2007年9月15日 星期六

古物出土

尋晚返娘家食飯,我呢個女兒賊當然又好多收穫喇

~

最驚喜係 ...

...

...

...

...

...

...

...

...

...

...

...

...

陳師傅竟然摷番個我 2x 年前,小學時代用過的

珠珠散錢包出來!

因為屋企唔係咁大,所以我家一向奉行格物明德o既訓育

盡量唔好買咁多野,用唔著o既野一係畀左人一係丟左佢,免得塞到一屋都係

所以,我細個時係只得一個毛公仔架o乍!超羨慕同學仔成床都係

但冇計!因為基本上我地連訓覺都要姊妹一齊訓一張床,邊樹仲有位擺毛公仔?

所以,我好 surprised 陳師傅仲留住呢個散錢包

在廿幾年後無啦啦送我呢個驚喜

好!我一定會將呢個散錢包好好保存,再攞o黎一代傳一代,型呀!

呀,點解無啦啦會講起散錢包呢

因為我o的散錢 (毫子) 用晒,所以問陳師傅屋企有冇

 

話說我地平時在西鐵站駁腳番屋企o個架巴士係分段收費的

但好唔先進地,佢個八達通機係處理唔到呢樣野的,一o都就會收足全程 $6.90

分段的話就要入 $4.70 碎銀

所以我而家隨左變身村姑-ing,仲變身婆仔-ing,每次去買野都特登留起晒o的碎銀架

同場加映:女兒賊的其他收穫

一返到去,就畀呢個「陣」攝親!係咩來?當然都係一o的常用藥材喇 ~ 陳師傅成日話佢親自去買會有「靚仔價」丫嘛,咁我就樂得清閒,將呢個重任交托晒畀佢啦!

佢知我呢個女冇記性,成日講完o的野轉頭又唔記得 (唉 ... 莫非係老人痴呆的早年徵狀)

所以佢逐樣野 mark 好晒,寫清楚藥名、功效同埋每次使用份量!

minicorgie:啋 ...! 寫到呢度 ... 我又醒起唔記得左問佢手工麵點整
!一陣打去問下佢先



 

下面呢包係陳師傅o既私房陳皮!佢自己曬架!應該擺左三年以上,所以色澤亮黑,氣味芬芳!

噢!我返屋企後摷番我上次在街市用 $10 買番來o個一小包陳皮 ... 一比之下 ... 簡直係垃圾啊,一o的橘子香都冇,色澤又暗淡  

 

溫馨提示 (節錄自陳師傅口述):

陳皮陳皮,愈陳愈值錢呢樣野係人都知。點解呢?

陳皮在藥用上,有理氣、健胃、燥濕、袪痰等功效,用左烹調上又可加添香氣、去除膻腥

剛曬好一年的只可叫做果皮,氣味較刺鼻,都可入藥作行氣化滯用,不過比較燥熱。用來入饌則芳香不足

貯藏三年或以上,味道變得芳香醇厚的才是陳皮。性味變得溫和,用o黎入藥入饌都適宜,唔駛放好多都已經香氣撲鼻。靚o既陳皮動輒可以幾十蚊一兩架 (有o的幾十年的陳皮價值連城,但陳師傅話三年、五年基本已 good enough)!不過,人地貯左幾多年就冇鑿左o係塊陳皮度o既,所以買o既時候,要留意色澤和味道先知係咪正野呢!

Yes, Father!

 

更多參考:陳皮



因為我o既辣椒醬已食晒,所以尋日朝早就撥左個電話畀我o既供應商

Customer: 喂 ... 阿爸呀!我o的辣椒醬食晒啦!

Supplier: 哦!好!今次即刻整一樽畀你!



沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: