2007年11月30日 星期五

火鍋副產品 x 2

平時兩個人橕檯腳打邊爐的話,我地會煲個清清地又有益的湯底,


然後買o的健康天然 & 唔肥膩的材料


一來唔怕脂肪超標,二來可以飲埋啖湯!


(溫馨提示:雖然吃得清淡但始終有油,建議使用隔油勺隔去湯面泡沫和肥油,那是食物中融解出來的蛋白質和脂肪)


 


不過那次開爐大典確是準備得比較多食物,所以飽得滯食唔晒


唯有將o的湯和剩餘材料留到第二日用埋佢



【午餐 - 豬骨湯麵線】


應用物資:豬骨湯底


今次呢煲係豬骨湯,混埋羊肉、海鮮的味道,湯頭鮮甜無比


煲番熱個湯,加一束麵線煮一分鐘已攪掂,快過變魔術!


大蒜和麵線係好朋友,落左好食好多



呢隻係陳師傅御用麵線,手拉的特別有口感,煮完還不會糊掉,好 good



【晚餐 - 節瓜海鮮湯飯】


應用物資:帆立貝、鮮蝦


夏天鍾意食湯飯,因為方便又清淡,用冬瓜消暑又生津


冬天鍾意食湯飯,熱辣辣好暖胃,改用節瓜較正氣


 


呢個湯底唔係豬骨湯了。我將煮蘿蔔湯的秘技,應用在節瓜上:


(1) 先將冬菇、金華火腿、瑤柱仔、魷魚仔乾洗好用小煲加水煲半小時出味


(2) 節瓜切小粒,用薑片起鑊炒香,除去薑片,加入湯中即成美味湯底


(3) 帆立貝和鮮蝦先用鹽稍醃 5 分鐘,煮好湯後放入滾 3-5 分鐘至熟。帆立貝較厚較難熟,可以先放


(4) 加入預先煮好的飯,攪掂!


 


呢個湯飯,又係一o的調味品都唔駛落,但食到笨 B 爸爸 lam 晒脷  大成功! (呢個奄尖 sir 好麻煩架,成日踐踏我煮o的野架) 


33 則留言:

  1. 笨b媽, 早晨啊! 剛剛返到公司, 一上網睇blog就見到d咁美味嘅副產品, 你好掂呀, 真係流哂口水 , 一於提早今晚打邊爐lu, 呵呵

    回覆刪除
  2. 笨 B 爸爸 lam 晒脷,我就流晒口水

    回覆刪除
  3. 物盡其用,果然係高手!!!

    回覆刪除
  4. 笨b爸爸真係好幸褔~~ 次次見到你整既野食都會打鼓~~

    回覆刪除
  5. 有個咁煮得既老婆仔, 俾著我都lam晒脷!

    回覆刪除
  6. 嘩 !! 我 d 口水流到好似條河咁
    p.s. 老人家話打邊爐 d 湯好燥, 所以我好少用 ~~~~

    回覆刪除
  7. 哦! 我後來估既都差唔多喇!
    (但我堅持....芫茜皮蛋魚片湯係一個好good既選擇啊吓!)
    唔落調味料....我由細食到大喎! 但劍蘭媽個d絕對無你咁落重本喇~~
    天氣咁凍, 打完邊爐仲有暖粒粒既湯飯&湯麵呢...真係正啊!!

    回覆刪除
  8. (呢個奄尖 sir 好麻煩架,成日踐踏我煮o的野架)
    小小壓力等於激勵,

    回覆刪除
  9. 苯B媽媽,我想搭訕問少少野
    你知道樂信送那些煲可以用明火的嗎?
    因我有些會不用,想送給人,但他們沒有電磁爐

    回覆刪除
  10. 笨b媽,你真係勁,可以將副產品,變成有益又好味又易整的食物,我都要學下呀!
    我阿爸好鐘意打邊爐,上個輪凍巳經開咗爐,上次d嘢又食唔哂,都要食咗幾日先食得哂咋
    我想問陳師傳個隻 廈門麵線 係邊到有得買,我都想試下。

    回覆刪除
  11. 個湯飯好好味呀...好足了....我都想食呀...

    回覆刪除
  12. 我估岩啊!
    海鮮粥=海鮮湯飯,一樣有有海鮮、有米
    湯飯 =硬版本既粥、仲唔係估岩左
    聰明仔食..聰..明...豆

    回覆刪除
  13. haha,我真係好白痴,本來冇諗架,我仲已送一個比人
    點知.....我再想送時,被問可以用的嗎? 我才諗呀

    回覆刪除
  14. 我屋企都係用呢隻麵線~~~~好味

    回覆刪除
  15. 你買果隻帆立貝幾錢呀!
    我上網買$84(1kg) 呀!有2隻package 25-30隻裝同51-60隻裝,買滿$300就有得放貨,個人覺得幾抵,又放便,個website仲有好多其他野買架!去睇睇啱唔啱呀!~~~~~~~
    http://www.efresh.com.hk/main.php?cPath=27

    回覆刪除
  16. 如果唔係佢, 你又點會進步得咁快呢!

    回覆刪除
  17. b媽

    掂喎!
    湯底要來煮麵線,正呀!
    我下次又試試先
    不過呢排星期六日都好忙
    上星期要出席家職會活動
    今個星期又學校晚宴,下星期又要專業發展......
    個個星期六日都好唔得閒呀!
    唔知幾時先得閒在家開爐!

    回覆刪除
  18. 嘩!您包cookie 食剩3塊炸!重要我倆吃飽飯之後就攞出來吃!最喜歡提子味道!

    回覆刪除
  19. 唉吖!! 我大傷風呀!!! 冇得打邊爐呀!!

    回覆刪除
  20. 你就好啦!!有甘多野食..................

    回覆刪除
  21. 睇左醫生未呀?
    張國良好多人讚好, 我對佢印象都好好,收費亦算適中, 係麻煩在要出九龍, 同埋預約左都要等1~2hr.
    搵佢要係浸會or法國度生.
    荃灣綠楊商場有個出名叫:盧乃本, 同荃灣港安醫院掛鉤, 又係好多人讚. 不過幾年前聽聞佢就快退休, 唔知而家仲有無做? 要check下先.

    回覆刪除
  22. Sally Ho 莎莉豪2007年12月1日 上午3:51

    都好!唔洗唗野!

    回覆刪除
  23. WAH ! 比 10000000000000 個叻妳 !

    回覆刪除
  24. 馮澍明醫生係好多人讚, 不過我未睇過, 五佰一次稍貴,
    不過就最方便你, 第時去荃灣港安生都好近, 不過綠的士只能坐到地鐡站, 要再轉車, 但我成日都見元朗有紅的, 唔知可唔可以電召紅的呢? 咁咪唔使轉車囉!
    但你要諗定到8~9個月時, 會唔會返外家待產/家人來你家住之類, 因為到時粗身大勢一個人在家, 有咩事都要有人照應, 會唔會考慮請工人?
    不過請奶奶幫手, 最緊要你地本身感情唔錯, 唔係到時你好易有情緒問題, 或者考慮請陪月吖, 我果時都有請, 好大幫助架!
    最緊要休息多d! 朝早見作悶未?

    回覆刪除
  25. I AM SO HUNGRY NOW...

    回覆刪除
  26. 梗係正啦, 咁足料! 但想問一下御用麵線可以o係邊度買到架? 好少見呢個牌子喎!

    回覆刪除
  27. 最尾個湯飯真係餸仲多過飯,睇見就想食

    回覆刪除
  28. 笨b媽, 早晨啊!你好掂呀, 真係流哂口水 好!.一於我又來加入可持續發大軍,食得唔好sin,笨b媽萬歲

    回覆刪除
  29. It's a good idea. I will try it tonight

    回覆刪除
  30. 好勁呀你
    我好怕煮野食的 (主要係唔鐘意洗碗)
    你會唔會晚晚都煮架?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: