2007年9月11日 星期二

有水準.存倉精選

做左村姑之後,由於去街市要特登搭車,所以我會幾日先去一次

有時候o的材料食到「水尾」,但又突然懶精上身唔想出街

就唯有動用我o既存倉精選啦!

上個月去大橋街市內某貨品齊全o既雜貨檔買去濕料、蒜頭、調味品等「雜不甩」野時,阿姐見我好似大鄉里咁逐樣攞上o黎研究 (呵 ... 我係鍾意咩都睇一餐架,尤其是食得o既野) 佢就推介左我買呢盒「三鳳橋醬排骨」勒!佢話好多客試完話好好食返轉頭再買架! 

包裝上o個舊排骨確係吸引 ~ 又係錫紙袋真空包裝,可以存放 9 個月,食o既時候只要好似日清美味寶咁倒出來叮 3 分鐘,或者連袋放入滾水中煲 5 分鐘就攪掂 ~ good 丫!用o黎做我o既存倉精選都好呀 ~ 咁就買一包試下喇!

味道如何?尋晚懶精上身o既我試食左啦!有水準喎  ~ 味道濃郁,好香好入味,非常能下飯!

根據包裝上所說,材料係有豬胸排、肋排、醬油、白砂糖、黃酒、食用鹽、紅曲米以及香辛料,唔怪得知咁香濃喇!

另一碟餸係又係我o既存倉精選 --- 南瓜!實驗證明,一個未開的南瓜,放至少兩個月都係完好無缺非常新鮮o既!所以我屋企o的南瓜通常係買來「擺」的,冇野食或唔想出街買餸時先會處死佢地架!



34 則留言:

  1. b媽 點解人人都話南瓜薯仔等可以擺好耐 但我屋企擺咩都好快變壞的? 所以我好怕儲呢啲在家 成日都係想食先去買喳!

    回覆刪除
  2. 碟醬排骨睇落好惹味...正~~ 笨b媽, 點解你成日買倒南瓜? 我見到的都是大大個, 我都想買d 細細個存喺屋企備用, 可惜還未遇上. 請問, 如果個南瓜開咗, 放喺雪櫃可以擺幾耐呢?

    回覆刪除
  3. 小魚兒:薯仔就擺唔得太耐 (會發芽) 但南瓜就真係擺好耐喎 ~ 你擺o係邊呀?我就咁放o係個藤籃度架o乍 Karli & Coco:我o個o的係中國種的日本南瓜,我o係普通街市檔買架o乍,好多檔都有喎 ~ 如果是正宗的中國南瓜就真係超級大個,你記唔記得我o個時足足煮左五餐 南瓜如果切開左,封好保鮮紙放入雪櫃都可以再擺多幾日o既 ~ 切面的顏色會有少少變,可以切左佢 ~

    回覆刪除
  4. 排骨睇落好好味

    回覆刪除
  5. 呵呵~~~ 我記得呀, 你用咗不同煮法, 將個大南瓜徹底消滅咗嘛

    回覆刪除
  6. 排骨望落真係好正咁喎, 好入味

    回覆刪除
  7. 不如研究一下酱排骨的做法啦!自己做来吃味道更好呢!

    回覆刪除
  8. 星期日同友人去白泥影日落, 晚上出元朗食飯, 在某一個路邊 ( 好像是 " 日新街" ) 有間" 雞粥 " , 好好吃, 附近有好多食店, 小村姑有沒有去幫襯過???

    回覆刪除
  9. 阿婷:唔知點解 ... 我覺得你應該識整醬排骨! 自己整醬排骨會不會很麻煩的呀? 如貓:我知你講邊間呀 不過未入過去食,下次試下先!

    回覆刪除
  10. 個排骨好正 bo, 但可惜我沒有 microwave 啦 !

    回覆刪除
  11. 為食加菲netnet2007年9月11日 上午6:28

    好嘢, 好嘢, 好久沒遊BLOG, 咁都比我見到你偷懶都整到兩個咁正的餸...我去街市都要搭車的呀..等我都買定D先....

    回覆刪除
  12. 小矮人:呢隻排骨係錫紙袋真空包裝,如果沒有 microwave,可以原包放入滾水裡煮 5 分鐘,仲 good 呀 (因為尋晚用了 microwave,感覺乾了少少,可能水份給蒸發了一部分) 為食加菲:同道中人喎 係喇,家陣做左村姑要學識儲糧呀

    回覆刪除
  13. 個排骨需否放入雪櫃或冰格存放?

    回覆刪除
  14. 嘻..笨B媽...可以研究種南瓜... 到時自給自足呀... 原來可以放兩個月咁耐..真係耐擺呢..

    回覆刪除
  15. 我以前住村屋..我屋企有個小百佳咖...有好罐頭...一個星期唔買送就夠食....一個南瓜好大個咖喎...咁一開左..果個星期咪要食好多南瓜law....南瓜宴??

    回覆刪除
  16. 多謝你的介紹呀!不過唔知我屋企附近的街巿有無呢隻醬排骨賣呢? 另外,我有一個請求呀! 因為放工好多時街巿已經收檔買唔到餸,b媽你可否出一篇存倉精選呢?等我星期六、日一次過買晒番屋企,然後慢慢煮啦。

    回覆刪除
  17. 你碟排骨係江蘇特產喎,上海好多呢D嘢ga ... 南瓜煮粉絲,good idea喎,我就成日會整「金銀蒜火腿蒸南瓜」,好好味ga...

    回覆刪除
  18. 惭愧惭愧!排骨我就没煮过了。不过我煮的红烧肉味道不错呢!我想原理应该差不多了,只是调料上的差别罢了。

    回覆刪除
  19. 呢個「三鳳橋醬排骨」一盒一包嫁 ? 幾多錢 ?? 睇你張相就幾ok, 不過唔知會唔會好肥呢 ?

    回覆刪除
  20. 咦~~~ 唔錯咁喎~

    回覆刪除
  21. b媽 我都係放在窗台上的竹籃內 但無論我放南瓜也好 未熟的生果也好 總是放不了兩三天就變爛 激死我!

    回覆刪除
  22. 呢盒好嘢嚟~ 我以前去無錫一定買嫁~ 估唔到香港都有~

    回覆刪除
  23. 冇野食或唔想出街買餸時先會處死佢地架!" Ha Ha Ha

    回覆刪除
  24. b媽。就黎冬天了哦。。。你d存倉精品系米要加大分量拉! 只排骨似乎吾錯。。。。

    回覆刪除
  25. 你係咪去大橋街市裏面一個好大檔嘅雜貨舖呀,老闆係一男一女好後生,佢哋好好人,同埋貨品越嚟越多喇。 佢哋嘅甜梅菜好 good o架,我次次都去買,包冇甩拖

    回覆刪除
  26. E.....原來南瓜係可以放咁耐嫁﹗

    回覆刪除
  27. 我懒精上身就去急凍箱尋寶

    回覆刪除
  28. 笨B媽,很羡慕你會整咁多好野食 合益街市出邊果條街的水果和菜又平又新鮮,好多人在果到買架,唔知你知唔知呢?

    回覆刪除
  29. 上次我去四川玩時, d內地人話你呢個醬排骨係佢地既手信必選黎架! 內地名牌咁話喎! 不過我嫌油膩左d

    回覆刪除
  30. B 浩媽咪:唔駛架,佢係錫紙袋真空包裝,常溫可保存 9 個月,當佢罐頭得架啦 阿懶:哈哈,諗得過喎 種南瓜好似唔駛點理佢架,好方便咁話 ... 不過我估地方要大o的先得 柯比布:唔係啊,家陣o的中國種o既日本南瓜好細個之嘛,兩餐攪掂喇 --> size 大約係咁 Mui 家姐:呵呵 ... 一時間好難寫咁多出o黎啊 ... 不過以我長氣的性格,每次寫到存倉精選都會特別標明,你 search 「存倉精選」就會搵到架啦 LaiYeah:咦,你個南瓜煮法都幾值得參考啊 阿婷:我就是覺得你一定會煮醬排骨呀、紅燒肉呀這類菜式的,哈哈 ~ 對我來說就好像很複雜的,因為很少煮這類菜式啊 GG:$18 一包,是油而不膩,下飯一流 小魚兒:咁神 ... 奇 ... ?會唔會因為窗臺曬到陽光呢?如果太溫暖會加速果實內的糖分增加,所以易爛?(我估架o乍) 黃夫人/ 卡奧/ Yee:咦,好多識貨之人喎 Fiona:係呀,好似以前o的人養定一籠雞咁 .... 卡摩美尔:係啦,我怕遲o的冬天我會更懶呀 v 姨:咦,一男一女好後生?等我下次發掘下先!我去o個間係兩個阿姐 ... 近肉檔那行街的。貨品都幾齊全,阿姐都好熱情招待架 UB:係啊,我估耐o的仲得 Madame Pi:外國人o的雪櫃非常之大架,係唔係呀?想當年我去日本住o係人地屋企,佢地除左一個普通大 size 雪櫃外,還有一個冰櫃 (好似凍肉舖o個o的) 來放急凍野架 因為佢地減價冇香港咁密咁多,所以一減價真係買好多好多! Rachel:我知呀!我成日都o係o個度買的 不過有o的檔口唔畀人揀,試過買 $10/ 4 個紅蘋,有 2 個是粉的!激死我 !以後都唔幫襯

    回覆刪除
  31. 咦!!好少見到出面有得賣噃!!係咪d雜貨舖賣架,都好想試0下!

    回覆刪除
  32. concon:係啊,我係o係大橋街市內某雜貨檔攤買的,賣雞蛋鹹蛋柴米油鹽醬醋茶o個o的檔仔呢 ~~~

    回覆刪除
  33. 碟排骨望落好吸引, 等我都去雜貨店睇下有無得賣先! (最緊要方便)

    回覆刪除
  34. 個人認為食大陸食物要小心d...健康要緊!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: