2007年9月14日 星期五

咖喱 Pi


食 Pi 食上癮,今次來個咖喱版!

唔得啦,再食炒米粉,肯定應左我o個句「秋風起.人變肥」 

<--- 雖然大西北o既冬天凍o的o者,都唔駛儲咁多脂肪啊?!

今個月o既炒米 quota 到此為止,今日開始一定要控制食量,留番多o的 quota for 中秋 BB 蕉!<--- 減減減,你今晚唔係返陳師傅度食飯咩下

咦 ... 我開始成日自己同自己講野添,係咪精神分裂?!!


咖喱 Pi 來也!(Pi 係咩野?請睇 --->

家鄉炒米)

咖喱炒米沒有食譜,亂來的,和家鄉炒米步驟差不多,但配料用了洋葱、豬頸肉、椰菜,而調味料就係咖喱粉、辣椒碎和辣椒醬,一邊炒一邊試味


其實呢 ... 我主要係想話畀 Mui 家姐知 (因為我知你 weekend 要上倉呀 )  急凍豬頸肉片係

存倉精選o黎架!o係凍肉店有片好的 (下圖呢款大塊o的,有o的係一條條的,就是上圖用來炒米粉的 size) 放在冰格可以放成半年咁耐 (當然,不出一個月已畀我消滅-ed) 我每次去開凍肉店都會買兩三包番來存倉架!

豬頸肉片因為切得好薄,解凍好容易,用微波爐的解凍功能大約 3-4 分鐘已可。然後用清水沖下,擠去雪水才醃,咁就冇雪味架啦 !用o黎配合各款瓜菜做小炒、打邊爐、炒飯炒米都得!good!

如果想做泰式豬頸肉,就要買厚身一大塊那種 ~

新鮮o既豬頸肉我買過,但因為太難切了 (好韌又好跣手 )  又唔可以存倉,所以我大部分時間都係買急凍豬頸肉片架 ~

買新鮮o既返o黎自己急凍?唔好 ~ 其實家陣o的冷凍技術咁先進,呢o的在工場內即切即急凍的,無論在保存品質和衛生方面,都會好過在肉檔攤左一輪、你自己買番屋企又攪一輪先擺到入冰箱好啊!

 

同場加映:

前幾日笨 B 爸爸回家時,徒手執住呢抽物體 ...

原來是士多老闆娘在樹上摘的

woooowww 估唔到臨近中秋都仲有龍眼食喎  大感動 ~!條枝 ... 好粗耶!


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: