2007年8月3日 星期五

從此愛上破柴 ... 雞翼!

又係好耐之前睇到篇 blog ,話整話整,又係幾個月後先整得出o個隻!(咩 ... 呀 ... 光陰飛逝丫嘛 ... 點知咁快就過左幾個月o者 ...)

破柴雞翼,係 blog 友 vyvy 的

名菜
,我在 yahoo blog 求其 search 一下,已經見到好多個 blog 友跟佢整過 (vyvy 自己都整左 n 咁多次) 真係快捷方便又美味,我相信我已經 ... 從此愛上破柴啦!

查實並無特定食譜,大家大可以沿用自己喜愛的做法,只係

破柴呢下功夫好野,令雞翼吸收醬料的表面面積增加,醃得更入味之餘、食起來仲 very 方便 添呀 (對我呢o的唔識揸筷子夾雞翼的人,簡直是偉大發明)!真係一個超讚的做法!

我相信大家都一定識得煮雞翼架啦,所以我都唔寫食譜了 ~ 就影下製作過程畀大家睇喇

 

(1) 解凍雞翼、去雪味

我先用微波爐解凍雞翼先,然後整煲鹽水稍為汆燙,可以去除雞翼的雪味。

(2) 破柴

一直以為破柴是很難的,但試了一次,原來都相當簡單 (果然實踐出真知!) 只要用菜刀把雞翼一開為二便可。你可以用刀尖探測下雞翼裡兩條幼骨的位置,然後在中間下刀便可以了。

(3) 醃製

我沿用了一貫的醃雞翼方法 --- 即是有咩就落咩

  今次落左鹽、糖、豉油、少許老抽 (上色) 和陳師傅的辣椒醬!


(4) 烤焗

天時暑熱,唔想匿埋o係熱辣辣的地獄廚房煎雞翼,所以今次用左焗的方法。

平時焗雞翼要 20-25 mins,但因為破開左兩邊,所以 15 mins 已經 well done!


 



 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: