2007年8月19日 星期日

街坊們,尋晚有怪風嗎?

元朗街坊們:

尋晚o個場風雨好恐怖呀

!你地o個樹有冇呀?

o的風吹到呼呼聲,o的樹枝樹葉都吹到打橫飛了!

雷電交加,十足十o係頭頂爆發咁大聲!

暴雨連場,落到好似倒水咁!

我呢批相,完全影唔出驚嚇o既程度 !但我覺得比上星期的帕布勁十倍啊!好驚o的玻璃會爆!(幾日前我仲花左咁多時間清左o的膠紙,點知尋晚來場咁大o既怪風 !)

今朝早望一望我露台o的植物 ...

 

 

 

 

 

 

 

嘩!你地攪咩鬼

做咩九十度躹躬呀?!!

啋 ~ !o的花蕊 ... 冇晒呀 !!!

上星期帕布來襲時都冇事架 ..........!!!

我的蕃茄美夢破滅了 ...................!!!

 

【新手機學習進度】

摸下摸下,原來 Sony Ericsson 都唔難用,算係幾 user friendly 啊

不過用了超過 10 年的 Nokia,忽然之間轉 system,我諗都要一段時間至適應

我今日試影左o的相呀!質素唔錯!o聽日 post 畀大家睇

而家忙於執番好個 phone book,因為舊電話轉過來的 phone book 變晒樣,我要逐個執呀

32 則留言:

  1. 第一位呀...嘩哈哈......

    回覆刪除
  2. 好大風喎. 你忘了外面的植物?

    回覆刪除
  3. 尋日一天仲帶住個太陽眼鏡同大少出去入油洗車. 到左夜晚, 由上水返家時, 有一個好大既雷嚮到好大聲, 之後就好大風, 狂風暴水, 之後我心想, 死啦, 我無閂窗呀! 屋企入大堂前既一堆樹葉已經知道個怪風好勁, 仲勁過上次打颱風呀! 返到屋企就知死啦, 書房好似水浸一樣, 個窗吹開左麻... 睡房, 張mattress 濕左一忽, pillow 又係濕左, 終於要抹完地, 開冷氣吹乾, 再開抽濕機~ 做一餐死!

    回覆刪除
  4. 我琴晚仲係運動場..d風一黎個人企都企唔穩.. 仲要係忽然之間@3@

    回覆刪除
  5. 我屋企地下濕哂呀~~ d袋都濕呀~乜都濕!! (非村屋!!!) 你棵蕃茄...好搞笑!! 從頭黎過喇又要!

    回覆刪除
  6. 陰公咯.... 蕃茄仔美夢破滅了~~~

    回覆刪除
  7. 我果樹唔算大風,但就不停見到閃電,好得人驚﹗

    回覆刪除
  8. 我媽咪住tuen mun 尋晚打比我問我嗰邊有冇事?我話冇野喎 佢話屋企有强勁怪風 吹到d窗嘭咪晒 仲上唔到網添呀

    回覆刪除
  9. 都真係幾驚下, 我地隔離屋仲吹爛玻璃窗添!

    回覆刪除
  10. 我林村呢度都有呀! 係勁大大大風&大雨&大雷! 天台度門仲吹到吧吧聲!好得人驚~ 我屋企一行雷就停電(跳Fuse),d鄰居都冇咁既事 笨B媽媽有冇相熟水電師傅介紹?

    回覆刪除
  11. 琴日我係洪水橋個邊,, 係屋企既時候突然行雷閃電,, 跟住又大雨到暈,, 我重直頭見到個雷添呀,,好近距離 個雷好似係隔離咁,,嚇死!!!!!!!!

    回覆刪除
  12. 大埔無乜嘢 wor! 啲蕃茄你無加支架綁好 lei!

    回覆刪除
  13. 尋晚"濕"完返屋企果陣, 突然見到你果邊有條脈閃咗落山 嘩, 嚇屎我呀~~~ 跟住今日對面有棵樹竟然吹倒咗, 但係左右兩邊都冇事喎, 古怪!

    回覆刪除
  14. 好彩我出門時有關露台的門和窗咋, 回家途中都見有棵樹被吹斷咗呀!!!!

    回覆刪除
  15. 屯門, 勁大風大雨......

    回覆刪除
  16. Hi, 你好呀~ 我睇完你d食譜之後心思思又煮番餐 整左個滑蛋炒蝦仁, 睇左你的秘訣之後d蛋當堂滑左, 雖然無你整得咁靚, 但都ok啦,得閒黎睇下~ http://hk.myblog.yahoo.com/suki-lui/

    回覆刪除
  17. 噚晚食完飯八點o靚鐘係有一場大雨, 雷電交加, 不過好快落完, 新界東情況很好, 無事~

    回覆刪除
  18. 屯門1930-2030先係雷電交加跟著就狂風暴雨,我晌巴士度望D窗以入架巴士入咗個瀑布度錦呀!

    回覆刪除
  19. 屋企樓下仲水浸添,浸到架車濕晒、天台個蓬又吹爛咗!

    回覆刪除
  20. B媽 點解我唔係好感覺到的? 尋晚雷電交加時 剛剛食緊晚餐 能覺電力因雷電而停了大約0.5秒 外面不停閃電外 就咩都感覺唔到喇 至於我天台的植物 可能太細了 所以沒有受傷 蕃茄花被吹落了真太可惜喇 看到也心痛!

    回覆刪除
  21. 笨B媽))))))) 我整o左住家餃子 , 來我到參考o下啦 . 請多多指教!

    回覆刪除
  22. 嘩 ! 我以為十號風球係1分鐘內殺到黎添呀, 嚇死我呀, 全屋冇關窗, 入晒水

    回覆刪除
  23. 7時半左右, 我家在新界東都有一陣怪風, 剛剛坐係窗邊吃飯, 陣風拉開所有窗, 窗簾飛到天花, 勁過打風! 之後勁閃電, 不過就好少雨!

    回覆刪除
  24. 我係香港區就冇咁牟利,但我就覺得呢排成日都時不時鬼咁大風,怪怪0地!

    回覆刪除
  25. 星期六晚出現怪風嘅時候我係屯門露天嘅地方,啲怪風真係話嚟就嚟,將啲樹葉吹起晒,仲打橫咁直撲埋塊面度! 差啲俾風吹到行唔到呢!仲聽到好多野俾風吹倒嘅聲音...好彩我見勢色唔對,即刻入跑入商場避避風頭,先至唔駛變落湯雞咋! 不過之後就發唔咗唔少被欄腰吹斷,或者連根吹倒嘅大樹呢!好恐怖呢!

    回覆刪除
  26. 屯門, 狂風大雨, 我連氣窗都唔開得, 閃電行雷之勁, 係呈網狀而出o架.

    回覆刪除
  27. 植物大災難. 你D 盆栽可能係向出面D 大樹致敬/

    回覆刪除
  28. 我咪就係淋到好似沖完涼咁囉....

    回覆刪除
  29. o個晚真係有怪風... 搞到我個窗都入水呀... 零晨都冇得訓...

    回覆刪除
  30. 有呀有呀....... 吹到痴線呀~~~ 我D花花都有不少受傷啊!!!

    回覆刪除
  31. 我家日日好好好大風wo d paper 四周係fly tim

    回覆刪除
  32. 種蕃茄要搭棚的, 唔係有果無風雨都會謝晒架. 而家搭返都未遲.

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: