2007年9月4日 星期二

自來花

有冇人知道呢棵係咩花來

上次盆薑裡無啦啦長出一大棵野草 (起初我仲以為係薑的一部分所以沒有拔掉,到後來在路邊見到棵一模一樣的物體,才知道是野草入侵
)   今次呢o的我估應該係好野來,因為我見到頂端生了一個個唔知係咪花蕾的東東呀!如果開花就正啦! 

 

佢地o係邊度o黎架呢?咪就係我o個兩盆買回來的家樂花囉 ~ 嗱,呢度仲有一盆又係咇左棵「自來花」出o黎o既,我仲未分盆 ~

話說當日家樂花開到荼靡 (

一個月前),幾乎想一手摧花然後擸番個盆做其他野 ~ 但想下毒手之際,見到盆裡突然出現左另一品種o既東東 
 仲要生得幾茂盛下架添喎

 

故事o既結局係,最後我沒有辣手摧花,我將家樂花和自來花分了盆,然後家樂花在死裡逃生之下繼續偷生,自來花在新盆裡極速膨脹,在一個月時間內變出了第一幅相那盆茂密的植物

 

同場加映:

才 $13 一盆的波斯菊 ~ 好喜歡它的顏色 !不過影呢張相時已被我剪掉了一半的花,因為都凋謝了不少

問題:波斯菊的葉子是不是很容易霉爛的?剪到我傻呀

再生長起來的香蜂草 ~

原來香草要 keep 住不斷剪的呀?以前不知道,不捨得剪,點知枝條會愈生愈長、愈生愈幼,然後葉子會愈來愈細、愈來愈黃    我上次揮刀狂剪一輪,剪到佢禿頭咁滯,而家生番晒,幾靚!

問題:雖然再生出來的葉子夠大塊了,但我覺得顏色好像不夠綠,何解呢?


開始木質化的九層塔

九層塔是我煮餸的良伴,所以我不捨得一次過剪到佢禿頭   但點知佢長高之餘,下面的莖幹還木質化了

問題 1:o係呢個情況之下,我如何可以令呢棵九層塔長得更壯更茂密呢?

問題 2:九層塔可以插枝繁殖嗎?


躲在柱後防曬的辣椒苗

自從可憐的蕃茄苗在露台

被烈日兼強風夾擊不斷煎熬而慘死之後,我決定 ... 不可以讓辣椒苗受到同樣的災難!立即將辣椒苗收埋o係露台柱躉後,烈日曬不著,風又冇咁勁,希望佢生生性性快高長大!

辣椒好似易種過蕃茄,因為蕃茄好易惹到蚜蟲,好難攪啊!

呀,前面o個三盆是黃皮苗呀!因為小魚兒上次摘畀我的黃皮實在太好吃,是我咁大個女食過最好食的黃皮

,所以我決定留種
(雖然我冇花園 ... 種住先喇)!仲畀左幾盆小胡子 & Fiona 分散風險



46 則留言:

  1. 我估你要照顧佢地都幾忙碌!

    回覆刪除
  2. 自來花仲大棵過主人花喎!

    回覆刪除
  3. 你都種佐好多植物喎!

    回覆刪除
  4. 小 v:yes 原來 Gardening 是需要好多心機時間的 ~ 我之前就係求求其,所以整死了唔少植物 努力學習中 ... 敏敏敏:係咯,我估呢隻應該幾襟種!生命力咁強o既 !

    回覆刪除
  5. 可能D番茄原產地唔係香港,真係比較難種,反觀幾株黃皮苗,苗仔細細都好壯健下,一D唔駛叫人担心。 我見奶奶種辣椒仔都好隨便下,就咁種係地日曬雨淋同比狗踏都無問題吖。香草變黃係咪唔夠陽光?其實我唔識!係呢,D香草係邊處買架?我都想學下種。

    回覆刪除
  6. 小胡子:香草是上次師姐帶我逛同茂坊時在附近買的 我見到元朗都有,價錢不貴,所以下次可以在元朗買也 (我又唔記得店名又唔記街名,下次睇完話你知)。話時話,我研究一下可不可以插株分盆,如果可以,我又分一盆畀你喇!

    回覆刪除
  7. b媽 自來花應該係你上次買的雀仔花留下的種 原來雀仔花係好粗生架 我而家個露台仔啲花盤都多咗好多好多雀仔花苗呀! 另外九層塔係可以插枝架 話說我兩星期前剪下一棵九層塔的頂枝 順手丟在另一大盤內(請留意,我只是"丟",不是插) 點知幾日後竟然見佢生根喎! 而家仲生得好好添呀!

    回覆刪除
  8. b媽 九層塔你唔駛剪光佢架 只要耐唔耐剪吓頂層 等佢唔好生咁高就可以生多啲橫枝 同埋有個朋友教我 千萬唔好俾佢開花呀 一開花就老晒 唔好食喇!

    回覆刪除
  9. 小魚兒:竟然如此?咁我上次種死左o的雀仔花,我都算神童咯 (其實佢好似未死,但o的葉好黃 & 突然好多蟻,所以嚇得我快快拿去倒掉) 竟然在其他花盆重生 噢!大自然真是奇妙!!! 多謝你話我知九層塔可以插枝 ~ 咁我會插到佢周圍都係架啦 !

    回覆刪除
  10. b媽 香草變黃應該係唔夠肥 你有無定期加肥呀? 另外我發覺用唐泥種係好營養過用化學泥架 因為我分別種咗兩盤 生長的情況有好大分別呀!

    回覆刪除
  11. b媽 雀仔花啲葉變黃又係無肥喇 我上次都係咁 之後不停加肥 而家綠返好多喇!

    回覆刪除
  12. 小魚兒:哈哈 ... 我地兩個好似o係度 msn 緊 香草買回來後沒有換過盆,所以還是科學泥吧 反正意大利蕃茄苗已歸天,就用o個兩個大盆移植吧 (那是用房太回裡的泥,應該好好營養) 至於肥料,由於是食用植物,我又暫時未製造自家天然肥料 (豆麩/ 堆肥) 所以暫時只有洗米水一項 ... 有冇其他快靚正的提議?

    回覆刪除
  13. b媽 無喎! 你用咗唐泥 暫時都唔駛加肥住 咁你就快啲用豆渣整有機肥喇!

    回覆刪除
  14. 你記唔記得我上次盆「謎」迭香?!?!?! http://hk.myblog.yahoo.com/vanlily-breadessert/article?mid=14456 } 而家佢...已經..歸於天國喇!

    回覆刪除
  15. 九層塔可以插枝繁殖, cut off the top and plant in new pot, then it will grow again. If it flowers then the leaves will be malnutrition and not nice, so cut off the flowers whenever they appear!

    回覆刪除
  16. 種咗咁多植物, 會唔會好惹蚊呢? 天台有冇種其他植物呀? 你set戶外餐桌搬咗上去未? 好想睇你個天台佈置成點... hehe

    回覆刪除
  17. ''立''下眼自來花,見到D鋸齒葉以為係朱槿,不過諗諗下又無咁可能傳播到上樓,應該好似小魚兒所講係雀仔花來的,看形態越看越像. 上次種死雀仔花都應該唔關你事既,通常呢D一年生植物都好短命,不過其特點又好易繁殖,今次真係幾驚喜

    回覆刪除
  18. 好多植物呢...間唔中望o下都幾舒服

    回覆刪除
  19. 整三杯雞嘅係九層定係七層?? 下次要你整比我地食! yeah!

    回覆刪除
  20. 原來你個花園都幾多品種架喎!

    回覆刪除
  21. 冬菇:哈哈 ... 你o個盆就真係謎啦 ... 你應該一早將佢地分晒盆,咁咪多左好多 FOC 盆栽出o黎囉 話時話,上次經過盆栽店見到 Rosemary 都想買,不過我攪掂現有呢o的先,我都未摸熟條路! mommy dearest: yes ma'am! Karli & Coco:哈哈 ... o個套戶外桌椅仲o係客廳度 ... 阻住半個地球 趁天氣開始冇咁熱,要快快攪掂我個天台佈置工程 匡:噢 ... 如果是雀仔花,那有可能是 n 咁多個月前 fiona 畀我o個o的留下來的種?!噢 ... 佢地「遺愛人間」啊 ~ 好期待佢地開花! QQ:同養貓狗一樣 ... 玩o既時候幾高興,打理起來又幾頭痕 所以我專揀o的唔駛點打理o既 minicorgie:當真?我未煮過呢個餸啊 ... 研究下先! concon:如果我有真o既大花園,我會種o的好大棵o既果樹 ~ 你而家見到的是我露台的小花園 ~

    回覆刪除
  22. 看到b妈的花,才想起我都很久没理家里的三盆君子兰——马上去给它们浇水去!

    回覆刪除
  23. 嘩.........好多品種呀........ 照顧佢地都唔野小..........

    回覆刪除
  24. 香蜂草可以煲蘋果茶喎...嘻 雪凍飲應該唔錯呀...

    回覆刪除
  25. 你都種咗好多不同品種喎! 我本來都種好多o架! 不過我種邊種就死邊種... 嗚...

    回覆刪除
  26. 幸福小女人- Diana2007年9月4日 下午1:08

    你好有心機呀...種左咁多植物!! 我屋企得兩盆..我已經覺得打理佢地好鬼麻煩!

    回覆刪除
  27. totally agree with 匡,果盆係 "夏堇" ... 唔該温吓書啦! http://hk.myblog.yahoo.com/bodyandsoul-free/article?mid=5346&fid=60

    回覆刪除
  28. 你個花園好壯觀喎﹗有咁多花花草草,你真好心機﹗

    回覆刪除
  29. 真係睇到我...花多眼亂呀!!

    回覆刪除
  30. 你真有心機呀! 波斯菊開始d花淍謝, 係咪因為秋天到喇?

    回覆刪除
  31. 春桔 野草入侵,情況同冬菇之前果盤 "謎"迭香 生四川熊貓竹既情況一樣囉

    回覆刪除
  32. 你屋企種左好多本植物,羨慕-ing!

    回覆刪除
  33. 嘩! 成個botanical garden 呀

    回覆刪除
  34. 棵「自來花」有點兒似 Basil leaf 香草.

    回覆刪除
  35. 係bk睇緊電磁爐嘅topic, 無意中睇到笨b媽你嘅blog, 越睇越鍾意, 好似上左癮... 我遲下會搬屋, 都打算係屋企種d可以食用嘅plants. 不過我係o係窗台種, 唔知你有冇好介紹? bb未出世之前, 我都好鍾意整野食, 每個weekend都會整一次cake or cookie, 而家.... ... 仲有睇完你嘅小屋仔.大project, 我好羨慕你搵到自己嘅dream house. btw, 你間屋絕對唔係小屋仔, 如果我間屋有咁大地方就好la

    回覆刪除
  36. 咁你用什麼肥料施肥?

    回覆刪除
  37. 寶莉:我都只是試種而已,所以只種過你眼見呢幾款架o乍 朋友話我知香草不是太難種,它們喜歡光線但不能暴曬,可能放左些有遮蔭 (e.g. 大植物下面) 的地方會較好。你在盆栽店買的時候不妨和店員八下,佢地通常都好友善,好樂意教你點種架 ~ 懶精:食得o既植物我暫時只會用洗米水 (將來我發掘了其他有機肥料再說),唔食得o既觀賞植物就冇咩所謂,只是在盆栽店買一般的植物肥料

    回覆刪除
  38. b媽 我以前用過一種有機肥係好正架 不過就唔係人人敢用 我而家搬咗屋都唔敢用喇 你估吓係咩? 嘻嘻..... 就係人肥呀!(指液體的) 以前在舊屋唔介意 不過而家搬咗黎 真係好難搵地方儲存呀! 不過我以前種辣椒葉時用咗佢 啲辣椒葉好正呀 好味過出面賣的好多架 不過始終又係嗰句︰ 新屋同人肥真係好有衝突呀!

    回覆刪除
  39. 小魚兒:陳師傅都話人肥係最正o既 不過成人較雜食,味道可能強烈o的,佢話第時有笨 B 時,叫笨 B 要疴殊殊時就去盆栽度疴喎

    回覆刪除
  40. 嘩.....簡直係一個小小的花園呢

    回覆刪除
  41. 唔止香草要 keep 住不斷剪的呀, 好多植物都要~ 我响地獄種的 "小雨點" 都係 ~~ 起初同你一樣不捨得剪,點知d葉只會愈生愈長&幼,一d都唔茂盛, 後來問o左花店先知要修剪的

    回覆刪除
  42. 喂!你仲有時間種咁多~服你! 今日又煮咩a??

    回覆刪除
  43. 咁我咪要train阿囝介片去盆栽度殊殊施肥...

    回覆刪除
  44. 哇哈哈 估唔到笨b仲有一個咁好的妙用呀!

    回覆刪除
  45. 嘩~ 笨B媽 ge 露台成個花園咁喎~~

    回覆刪除
  46. 前成年,v叔喺山邊掘咗一大堆黃苗畀我種,嗰時支支好似芽菜咁幼,種種下生得好快,我分盆又盆都唔夠,諗住移植落地下花槽,只係幾個禮拜就生得好大,但係個清潔工人就連根拔起哂 自家用大盆獨立種都唔係幾好,期間仲好多蝴蝶喺度產卵,「臭屁嘞」(蟲名)又長註,v姨捉蟲都捉到 ,卒之種咗三年至有 十幾粒 收成,摘咗畀v叔食之後就半夜車去山邊移民,唔敢再種喇

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: