2008年1月31日 星期四

黑色! ... 嘿嘿嘿 ~ 嘿嘿嘿 ~ 哈!

嗱,若然大家望住我呢篇個標題,係即時會聯想起林憶蓮首「灰色」,甚至不自覺唱埋出來的話  ,你應該係同我「咁多對」的 (即是至少十五六七對以上)   咩叫一對?自己估下喇!


間唔中會有 blog 友好心提醒我,在字裡行間透露了自己的年齡秘密 ... 其實都冇咩所謂喇,因為我已進軍「老餅」級啦 ~ 老餅唔緊要,開心快活咪得囉 ~ 好似陳年普洱茶餅咁,嗒落先知係好野   


呀,不如攪個法國名丫,高級o的 --- 「biscotte en âge」 (Madame Pi:我有冇拼錯?我用 biscuit 和 aged 在英法字典查的 ) 拿呢個名去 IFC 開店賣高級老餅,應該都呃得下人



 


唉,又講到離晒題 ... 唔好意思  ... 今日o既主題,其實係黑色!(嘿嘿嘿 ~ 嘿嘿嘿 ~ 哈 !)


就係上次陳師傅從家鄉福建山長水遠拖番來的黑色食品!我諗大家可能少見,所以我又來介紹下,做下福建推廣大使 ~


 


【下圖】我諗真係唔係太多朋友食過,呢o的黑媽媽的 --- 煙筍。筍就食得多,原來福建仲盛產「筍乾」和「煙筍」的。筍乾和煙筍的造型差不多,不過是啡色的。煙筍就以香木煙燻製成的,所以黑媽媽。但風味非常獨特,一試難忘架!



【下圖】黑豆排骨湯,有咩咁特別?


特別在呢o的黑豆,好細粒,味道有點似黑豆和赤小豆的混合體。主要係去濕、補腎、驅寒。產量特少,所以聽說沒有出口的。


在我鄉下的物價來說,一斤米才 RMB1.50,但一斤黑豆就要 RMB18,即是米的 12 倍價錢 !甚至比香港那些超巨大黑豆還要貴呢!



【下圖】下面呢個唔係家鄉土產,係我最近的新發現 --- 黑片糖


其實不是黑色,是深得近乎黑的啡色來的。我在元朗教育路台灣麵對面的一間看來歷史悠久的小店發現它,這店子是專賣一些傳統糧油雜貨食品,好似好有料到咁架!


黑色片糖好香,比普通片糖香好多!才 $7.50 一斤,用來煲薑茶和做湯丸糖水都好正呢!


2008年1月30日 星期三

氣溫新低點 - 7.6 度!

低處未算低,星期一開始已經嗌晒救命,點知今日,氣溫再突破新低點


再低o的,就快可以同雪櫃睇齊架啦 (雪櫃下格有 4 度)


我已經唔識郁,frozen 左 ...............................................................................


 



 


實在太凍,要打電話回西環娘家同陳師傅吹下水


笨 = 笨 B 媽媽                  爸 = 陳師傅


 


笨:爸爸!我結左冰啦!好凍呀!得 7.6 度o乍!!!


爸:(難以置信地) 嘩!你個溫度計係咪壞左呀?


笨:梗係唔係喇 ... 呢個係天文台話o既室外氣溫o黎架!(一邊行去睇屋內的溫度計) 屋企裡面都係得 10.6 度o乍!


爸:(繼續難以置信) 嘩!咁咪差成 5 度?咁多?!!


笨:(以極羨慕語氣) 嘩阿爸!咩你屋企有成 15 度咁多?


爸:(沾沾自喜) 梗係!我間屋不知幾咁冬暖夏涼架!


 


結論:


1. 大西北真係凍過市區好多 ... .好多 ..........


2. 買樓,確是要買向南樓 ............................


3. 以後想叫陳師傅來陪我住,都幾難 (尤其是冬天) ......................................


 


唔講啦!我又要去煲薑茶啦 (雖然狂飲幾日後發現有點燥,但冇辦法,繼續狂「o對」)

2008年1月29日 星期二

mommy dearest 的鳳梨酥

各位觀眾 ... 馳名港九新界馬泰星o既鳳梨酥 (上次係鳳梨卷) 又出現了


多謝 mommy dearest,令我呢個為食鬼又一飽口福   也要多謝大娜姐的邀請,我才有幸見到 mommy dearest 和 daddy dearest 的真身哩!他們真是一對非常可愛的 couple 呀


 


【下圖】狂風掃落葉前的留影



mommy dearest,辛苦你了 !我知道做這個鳳梨酥很花功夫 (你連鳳梨餡都是自己炒的,無敵啊!) 你還要做那麼多盒,真是開幾晚夜車都攪唔掂啊  所以每次笨 B 爸爸大啖大啖吞時,我都會打他的

 我話一定要慢慢「咪」真o的味道先得呀


 


mommy dearest 的獨門秘方在此,真是超好味的,大家不妨試試:http://mommydearestscradle.blogspot.com/2007/02/pineapple-rolls.html


 


【下圖】還有星洲馳名的「大聲公老招牌」冬蟲草肉骨茶香料,又有好味肉骨茶飲了,正啊


2008年1月28日 星期一

暖薑

尋日有事要到珀麗灣一趟


在荃灣西西鐵站出閘後,剛好誤了一班船,要再等 30 分鐘


碼頭附近又荒蕪無比,海風又吹到我騰騰震


即刻縮番入車站裡


 


沒事可做,唯有到車站唯一的店舖 (好像是?) 7-11 遛躂遛躂


見到有「熱維他奶」箱如獲至寶


這是我中學時代在學校 tuck shop 經常買的飲品


一支熱維他奶,足以令我暖足兩三堂,然後捱到第二個小息,又乾一支


 


原來而家出左「暖薑荳奶」,都幾好味啊!


笨 B 爸爸最愛飲麥精,但我從來都唔鍾意飲   但我又好鍾意食好立克麥精糖和麥提莎朱古力架喎



我記性唔好,唔記得薑茶可以驅寒


多得維他奶提醒我o乍!


好簡單,只用薑片 (要拍扁) 和黑糖煲滾便成,薑片和黑糖依自己喜好調校。我的份量是每人 3 片薑 + 2 湯匙黑糖。飲完成身暖晒,唔再做寒冰掌啦


大西北真係好.好.好凍呀!!!

呢幾日,真係完全感受到「新界地區會再低兩三度」的意思


真係凍到頭痛、凍到手指結冰 (住在大連的阿婷,看到我這句會想笑出來嗎)


 


大家睇下呢張分區天氣圖 ... 元朗 (石崗) 的天氣何止比市區低兩三度呀 ... 係四五度呀!幾乎是全港最低溫    仲已經係差唔多中午的時間了!


2008年1月26日 星期六

風涼水冷河背遊

今朝起身只有 12 度,雖然感覺冇尋日咁凍 (尋日落左成日雨,真係凍到手指結冰 ),但我都賴左半個鐘頭床,哇哈哈 !冇計啦,可以o係暖笠笠o既被窩攬住老公,梗係唔願起身喇  ~


 


做左村姑咁耐,都未真係認認真真行過山   聽講河背水塘好靚,行山路徑可長可短,仲有條家樂徑,適合唔同人士需要 (我呢o的懶精,梗係揀最短o個條)


 


山路不算陡峻,還有水泥地可走,好易行呢!還可以飽覽整個河背村和八鄉的景色,一望無際,一棟高樓大廈都見唔到,簡直唔似香港!好靚呢!



笨 B 爸爸硬係要我幫佢影張「懷舊照」喎   攞o黎娛下賓先



中段時還會經過「香港有機農莊」,剛好有一團小學生在參觀,所以我地也混水摸魚地走了入去



嘩,好似我咁高的蕃茄樹呀!



仲有兔仔呢!



然後 ... 見到呢塊牌 ...


剛好小學生們又要散隊離去,所以我們趕緊又混水摸魚走番出去,哈哈  


呢個有機農莊看來很大,不妨帶小朋友們去玩呢!


香港有機農莊網站:http://www.organichk.com/



繼續行山 ... 見到美麗的花朵開遍山頭,好有春節氣氛



像炮仗一樣的炮仗花,正怒放著



走了大半小時,就到河背水塘了!今天沒甚麼陽光,用手機拍出來的照片也不甚了了,但現場睇真是好靚的呢!



風涼水冷,水面泛著似霧迷離的白煙,好有仙境 feel 呢



山上的空氣真是非常清新,有時間的話多到郊外活動活動,簡直身心舒暢呀!


 


仲有好 cool 的笨 B 爸爸開聲介紹 (因為是用手機拍的,畫面質素和收音都好差啊)







【河背水塘前往方法】


在錦上路西鐵站乘搭 71 號小巴,到河背村村公所下車,沿路直上,約走半小時可抵達水塘。沿途有指示牌,手提電話網絡也收得到,good!

Linkwithin

你可能對以下文章有興趣: