2007年8月10日 星期五

打風啦!走鬼啦!


第一次o係村屋遇上颱風呀

!!!好緊張呀 !!!

下晝好忙,忙於走走走走走 ~~~ 鬼鬼鬼鬼鬼  ~

 

【走鬼活動一】將o的小盆栽搬晒入屋 ~ 乘機來一次大晒冷,大家睇唔睇到我有o的咩野植物呢?

左邊第一行有 2 盆蕃茄 + 1 盆辣椒仔;辣椒仔隔離那棵是薄荷葉;蕃茄隔離那棵是薑,但裡面有棵好大o既野草

前面一大堆的是黃皮苗,仲有一棵就快瓜的蘆薈

後面有 2 棵家樂花、1 棵金不換、1 棵臭草、1 棵開緊花的怕羞草

 

【走鬼活動二】冒著小雨將晾衫架解體,然後拍埋牆


 

【走鬼活動三】黐膠紙!不過弊啦!剛才笨 B 爸爸返到屋企,發現我用錯膠紙!呢隻好黏呀!撕走時有排洗!

 

【走鬼活動四】晾衫!不過要晾晒o係浴室

 


 

忙碌-ing o既時候,小魚兒 call 我話今日整左o的麵包,已經 deliver 到我樓下

哇 ~~~ 正呀!!!好鬆軟o既甜餐包呀 !!!

最鍾意佢唔太甜,同埋真係好鬆軟,唔知係咪因為用機打麵糰的關係呢?

話時話,我前日在豐澤睇到部 Philips Cucina 座檯打蛋器,有 350W,聲稱可以打 up to 1000 g 麵粉

唔知掂唔掂呢







350 瓦輸入功率的打蛋器設自動旋轉攪拌盆,備有 3 種速度調校、快速按鈕,含打蛋棒及搓捏勾。
強力 Cucina 打蛋器可作攪拌、打蛋及搓捏麵糰等功能,其自動旋轉攪拌盆能一次混合大量或小量材料,讓您可隨時加入材料,而打蛋器有 3 種速度設定及快速按鈕可進行高速攪拌,讓您製作食品時更得心應手。

 

P.S. 後面o個盤麵包本來是想今晚返陳師傅屋企食飯時帶回去畀佢地試下的

但因為打風關係,取消行程

本來想回贈一o的畀小魚兒,但諗起佢自己又整左包 ...

唔,咁等我今晚煮個咖喱o黎送麵包喇!唔煮飯 lu ~

 

香 港 天 文 台 發 出 最 新 熱 帶 氣 旋 警 告  (2007 年 8 月 10 日下午 3:45)


八 號 西 南 烈 風 或 暴 風 信 號 現 正 生 效 。

表 示 預 料 本 港 吹 西 南 風 , 平 均 風 速 每 小 時 超 過 62 公 里 。

在 下 午 4 時 , 熱 帶 風 暴 帕 布 集 結 在 香 港 天 文 台 之 西 北 偏 西 約 30 公 里 , 即 在 北 緯 22.4 度 , 東 經 113.9 度 附 近 , 預 料 向 東 北 移 動 , 時 速 約 8 公 里 , 橫 過 香 港 西 部 。

熱 帶 風 暴 帕 布 現 正 橫 過 香 港 西 部 。 其 南 面 的 雨 帶 繼 續 為 香 港 多 處 地 區 帶 來 狂 風 大 雨 。

八 號 烈 風 或 暴 風 信 號 - 防 風 措 施 報 告:

1. 請 各 位 盡 快 完 成 家 中 各 項 防 風 措 施 , 將 窗 門 鎖 緊 , 若 有 可 能 , 請 在 門 窗 背 後 , 加 上 橫 閂 。 將 膠 紙 條 貼 在 當 風 的 大 玻 璃 窗 上 , 萬 一 玻 璃 破 裂 , 亦 可 以 減 少 損 失 。 同 時 請 清 除 去 水 渠 口 的 落 葉 及 垃 圾 。

2. 請 將 汽 車 停 放 在 最 安 全 的 地 方 。

3. 切 勿 在 屋 內 當 風 窗 戶 附 近 站 立 。 將 傢 俬 及 貴 重 物 件 搬 離 當 風 的 窗 戶 。 請 預 早 選 定 屋 內 一 個 安 全 地 方 , 以 防 玻 璃 萬 一 破 裂 時 可 以 躲 避 。

4. 因 為 海 面 有 非 常 大 浪 , 市 民 應 該 遠 離 岸 邊 及 停 止 所 有 水 上 活 動 。

5. 香 港 國 際 機 場 的 航 班 可 能 受 到 天 氣 影 響 。 旅 客 前 往 機 場 前 , 請 先 向 航 空 公 司 查 詢 航 班 情 況 。

6. 有 關 最 新 天 氣 消 息 , 請 留 意 電 台 或 電 視 台 在 每 小 時 的 十 五 分 、 三 十 分 、 四 十 五 分 及 五 十 八 分 的 廣 播 , 或 瀏 覽 香 港 天 文 台 網 頁 。




 

44 則留言:

  1. 元朗好平靜呀~ 連雨都冇落.... 可能因為吹西南風 吹唔到我地呢~~ 我0係尖沙咀海旁返黎 真係超混亂 勁大風 人都吹得起!!

    回覆刪除
  2. 打風果時住村屋感覺好似特別大風既 

    回覆刪除
  3. b媽 啲包係用妃娟的巨蛋牛奶麵包配方做架 妃娟的包包食譜總是特別鬆散 而且成功率極高 由於我第一次做呢個配方 唔知成唔成功 所以尋日都唔敢話你知住呀! 仲有 由於的唔鍾意太甜的 所以我大手地減少了配方中的糖份 結果出來的效果好好 連一向唔多食包的老公 都在昨晚出爐後食咗2又1/4個做宵夜呀

    回覆刪除
  4. 350w一定打唔到1000g 我部4500w打250g都勉強了 我唸打150g都仲或者得

    回覆刪除
  5. 嘻嘻 又唔記得講 今次啲包咁鬆軟 都要多謝你同冬菇老師 因為睇咗你上次整包的介紹 我先知收口要在下 以及最後發酵後要小心呵護的重要 所以今次出來的包包先特別鬆軟呀 我還要多謝你呢!

    回覆刪除
  6. 笨b媽! 你仲可以試下種苦瓜, 係"難"騰植物, 仲係"難"得好勁果隻, 不過, 非常易種....另外, philips 仲有一隻係冇兜既, 平好多, 要視乎你既需要睇下點選擇, 2隻都ok既......

    回覆刪除
  7. 嘩, 你同小魚兒整既包包都好似街買一樣呀 點解唔琴日朝打風而攪到晏晝打風呢 ? 回家巧狼狽呢

    回覆刪除
  8. Hi, nice to visit your blog ar and welcome to visit my blog as well my baby is born in Jan 2007

    回覆刪除
  9. 笨B妈妈,你的菜苗、花苗通通都……好……瘦……呀!看来真是需要多多施肥了。 更正上次的说法,豆渣是要加水之后发酵的,大概一个星期就发酵好了,然后兑水浇在花泥里,然后再浇水,否则肥料浓度太高是会烧坏花的。 P.S.是不是笨B妈妈也一样苗条呢?我的花就和我一样,又肥又壮!

    回覆刪除
  10. 唔得咯 我都用緊呢部,淨係用佢黎發蛋整蛋糕就可以 但用佢黎打麵糰就有所保留喇,因為實在係唔夠力呢!

    回覆刪除
  11. haha.....我覺得您地住村屋好有外國feel呀!因爲外國的家庭主婦們經常交換自家製作的蛋糕/食物之類~~ 好warm 呀!

    回覆刪除
  12. 你 d 包超得呀 ! 係呢上面個打蛋器幾多錢呀 ?

    回覆刪除
  13. 講你都唔信呀!我前日都响Philips陣列室睇打蛋器呀!四百鬆d價錢. 尋日同老公相量時比奶奶聽到,佢即刻抬左佢個收埋左多年嘅Philips打蛋器出來, 咁我就慳返, 唔駛買lu. 今日早左放工, 即刻攞左佢來整蛋糕比大家食, 當係回饋!

    回覆刪除
  14. 都幾多款包包wor ... 個部機我曾經係豐x見過買 法國個隻特福 既焗爐送! 唔知仲冇冇呢? 好似要三百幾蚊嫁wor!

    回覆刪除
  15. 搬到村屋的初體驗,打8号風剌激嗎? 小心點呀!

    回覆刪除
  16. 睇到你個Blog先諗起, 我唔記得咗花曹啲植物添, 不過感謝主, 佢哋又無事喎~ 難得打風早收工, 我今日都整咗蛋糕呢~ 仲要係我最仲意嗰隻田中家日式芝士蛋糕呢~ 好味~ 我都有嗰啲電動發蛋器, 我仲有電子磅添~ 今次係我第一次打風唔駛返工, 唔駛俾客鬧, 唔駛返機場, 反而後諗起好多好多喺機場度過嘅回 憶~ 祝大家都有做快樂嘅風球假期啦~

    回覆刪除
  17. d包好似街買0甘呀 辣椒仔都可自己種架 d辣椒生得密唔密架

    回覆刪除
  18. b媽 啲麵衰咗呀! 可能我技巧差 搓到啲麵好實呀! 又無筋度! 食到老公牙痛咁聲呀! 唔得 下次要搵陳師傅即席再表演一次先得!

    回覆刪除
  19. YOu seems so busy~~~ can do so many things, super mama

    回覆刪除
  20. 各位:等我仲忙左一大輪,原來個風咁弱o既 (查實我細佬都講左,不過我自己細膽) ... 笨 B 爸爸返來時搭西鐵就好快,但搭完西鐵等巴士就等左大半個鐘! 但我地在電視上看到人家逼地鐵仲慘 ... 佢一返來就話我做乜搬晒o的盆栽入來,話一陣o的蟲蟲特攻隊捐晒出來就大鑊!我諗諗下又係 所以我拿拿臨又搬返佢地出露台 ~ 真係白忙一場 ~ 小魚兒:哈哈,查實我都未試過在「陳師傅不在場」o既情況之下整過麵架,所以我都冇實際經驗!但你記唔記得陳師傅冇咩點搓架?同做麵包有分別架 ~ 不過都係叫佢再示範多一次好! 小謙一家:苦瓜藤係一年生定多年生架?因為我o係天台整個木架 (好似公園o個o的,下面有檯椅) 然後種o的爬藤植物,有遮陽作用嘛 ~ 但如果是一年生,即是結果後植物會死那種就不好了,枯萎時唔靚呢 ~ 愛美女生/ GG:我見電視新聞話市區確係幾大風 ~ 可能因為個風係由我呢邊吹出去的 ~ 所以我地而家好平靜 Christine:我個笨 B 未研發成功呢,你個 b 一月出世,我同笨 B 爸爸一月才結婚 阿婷:呵呵 .... 我都覺得自己冇咩種植天分啊 ... 可能我個露台太曬了,日日曬到佢地傻,冇死到已經算好畀面 我會努力學下點照顧佢地架啦 蔡師奶:唔得架 ... ? 哎o也,仲諗住呢部火數大少少,應該有o的機添 話時話,我o係為食貓見有人講買左,攪麵糰唔係唔得,只係攪到 7 成,叫做幫少少手咁,然後都要繼續自己搓埋佢架 ... 你有冇試過呢? Mrs Kwong:原來你在香港嗎?我仲諗住你未公幹完,唔敢打畀你添 ~ 我想畀o的包包你架 ~ Sweet Panda:我在豐澤見到 $498,貴又唔算貴 ~ 但如果佢攪唔到麵糰,我不如去實惠買o的不知名牌子,$99 架o乍 (我之前o個部都o係實惠買,淨係 for 打蛋打忌廉都 ok 架,只是我攪唔見左兩支打蛋棒) 小胡子:咦 ~ 你開始發功啦喎 ~ 終於畀我地一班友仔引到你出手啦! Rose:好平靜啊 ~ 上次怪風o個次恐怖 10 倍呀 長谷川久美子:我本來都心思思想買個電子磅 (見到永安半價 ~ $250) 但我而家用普通磅都 ok,遲下先諗 ~ see:生得好密架!呢幾棵苗其實係陳師傅幫我播種的,因為在市區不夠陽光,所以好奀,而家我將佢地搬來我家,又曬得滯 我o既房太的菜田睇過佢o的辣椒,好大棵好密架!種一棵都有排食 ~ 天使媽媽:今日攪到一頭煙,但都係白忙一場,嗚嗚!

    回覆刪除
  21. 我想問d 辣椒仔 如果加肥料,用什麼來加呢? 係唔係只可落米水呀! 你種得好叻呀!我之前有種怕羞草,但開了一次花就瓜o左

    回覆刪除
  22. 噤多包...你...食得哂家啦???

    回覆刪除
  23. 嘩...好多盆載 不如種埋檸檬...單是出葉已可以用黎調味

    回覆刪除
  24. 如果$500部機又OK喎!! 我個部KA要$2300啊~~ 但唔知有乜唔同呢?! 等我問下人先

    回覆刪除
  25. PM 我地個新屋打算9月-10月入伙啊~ 你可唔可以叫陳師傅幫我地搵個日子正式入伙啊??? 我自己睇就日曆睇就係9月16日, 唔知得唔得呢? 唔該哂你啊!

    回覆刪除
  26. b媽: 你呢部philips, 輝sir都係用佢架, ok喎, 我果日都有睇, 唸住買kenwood (太貴) or 呢部玩下就算, 不過都係要搬左先買得!!!

    回覆刪除
  27. 好充實的一天, 又比機會你做吓運動添

    回覆刪除
  28. 天空海闊任我飛2007年8月11日 上午4:26

    B-Ma...how to create photo banner at the header ar? Can you teach me le???

    回覆刪除
  29. 露絲公關手記2007年8月11日 上午5:23

    呢餐真係食飽飽食飽喇

    回覆刪除
  30. 其實我屋企天台一早長期做定防風措施, 因為有時會突然落大雨, 有怪風 ...... 你屋企d植物都好繁榮, 我果面好弱雞, 算啦, 我搬左地下之後重新振作!!!!!!

    回覆刪除
  31. 下次你個晾衫架都係訓低好啲. 一陣大風得濟, 吹跌佢地呀!

    回覆刪除
  32. sorry呀! b媽! 我都唔知係一年生定係多年生, 不過, 有sample睇... http://www10.discuss.com.hk/viewthread.php?tid=4587554&extra=page%3D1&page=1

    回覆刪除
  33. 笨B媽媽, 膠紙印可以試下塗上 hand crem "卒" 呀, 易甩好多架 ~

    回覆刪除
  34. 我今日見到篇訪問,講自建複式村屋.............以我估計應係你的dream home! 篇訪問都幾詳細,唔錯喎! 勁呀~上埋報!

    回覆刪除
  35. 笨B媽 其實攪得部機黎,搵手自己 搓重快呀, 因為洗果兩條棒好麻煩 我起初都係好似你咁諗,之後真係無再用佢喇 宜家索性用緊$698Kenwood麵包機就無煩惱

    回覆刪除
  36. 但用手搓麵包都係一種樂趣黎ga

    回覆刪除
  37. 我D植物有D都吹落地,心痛死呀,個風真係玩野~~

    回覆刪除
  38. b媽 我未見過陳師傅全個整麵過程架 所以下次陳師傅黎整麵 你記得叫我黎偷偷師呀!

    回覆刪除
  39. 好耐未體驗打風的滋味了

    回覆刪除
  40. Good that I am not in Hong Kong ... ha ha ha ...

    回覆刪除
  41. 啲包包好吸引, 睇到口水流.... 我上星期五2:30pm離開灣仔搭MTR, 唉....真係慘, 用咗3個半鐘先返倒屋企

    回覆刪除
  42. 嘩, d面包好正呀! 我都好想食啊! 我打風個日好慘, 冒著大雨由油麻地跑到何文田營救我的小Q, 頭又濕, 鞋又入水...好狼狽啊!

    回覆刪除
  43. 想問下第2張天台果個係米 水箱?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: