2007年8月30日 星期四

排清便便身體好



我o既第一次 ... 買牛蒡 ... 獻左畀蔡師奶 ... 呢個排毒牛蒡湯!

 

事緣蔡師奶幾日前介紹左一個清熱利尿健脾去濕排毒的湯水,嘩,見到o個幾隻大字,簡直叮一聲喇!再睇到路路暢通無阻呢個形容詞,唔得,一定要擇日一煲!

 

雖則笨 B 爸爸都沒有大大的煩惱,我都不算是有問題 (因為每次都好暢快,只是我嫌兩日一次唔夠頻密

  曾經有一排日日去,o個排皮膚又好身材又好呀 !)  所以我是深信
排出便便身體好的人來架
  再說蔡蔡子實在講得太o岩,家陣自己知自己事,新陳代謝慢左,又懶做運動 ... 有時好似愈來愈怠倦咁,其實可能係毒素同濕氣積聚的原因  ~ 所以要定期清理下身體裡面o的毒素!

 

第一次買牛蒡,原來好大支,好似一支打狗棍咁!我用左

半支牛蒡 + 1 個甘荀 + 半個青蘿蔔 + 2 個雪梨 + 4 粒蜜棗 + 1 片陳皮 + 半斤扇骨 + 4 大碗水,用高速煲煲左 20 分鐘就攪掂啦!(如果用普通煲,我估要煲 1.5-2 小時?)  試味之後,發覺甭論調味料,是連一點點鹽都唔駛落啊!勁鮮甜勁好味!

 

至於排毒效果?噢!確係 good 呀!   所以我已將呢個湯列入為「每周必煲一次」精選啦!多謝蔡蔡子!

 

話時話,剩左半支打狗棒,用來做咩呢?

 

【下圖】個湯勁好飲,唯一o既疑問係明明o的排骨出左水,但點解碗湯仲咁油o既?係咪因為蔡師奶話齋,牛蒡有四分一成份係油脂呢?

 

同場加映:

煙肉蛋白西蘭花,點解咁多蛋白?問咪咪吉啦!

笨 B 爸爸話我技術差,唔識用生鐵鑊炒滑蛋喎   所以尋晚o的蛋白係佢炒的!我覺得呀 ... ok 喇!不過都係唔夠以前個不黏鑊咁滑喎


 

Updates @ 11pm

下晝北上走了一轉,倦-ing

不過見到大家o既留言,為免大家日思夜想o個碌牛蒡,等我影張相畀大家睇下喇!

特登放o係電磁爐邊影,等大家睇下佢有幾長

真係成碌打狗棒咁啊,攞住佢可以順便防狼

 

【下圖】呢度係食剩的一半牛蒡

【下圖】雖然寫日文字,但是中國產的,咁大支都係 $8



 

43 則留言:

  1. 我前幾日也煲這個湯,都是用扇骨,但無你啲湯甘油噃。

    回覆刪除
  2. b媽, 問我? 問我蛋白有幾多, 問我蛋黃有幾多 我笑住, 回答, 講一聲, 食咗囉~~~~

    回覆刪除
  3. 笨b媽, 不如買個隔油壺啦, 真係一滴油都無架

    回覆刪除
  4. 炒蛋白要落多油架喎(好似)!!

    回覆刪除
  5. 懶媽有時煲o的湯都係好多油出.... 要搵野隔一隔呀...

    回覆刪除
  6. 我覺得用高速煲佢迫左好多油出黎呀, 我用西c骨, 明明唔肥, 都係出到好多油. 以前用康寧煲係唔會咁嫁. 你都係要買個隔油壺好d

    回覆刪除
  7. 仲乜唔用d蛋白來做mask啊 我每朝食脫脂奶粉開麥皮.....都可以去得好暢快啊~

    回覆刪除
  8. 聽人講牛蒡可以減肥架

    回覆刪除
  9. 可以排毒的........正..... 我都想trytry.....

    回覆刪除
  10. 真係咁正,等我叫阿媽煲煲佢..清一清先~

    回覆刪除
  11. 你買果條係中國牛蒡 or 日本牛蒡??

    回覆刪除
  12. B 媽 ~~ 我前幾日落機之後去食飯 個waiter 介紹我飲牛蒡湯 係我生平第一次飲咋 我好少見牛蒡 記得曾經一次係 jusco 見到 之後無再見過了 可能依度比較少呢 不過 飲過之後 我先發覺原來o甘好味架 睇佢一錄o甘 原來褒出來可以o甘清甜呢 話是話 你呢褒比我係餐廳飲既靓好多 引死人拉

    回覆刪除
  13. 排清毒素身體好 上次煲湯我都係用牛蒡半支 淨返半支咪用黎炒或炆餸食,重有營養更加路路暢快呀! 先用滾水灼一陣,無論炒雞柳,牛肉,豬肉,甚至切成絲炒蛋都可以架 你試試丫

    回覆刪除
  14. 笨 B 媽: 我覺得你炒得好好呀! 我都要試下你這個湯先.. 我想問呢..飲完要幾耐有效呀? 會係正常果隻定係唔正常果隻呀?

    回覆刪除
  15. oh~無牛蒡真身睇既 ~

    回覆刪除
  16. 引到我都想立刻去買來試 ,病緊可唔可以出街買餸

    回覆刪除
  17. 前一輛成日都煲五色疏菜湯, 其中一樣係用牛蒡! 效果都唔錯!不過宜家偷懶, 只係用左d 預製包包, 冇買好耐lu

    回覆刪除
  18. 牛蒡, 未食過呀! 咁係未飲完第二日即刻"黎料" 先?

    回覆刪除
  19. 各位:排清便便身體好呢個反應呢 ~ 係正常而暢快o個種,唔係唔正常瀉o個種,所以大家可以放心排毒 ~ 我屋企查實都有油隔,不過我攞左碗湯出廳後唔想再行番轉頭,所以就咁攞左呢碗未隔油版本來影囉 師姐:是中國產的 ~ 日本產的味道有何不同呢?

    回覆刪除
  20. 原來叻b媽買左壓力煲...我都想買

    回覆刪除
  21. 正呀 試下先 皮膚都正d

    回覆刪除
  22. luckily my collegues left already... i saw ur blog... and just started to laugh out loud!!!! man!!!

    回覆刪除
  23. 我成日有個疑問,「牛蒡」同唔同「山葯」呢,都係一支打狗捧狀植物...

    回覆刪除
  24. 上年6月"吉x家"有牛蒡沙津, 加10蚊有得食, 爽口幾好味好似蓮藕, 之後未食過, 等我試下煲湯先! 多謝推介!

    回覆刪除
  25. 剩下的不如煮個"干煸牛蒡"啦!!! 好似干煸四季豆咁!!

    回覆刪除
  26. b媽 你食咁多紅米飯 便便應該好暢通架? 我一向的便便都好通暢 平均一日都有兩次 放假心情輕鬆一日四次都有 如果食埋紅米飯的話 真係暢通到呢...... 當然係正常的通暢喇

    回覆刪除
  27. LaiYeah:我都想知佢地有咩分別 我在網上查時,只可以肯定佢地係兩種唔同o既野,但冇山藥圖片 (我都記得個樣同牛蒡好似,成碌樹枝咁) 不過我又見牛蒡和山藥經常一齊用的 小魚兒:唔知呢 ... 可能我條腸比較懶 不過我消化唔快架,有一次食錯野唔舒服,笨 B 爸爸在晚上已「發病」(肚疴 ) 但我在第二朝先發病架 可能我又成日食o的立雜野,攪到腸胃差o的 ~ 所以我要成日搵o的高纖野食下!

    回覆刪除
  28. 支打狗棒係咪就咁切片放入煲就得架喇...使唔使要批皮之類呢...因我未煲過牛蒡呢

    回覆刪除
  29. b媽,LaiYeah 牛蒡同山藥係唔同架 山藥即平日煲湯常用的淮山 粗一點及短一點的 而牛蒡又名牛大力 以前我識有個婆婆成日用來煲雞腳 話補腳骨力喎!

    回覆刪除
  30. 我睇完蔡師奶篇blog都心癢癢, 睇埋笨B媽媽你呢篇, 我一定要 GO GO GO 呢 ~ 因為我 唔好嫁~ 另 : 今日睇都市日報話每日食兩個奇異果對排便都good good 喎, 所以我要雙管齊下先~

    回覆刪除
  31. 嘉露物語:要批皮 & 切片,非常容易氧化 (變黑),所以想保持白白的顏色,就要盡快用淡鹽水浸住佢 ~ 不過變黑都冇所謂,只係冇咁好睇而已 小魚兒:多謝你的解說 尋晚返娘家食飯時又問了陳師傅,佢都話山藥即是新鮮的「淮山」,主要功效為健脾胃。而牛蒡則是利尿去濕排毒 ~ 兩者外型確是頗相像 GG:我以前試過另一隻方法都好 work,不過要持續日日食才有效 --- 每天早上食 5 粒西梅乾,飲一大杯水

    回覆刪除
  32. 其實係牛蒡有排毒功能 or 呢個湯的 combination 有排毒功能呢?

    唔識煮野的人上

    回覆刪除
  33. k1:牛蒡本來已是解毒的了,百度百科有很詳細的解說 ---> 牛蒡

    回覆刪除
  34. 如果沒有高速煲, 普通煲要煲幾耐時間呀?

    回覆刪除
  35. R&F:在內文有提及呢

    回覆刪除
  36. hi 妳好,
    睇左blog好久, 第一次問問題,
    因剛結婚 , 想問下兩人都要返工, 要有湯水飲, 用真空煲煲好唔好?
    買邊個牌子好?
    thanks so much !

    回覆刪除
  37. 哦 !
    咁用高速煲煲湯妳覺得如何?
    那個牌子較好 ??
    thanks~

    回覆刪除
  38. Thanks !! U're so nice !!
    我會check check, 有問題再向妳請教 !

    回覆刪除
  39. 我喜歡煲湯我鐘意呢個blog^^

    回覆刪除
  40. 請問邊渡買到$8咁大支嘅牛蒡呀? 批皮係唔係用批薯仔果種呀? 我見CityX 有日本牛蒡賣, 一袋$18 三小支, 係好幼身的, 直徑約1.5cm. 所以批埋皮咪仲幼?! 不過我睇過有D資料, 話日本有90%的牛蒡都是從中國入口的.

    回覆刪除
  41. 我想問下你o係元朗邊度買牛蒡架? 我唔知o係邊度買呀!

    回覆刪除
  42. thank you~ 其實我想問下牛蒡除左用黎煲湯 for 通便外.... 用黎煮送得唔得架呢?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: