2007年9月2日 星期日

終於去左家計會驗身!



我真係一條失魂魚,一早叫定自己做笨 B 媽媽,又周圍同人地講我想生兩個 ... 其實,我連做媽媽o既準備功夫都未開始過 !仲要係唔知要有o的咩準備功夫要做添架 !

話說某日在商務印書館揭揭下書,揭到有本孕婦食譜,然後先睇到原來準備做媽媽,係有好多 preparation work 要做的!我 ... 當然樣樣都未做喇!原來在準備懷孕前半年,已經要陸陸續續準備好多野架啦

嗱嗱臨上家計會網頁刨左一輪書,然後開始我o既第一步 --- 預約懷孕前驗身 !可能呢兩年經濟好轉,多左人生仔,所以排期驗身都要排幾個星期架 ~
攪左一大輪,終於在 2007 年 8 月 31 日見醫生睇報告 ~ 報告話我地兩個都好健康,不過我要補番支德國麻疹針 (因為體內抗體含量低於標準 ~ 梗係喇,支針o係小學六年班時打架喎) 要下個月 Auntie Visit 時才可以打呀 (因為打針一個月內不可以懷孕,否則會導致畸胎) 噢!
我o既目標係出年生隻鼠 b ~ 希望一切順利喇!

1 則留言:

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: