加埋落雨,對腳越行越無知覺......
    赤~~~赤~~~凍

    回覆刪除
  17. 笨b媽媽,
    好在你來我屋企時不是今天咁下雨,
    唔係著2件羽絨都唔掂呀!

    回覆刪除
  18. 唔好講大西北,即使住在你娘家附近的我,都凍到郁唔到啦!近年香港都好少咁凍同埋凍咁耐喇!搞到近排著來著去都係o個幾件褸!因為無諗過香港會凍得咁緊要加嘛!

    回覆刪除
  19. b媽

    又創新低喇!
    而家得返7度喳!
    不過我屋企就仲有13度(房同廳都係)
    睇黎我間屋都真係算暖喇!

    回覆刪除
  20. 我果樹7度咋~~~同你差唔多~~~而家要攬暖水袋~

    回覆刪除
  21. well, tonight in Georgia is going to drop down to 22 F (which is less than zero!) freezing cold!

    回覆刪除
  22. 今日又濕又凍 , 您要著夠衫呀!!

    回覆刪除
  23. 笨B媽媽﹐我之前生完大仔坐月﹐用薑水抹身(即老薑去皮﹐整數舊放入煲內加水大火煲30分鐘後﹐待涼(暖)後用來抹身)﹐個人會好暖的。你試試呀...

    回覆刪除
  24. 笨B媽媽, 我同你一樣就黎凍屎係大西北喇。

    回覆刪除
  25. 如果無感冒,不如去食番碗蛇、羊腩煲,好補暖架! 今朝得6度咋!

    回覆刪除
  26. 得 9 折?!果然真識做生意!

    回覆刪除
  27. b媽我住荃灣仲凍呀! 係時候又要煲亞媽羊湯!

    回覆刪除
  28. 好一個"同雪櫃睇齊", 哈哈, 笑死我啦~~
    不過真係好凍啊, 大家著多件衫啦~~

    回覆刪除
  29. 澳門今日最低得6度.......再係咁,真係會工都唔返呀

    回覆刪除
  30. 新界真係零捨凍 . . .

    回覆刪除
  31. 我覺得宜家情況同企係一舊冰前吹大風扇無分別, 好凍呀~

    回覆刪除
  32. 係呀!元朗好凍架!所以我屋企有三個暖爐!

    回覆刪除
  33. 住大埔都好凍呀!我發覺3樓係凍好多架!
    點解今年會咁凍???

    回覆刪除
  34. 真係好凍~ 我個fd由元朗搬左去銅鑼灣~ 我日日問佢凍唔凍~佢都話唔凍~ 我本身以為大肚婆(佢大緊肚)唔怕凍~~ 但琴晚同佢出去食飯~佢話銅鑼灣同元朗跟本兩個世界~

    回覆刪除
  35. 北極d冰融晒關我咩事?? <<< 有時間睇下啦 ~

    回覆刪除
  36. 今年真係好凍啊!

    回覆刪除
  37. 原來唔同區差o甘多架
    原本一直以為落雪係幾o甘浪漫,幾o甘靓o既~~. 點知自己親身體驗過之後,先知係幾o甘恐怖丫~~~ 返工冇車,連的士都冇~~累我遲著45分鐘~~好彩尼種天唔算遲到...... 哈哈~~好彩~~冇西北o甘大雪,插只腳落去,,(蚊)唔返出黎~~~

    回覆刪除
  38. 係真架 ! 我以前間屋向西北 ~ 凍 c 人 !

    回覆刪除
  39. 真係超凍, 我果日仲洗左衫掛左係窗邊, 又凍又落雨, 出面的溫度仲凍過啱啱洗完既衫, 成隻窗出晒水, 的衫又唔乾, 差的要開冷氣機抽乾的衫添喎.

    回覆刪除
  40. 原來你嗰度暖過我嗰度.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: