2007年12月25日 星期二

村姑與村夫的聖誕天

哇哈哈 ~ 都話我地唔浪漫兼且冇節日意識架啦


我地婚後第一個聖誕天,就係咁過架啦


但我地超開心   若然以後都係咁過,我都願架 ~


 


【中午】飲茶 @ 元朗大榮華


去大榮華飲茶係「大件事」來架!  


因為,大榮華實在 ... 太 ... 太 ... 太 ... 多人


每一次去,都係一次考驗耐性與 EQ 之旅


所以一年應該 maximum 去兩次 ...



但大榮華的點心實在太好味


雖然我把口成日話「唔想去同人逼」


但隔左幾個月冇食,確係有點心思思的


今日太旺場,好多點心都賣清光!


我聽到有茶客埋怨「蝦餃燒賣都冇,呢間咩茶樓o黎架!」哇哈哈


今日食左最愛的奶皇馬拉糕 + 豬腳薑 ,仲有第一次試的五味雞 + 奶皇水晶飽 + 沙律海鮮卷,味覺大滿足!



【中午】亂行一通


飯後搭車回家,意猶未盡,氹笨 B 爸爸陪我發掘新地方


冇錯,我地在村附近亂行一通,見路就行,沿著小溪走,心想應該能走上山


不過今次不成功,行行下冇左路,唯有走回頭


順道又「偷襲」附近興建中的村屋屋苑


八下人地o的 layout、用料、景觀,又彈又讚,又想像一下我係業主的話會點整,大發謬論一番,不知幾開心


咁 ... 又消磨左兩個鐘啦!


好離題 (聖誕) 哩 ~ 但,這樣簡單平淡的生活,就是我要的幸福了


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: