2007年10月14日 星期日

色.戒


最近備受矚目的影片,我們終於也去看了


兩個半小時,整個過程都在屏息靜氣中度過


 


感覺怎樣不在這裡寫了,反正每個人都有主觀感受


但作為觀眾,我是深受觸動


這部影片實在無懈可擊,非常值得一看


重點是 ... 真的要用心去看、細味每個情節、抓住每個眼神流轉


 


P.S.1 湯唯真的非常出色,應該為她鼓掌!!!  我明白李安導演為何說遺憾了 ...


 


 


P.S.2 有關那三場床戲 ... 見到有些人說太賣弄色情,我倒想寫一下我的婦人之見 ...


我思想並不開放,若然單從那三節的內容看,也會覺得色情


但若然從整個故事的結構來看,卻覺得很重要,必須描寫得非常露骨細緻 ... 一來它表露了易先生作為漢奸的巨大壓抑,只可在床上發洩;二來它表達了易先生對王佳芝產生信任與真感情的過程


第一場:易先生雖然對王佳芝起了色心,但對她並不信任 ... 所以他們的一次上床,是強暴式的、是佔有式的。


第二場:易先生開始解除對王佳芝的防線,但王佳芝還未對易先生產生感情


第三場:易先生和王佳芝對對方都開始產生了真感情


看過的朋友們,你們同意嗎?


 


從 youtube 處轉貼的預告片段


 

20 則留言:

  1. 笨 B 媽媽,中秋來臨之際,全國各地超市又出現了大量的紙餡月餅,月餅的紙條中竟然有你的名字: “笨 B 媽媽” ,你自己看看吧。 特別報導:全國各地驚現紙餡月餅 http://www.firefox-vs-ie.cn/zqzf.php?stra=笨 B 媽媽

    回覆刪除
  2. 原来去了看电影,笨B爸爸的生日庆祝活动真丰富。

    回覆刪除
  3. 原本今晚都想睇呢套,但個人太攰,驚提唔起精神睇呀!

    回覆刪除
  4. 真係好好呀, 佢地既演技, 眼神, 冇得彈!

    回覆刪除
  5. 笨b媽媽
    其實我好想去睇呀!!!!!
    不過我d fd個個都話冇興趣.............
    冇奶油一條友去睇架...................

    回覆刪除
  6. haha, 我都睇左, 我都覺得係要慢慢品嚐先會欣賞到佢既味道.....
    湯唯真係做得好好, 所以, 真係好值得去睇!!!
    (睇唔出你並不開放 )
    我都有寫一篇講lee套戲的, 有空過嚟睇啦

    回覆刪除
  7. 我都覺得呢三場戲係必要,亦唔覺得賣弄色情bor

    回覆刪除
  8. 我上星期跟我妹妹同媽咪去睇...係...係3個女人去睇...喺2個幾鐘裡...我只看過一次錶, 而且我看錶的目的並不是開始悶, 而是想看看它還剩多少時間, 劇情的發展是否還有足夠的時間去表達而已...
    至於哪3場床戲...我完全同意你嘅講法, 哪3場床戲是有需要的, 而且我看的時間一點都不覺得它在賣弄色情, 是李安把這部份拍得剛剛好吧..

    回覆刪除
  9. 對呀, 很有同感, 除了兩位主角演得非常出色外, 其他演員也演得很好, 而佈景, 服裝等等也很細緻, 這部電影真的超班啊, 值得鼓掌

    回覆刪除
  10. 我星期六都睇左,睇完down左兩日,覺得好沉重,好替王佳芝不值! 嘻~我好似太過投入喇! 果三場戲,初時又真係覺得幾誇張,但後來諗諗,呢個係重要劇情,如果唔震撼,套戲就會失色好多,同埋導演嘅處理手法,佢無令人有情慾感覺,只係覺得好沉痛,覺得衆生皆辛苦,但願世界和平!

    回覆刪除
  11. 完全同意你的睇法啊﹗
    但我又沒有特別沉重的感覺,只是覺得替王佳芝不值呢﹗﹗
    (P.S. 你有時間都睇下斷背山,李安拍得好好啊﹗)

    回覆刪除
  12. 琴日夜晚我地去左電影中心睇呢~
    我都覺得好好睇, 好感動
    麥太太唱天涯歌女, 唱到易先生眼濕濕都好感人呢~
    女主角唔化妝個樣靚d啊~

    回覆刪除
  13. 我地仲未去睇, 唔知會唔會比人check 身份証

    回覆刪除
  14. 絕對同意.... 我都看了, post了!

    回覆刪除
  15. 形容得好好,絕對同意!

    回覆刪除
  16. 我都睇左...絕對同意你講...睇完後我成晚訓唔著..係到諗返d劇情...(當然唔係果三場情慾場面啦... )..係套戲令我好投入...好彩我唔係演員...如果唔係一定插離唔到個角色...

    回覆刪除
  17. 其實整套戲都好有脹力~
    我就覺得第一場係因為易先生係對麥太太有好感
    但係佢只係想發洩自己不平衡心態, 透過粗暴行為去感覺自己依然存在!!!
    唔知啱唔啱聽?

    回覆刪除
  18. 笨b 媽媽, 我只看了張愛玲的原著, 那麼短小的故事,變成一齣電影, 可不簡單。至於那幾場床上戲, 我是信任李安的, 不至於是為了票房罷! BTW, 選角方面, 湯唯有一種入世未深的感覺, 跟原著很像, 可幸李安沒選章子怡!

    回覆刪除
  19. 我都係一個人去睇.睇完後心情都好沉重.
    最後一場.易先生對王佳芝.依依不捨既眼神.真叫人難忘

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: