2007年11月13日 星期二

可愛辦公室植物 DIY

大家仲記唔記得,上次巡視露台盆栽時,曾經提過一棵小夏堇 (雀仔花) 幼苗?唔記得係正常,喜歡的話可以睇番呢度


夏堇超級無敵勁粗生係人都知,幾乎係「野草級」咁滯!佢周圍發芽唔奇,奇就奇在,豆豉咁細棵都開花!真係好神奇!


本來上次已想將佢移植起來送畀鍾意一位紫色愛好者朋友,但上次見面時呢棵幼苗冇花唔靚仔,所以冇實行,諗住等佢大左先攪,點知小苗尋日竟然開花,今晚咁o岩又會見到呢位朋友,真係天助我也



今次攪攪新意思,唔用花盆了 (現實是我沒有漂亮的花盆在手 )  決定用茶杯代替,擺o係辦公室,可以點綴一下沉悶的工作檯!


因為茶杯的底部是沒有洞洞的,為免積水浸壞根部,是不應一次淋太多水的;我為了安全起見,還在底部鋪了一層洗乾淨兼曝曬了一天的粗砂石 (在水族店買) 作為疏水層


因為我家的雀仔花有蟲害的前科,所以我還消毒了杯子和噴灑了一些 BioKill,當然是用剛買回來的消毒新泥喇!



用小鏟子協助,溫柔地從原盆中把小苗連根鏟起,再放到杯子裡。加泥並用手輕輕壓實,固定小苗



在泥面再鋪上一層粗砂石,看來更乾淨整潔!


朋友,這個禮物不用錢的,不過都算用心製作架 !請笑納


有關夏堇的資訊,師姐 Fiona 曾發表過一篇巨細無遺的網誌 --> 按此



【同場加映】


咦咦咦 ... 紫蘇葉的花,原來也是紫色的啊!第一次見呢!



 

本篇人氣指數:
無料カウンター
    本篇人流指數: 
無料カウンター

32 則留言:

  1. 啲花好靚呀.個茶杯花盆都好特別.

    回覆刪除
  2. 有了這小小的盆栽,工作時會特別精神爽利,皆因我是紫色愛好者。

    回覆刪除
  3. 等我也自制个小盆栽放在办公室桌面,不过一定要超级容易养的,因为上次那盆冬青苗就被我种C了。仙人掌怎么样??或者水生植物什么的?

    回覆刪除
  4. B 媽, 你果真有一隻綠拇指,仲好好心機tim,送禮的心思比價錢更重要呀!! 你朋友收到一定好開心‧
    唉, 我兩樣都無; 真失禮,我試過中兩盆仙人掌, 諗住佢粗生, 一定掂, 點知都係蒙主寵召 (可能比我浸死左)
    而家中緊萬年青,希望佢生生性性, 唔好有事

    回覆刪除
  5. 好靚呀!好羨慕你有大露台可以種花!~~~~

    回覆刪除
  6. 嘩~~妳好有心機呀~ ~
    我之前都有種過花,不過好快就死了.. ..

    回覆刪除
  7. 好有創意,朋友一定鍾意

    回覆刪除
  8. b媽

    好有心思呀!
    你朋友收到一定好開心!

    回覆刪除
  9. 黑白相個張好靚呀
    我對盆栽毫無興趣, 唔係實學你整番個

    回覆刪除
  10. b媽

    順便問問你,其實九層塔同甜羅勒有咩唔同架?
    我成日以為係同一種植物呢!

    回覆刪除
  11. 我都見過d高級花鋪有用茶杯做花盆既小植物賣 但就賣到幾貴下 而家自己DIY真係又靚又有誠意 真係叻叻呀

    回覆刪除
  12. 我覺得呢段時間嘅天氣真係極之適合任何有生命嘅生物或植物成長, 如果日日都係咁就好囉 !  

    回覆刪除
  13. 我都想0係 office 擺盆花,但係無新鮮空氣又無陽光,我諗野草都死!!!!

    回覆刪除
  14. 我今晚都搬咗好多植物返屋企~ 遲啲post出嚟~ 仲有6柚tim~ (住樓種樹~ 勁呢~)

    回覆刪除
  15. 細細棵, 好得意呀, 放係 office fit 晒

    回覆刪除
  16. That's really cute, GREAT PRESENT!!!

    回覆刪除
  17. 我都好想送盆夏堇俾朋友,不過佢屋企西斜,同埋佢為免惹蟻,只接受水種植物
    唔知夏堇可唔可以水種同頂得住西斜呢?

    回覆刪除

  18. WA! THE FLOWER IS SMILING AT ME!!!

    回覆刪除
  19. 春桔,
    多謝你的花花今日會移師到我寫字樓....
    秋香上

    回覆刪除
  20. b媽

    明白!唔該晒!

    回覆刪除
  21. 你咁好心思自己整,好過買禮物啦! 上次去食日本野時,見伴碟有枝花,咪食埋佢囉,入口又芳香獨特喎。後來屋企D紫蘇開花,先知道原來果枝係紫蘇嘅花!你會試食下嗎?

    回覆刪除
  22. 快樂的媽媽...........2007年11月14日 上午2:24

    我想問一下, 沙薑片防蟲有沒有效, 另外我家有蚊, 它很可惡, 時常在我們睡覺時才出現,攪到我兩小孩被咬. 有沒有什麼驅蚊方法.........
    謝謝各位有心人比d意見, 是否可以把留言留在我秩blog內.

    回覆刪除
  23. 個茶杯好靚,好鍾意紫色既花

    回覆刪除
  24. 我也買了本書,等裝修後再種

    回覆刪除
  25. 好靚呀!! 其實我都係紫色愛好者呀!! 我又要~~~~~

    回覆刪除
  26. 你個杯杯有型有款喎!

    回覆刪除
  27. 靚, 我都係 紫色愛好者 黎

    回覆刪除
  28. 呢份唔洗錢的禮物好有心思啊~
    同埋原來泥面加o左粗砂石, 盆植物個格調高貴o左好多啊 ~

    回覆刪除
  29. 好有心思的盆栽! 原本冇孔的器皿可以用石隔著淋水, 以免根部浸死, 對於我種花真是非常有用!!Thanks!

    回覆刪除
  30. 好靚呀, 我都好鐘意紫色盆栽架...

    回覆刪除
  31. yee, 用杯種又幾型喎......去水方面有無問題呢?
    都好, 我好多杯無用, 又好靚, 用勁都唔爛, 攞嚟種花又幾好喎, good idea!!!

    回覆刪除
  32. haha...既然係野草級, 怕咩浸親d根! 我直接將剪落黎枝條插係水度, 根照出, 花照開....

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: