2007年11月4日 星期日

我屋企多左個雀鳥公廁?!

話說為左防止各類飛禽走獸小強小明入侵,我屋企的蚊網係長年拉下的


雖然咁樣會令空氣流通差少少,不過都冇辦法  


 


尋日吸塵,順手將窗框和蚊網都吸一輪


竟然畀我發現客房某隻向東北的窗有異樣 ...


(請留意現場狀況 --- 玻璃窗最上面那扇是向外推出的,而下面那兩扇則只留了很小罅隙,防止下雨時撇雨入來)



咦 ... 點解蚊網和窗框之間好似好多垃圾咁o既?!莫非係大風吹入來的?



拉開蚊網一看 ... 噢!不得了!



撞鬼 ... 簡直有公廁 feel ...



仲有樹葉和樹枝,想築埋巢呀?!



鍛鐵窗花都有 ...



 


根據現場證據顯示,o的雀仔應該係企左o係最上那條窗框 or 鍛鐵窗花處吹水抖涼,順手放低幾襾   哼!


 


好奇怪,全屋咁多隻窗,佢地就淨係揀左呢隻位於三樓客房裡的窗來做俱樂部兼公廁,莫非特別風涼水冷?


 


雖然我鍾意雀仔,但我唔可以縱容佢地o係我間屋度大小二便啊!哼!


 


故事發展:


當然就係嗱嗱臨清理現場喇 ...  好在發現得早,o的雀屎未有侵蝕窗框顏色


話時話,呢期o的雀仔好似活躍左好多,朝早有時畀佢地嘈醒啊!

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: