2008年1月2日 星期三

2008.生機處處!

新年新開始,小妹在此謹祝大家 2008 身體健康!龍馬精神!百業興旺、處處有生機


 


兩個多月前大執過露台的花草,來一趟「置諸死地而後生」,我地又來睇下佢地兩個月後的發展 ---


 


【九層塔】兩個月前見佢愈生愈黃、愈生愈幼,狠下心腸將佢剪得一葉不留,只剩下枝條,然後加泥、加肥 (有機海藻肥),嘩,而家又標得幾高!睇o黎又要將過高的修剪一下,令佢向橫發展強壯o的



【香蜂草】同一處理方法,令又黃又枯的香蜂草重新長起來了!


不過呢個用番原來的小盆種的,可能不夠肥或不夠泥,再長起來的葉子還是很細小的



你睇下,另外幾棵插到大盆裡的香蜂草 ... 簡直是狂標狂生,不愧為野草級香草 ...


之前浸了根才插的迷迭香和羅勒都開始生長,不過速度極慢 ...



【百里香】買來後還未煮過 (那時是三分鐘熱度,狂買各類香草 )  見佢愈生愈長、愈生愈幼,又幫佢轉個大盆,令佢生得好o的!


迷迭香實在長得太慢,自己種來食的話,就是等到頭髮白埋都未食得!



【薄荷藿香和辣椒仔】薄荷藿香是那盆超貴的 $25 迷你盆,我唔多理佢,攪到愈縮愈細棵 ... 今次勞動開就將佢轉埋盆 ~  至於辣椒仔,明顯上唔係我自己種架啦!(o個盆因為有蟲害,被我丟棄了!) 呢盆係個多月前買回來的,一併移到大盆內  



【日日春】本來已凋謝得好難看,好想丟掉它的 ~ 但略盡人事,將所有凋謝的花和葉剪掉再加肥 (嘩,用好多時間) 看!一個月後又是一條好漢!



【芥蘭】這是前天去師姐家又食又拎的 ~ 好可愛呢!唔捨得食啊!



 


【同場加映 - ICU 系列】


睇唔到呢盆係咩哩 ... 明明個多月前有 2 棵怕羞草小苗的 ...



嘿!野草級的紫蘇攪成咁?!!


我懷疑是早上的雀仔來偷食的 ... 否則點解釋呢?!真係一個謎 ...



迷迭香冇咩事,只是愈來愈禿頭o者  佢似乎係眾香草中最難種 & 生得最慢的品種,要一邊種一邊食好似有o的難度!因為我買回來後,從未見佢發新芽!


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: