2007年8月27日 星期一

笨 B 爸爸出手 - 嘉美雞粥

 

上個 weekend 陳師奶來度周末 (陳師傅因掛住足棋所以唔來

!)  乖女婿負責下廚,買了一隻嘉美雞來個一雞兩味分兩餐 ~ 其實兩款菜式以前都 post 過,所以本來冇諗住影相 ... 如是者星期六晚的
雲吞雞是沒有影的,但諗諗下好似唔係幾公平,成日淨係 post 自己煮o個o的野,攪到大家以為笨 B 爸爸婚後 un un 腳冇煮野

 

見佢星期日朝早個嘉美雞粥煲得咁 perfect,好啦,畀你上鏡喇!

嘉美雞真係好鮮甜,只係落左少少葱花和鹽吊味,呢碗粥已經甜到不得了

畀個近鏡大家睇下 ~ 係咪好 perfect 呢 ~ o的粥又綿又滑之餘,一o的油都冇架!

因為嘉美雞好瘦架

chicken,一o的皮下脂肪都冇,塊雞皮又脆又嫩又唔腥,最緊要係無打激素,可以放心食! 其實雞皮含有豐富膠質,養顏呀姊妹 ~ 所以連我呢個平時打死都唔食雞皮的人,都全部食晒落肚

之前提過,每個街市只係得一檔賣嘉美雞的 ~ 但又唔係個個街市有喎!所以我一定要去大橋街市買,因為同益街市冇架 ~

嘉美雞比一般雞貴一點,今次得三個人,所以買隻細少少 ~ 呢隻好似兩斤左右,要 $80 呢 ~

嘉美雞粥的做法在剛好一年前 post 過,重點係先用大火煲白粥半個鐘,然後加雞件再轉中火煲半個鐘!火候控制係重點啊 ~

 

 

 同場加映

Blog 友們都話我淨係寫陳師傅,冇咩寫陳師奶   ~ 係啊,因為陳師奶係工作狂,所以好少時間o係屋企,冇咩題材畀我寫嘛 (好想寫下佢造o既衫,但全部都係過去式了 ~ 細個時我地著o既衫、用o既窗簾、牀單,好多都係出自佢手 !佢o的手工好 perfect 架)

至於佢o既廚藝 ... 呵呵 ... 成日畀陳師傅話「創意有餘,技術不足」架!冇計,呀陳師傅你獨霸廚房,陳師奶邊有機會練習o者 ~

尋日陳師奶突然手痕,講起上次見到宮 auntie 搓油酥餅好好食,不如整個o黎做下午茶 (我心諗:咁勁?睇完人整就識整?!?!)  well ... 結果係 ... 成功了一半 ... 確係好油,不過唔酥呀!   不過我好畀面,啃晒落肚啦!




49 則留言:

  1. 唔係呀, 個油酥餅都似模似樣丫 我好鍾意食架, 不過因為怕肥, 所以好少食. 更加唔會自己整, 以免俾我知道用幾多油.....

    回覆刪除
  2. Emma:冇錯,當你睇到製造過程中用左幾多油o既時候 ... 真係唔敢食呀

    回覆刪除
  3. 笨b 媽媽, 我細時又係著阿媽做o既衫呀! 仲有好懷念我婆婆織俾我果件橙色菠蘿釘冷衫! 言歸正傳, 個雞粥d 雞好滑咁wor(我最鍾意食雞下髀!!), 點整gar?

    回覆刪除
  4. marblema:係啊,當年好興自己造衫架!因為o個時冇咁多連鎖服裝店,街邊o既 quality 又唔係好得,所以好興自己造!但十幾歲後就開始出街買了 ~ 有關雞粥的做法,你可以參看我以前的 post - 嘉美雞粥

    回覆刪除
  5. 我都好鍾意食嘉美雞架,貪佢少脂肪和有雞味,但每次都是白切雞,未試過煲粥。

    回覆刪除
  6. (私人) 笨B媽媽: 原先諗住你地得閒嘅話,我地先上來坐下,咁就唔駛特別去招呼我地,所以 咁遲先通知,點知搞到你地同FIONA地都要趕返屋企,唔好意思呀! 你好快手咁整左凍檸樂比我地飲,又提供左好多家居建材資料比我地,仲抬走左你幾盆植物 呢!都未曾多謝你添!多謝晒!!(為怕我失手,我會比兩盆黃皮奶奶,分散風險呀!) 其實自上一次你同 大B講過 整PIZZA後, 佢一直都念念不忘呀!

    回覆刪除
  7. 呢碗粥真係煲得好正!件酥油餅個賣相都好得,唔駛怕油多,你仲有好多quota吖! 同益街市都有嘉美雞賣架!不過唔係係街市入面,係街市後面嘅街舖。(唔係國貨果邊)

    回覆刪除
  8. 話時話, 我媽媽後生時都係自己造衫自己著架. 就算而家, 佢都有整架, 而且早幾年o既窗簾床舖都係佢自己車, 不過而家年紀大左, 窗簾就無再車啦, 不過我而家仲蓋梗佢車o既床鋪

    回覆刪除
  9. 好想食的...........................

    回覆刪除
  10. o的粥好好, 乖女婿

    回覆刪除
  11. 我最近嘅大工程已經係01年頭,全屋大小窗簾全部換哂,錢係慳唔少,但個老爺萬能車散咗,好在係人家放咗十幾年唔要送畀我啫

    回覆刪除
  12. 我都好想煲嘉美雞粥, 但搬屋後, 附近街市都冇得賣... 我細個時, 媽咪會車公仔衫比我d公仔著o架, hehe

    回覆刪除
  13. 笨b爸爸煲d粥好正呀.....但我就未食個嘉美雞啦﹗ 我前排一連幾晚睇晒你的 " 小屋仔.大Project " ,真係好難得有咁嘅機會去構思自己間屋出嚟﹗

    回覆刪除
  14. 其實我咁耐以黎都唔知咩係嘉美雞﹐不過自從睇你Blog就知道在好多平時無o既智識Lu~ 見你地窩粥真係好似好好味﹐攪到我都想食!! 至於雞皮﹐其實係好鬼有營養﹐當然唔好計佢『痴』住雞皮o既雞油啦﹐耐不耐食D雞皮﹐皮膚都靚D啊!! 因為人其實都需要小量油份﹐多就梗係肥啦﹐小小係無壞o架!!

    回覆刪除
  15. Karli & Coco:我知道網上好似有得訂,應該會貴少少,你睇下: http://www.chicken.ttyy.net/ Happy Cooking! siumak:普通雞皮確是幾肥,我好怕食落去軟淋淋滿咀油o個種口感 兼且唔知o個隻雞係咪打激素/ 食含有激素飼料催肥的,所以平時我真係一塊都唔食架 ~ 如果當初唔係雞檔阿姐強力推介食呢隻雞可以食埋皮,我都未必試呀 連我呢個怕雞皮的人都食,大家絕對可以放心一試!膠質養顏呀 ~

    回覆刪除
  16. 好油 ... 但唔酥 d粥真係好棉wor, 係咪都係用油鹽 "拿" 下D米就得?

    回覆刪除
  17. Ivany:笨 B 爸爸話佢將o的油落左落水度喎,o的米冇「醃」過架 我諗佢大概落左半湯匙油喇。煲粥o既重點其實係o的米 (用油粘米真係好好多) & 火候啊 ~ 我地o既 formula 係大火煲滾 3.5 公升水,落半湯匙油,落洗好o既米攪勻,再煲起時轉中大火煲 30 分鐘然後落雞塊再煲多半個鐘。

    回覆刪除
  18. 煲粥真係好靚! 可惜... 我食粥會嘔!

    回覆刪除
  19. b媽 哈哈! 我最鍾意食雞皮 我成日話 食雞唔食皮 咁有咩好食呀? 我曾經見過有人食家鄉雞撕晒所有皮 我當時真係覺得好浪費呀! 食家鄉雞 最香就係塊皮 啲肉無哩味道 有咩好食呀? 嘉美雞我食過一次 我同老公都覺得佢瘦得滯 食落唔得滑 所以我地唔再買喇!

    回覆刪除
  20. 黃夫人:點解你食粥會嘔啊 我係粥品狂熱o黎架 小魚兒:竟然如此?我地就係覺得嘉美雞滑o的 & 健康o的先食佢架o乍,因為其他雞煲完後好鞋,但嘉美雞依然好滑 ~ 咁你地買開邊款雞?有正野介紹下好喎

    回覆刪除
  21. 嘩我牙爸牙媽煲d粥粒粒分明

    回覆刪除
  22. D粥睇落好好味咁呀

    回覆刪除
  23. 嘉美雞粥我都成日煲架!天皇煲時會用〝沖菜〞,惹味d!嘉美雞健康又好味!

    回覆刪除
  24. 笨b媽, 唔該哂你呀

    回覆刪除
  25. hi, 笨B媽媽, 睇左你的"小屋仔大project"好耐,都係第一次留言,很喜歡看你的blog,感覺好開心! 煲粥好綿、好靚呀!我都好鍾意嘉美雞,沒有激素,可以食得好放心。

    回覆刪除
  26. Attn : 陳帥奶 , please ! http://www.youtube.com/watch?v=Zg0p5TXi_Cc ok 架 ! 超 easy !

    回覆刪除
  27. 我都唔知點解會嘔 但真係食十次嘔八次 (無病無痛都嘔得!) 次過唔信邪 走入海王食粥 結果嘔到好似噴泉咁......

    回覆刪除
  28. d 粥睇得出好綿呀! 正!!

    回覆刪除
  29. 笨B媽媽 :等我搵日叫小墨媽去搵隻嘉美雞番黎食下至得!!! 聞名不如食落肚嘛。 小魚兒 :嘩.. 非常同意你﹐食家鄉雞唔食皮真係無咩好食﹐層皮先至係精華所在啊!! 不過我試過食在兩件家鄉雞﹐之後三日差不多齋戒咁滯﹐因為油感歷久不散~~

    回覆刪除
  30. 嘩..... D粥好綿喎, 有無浸米架? PS 我真係好想搵日見下你, 同你食下飯, 上你屋企打攪下, 但係呢排忙到呢阿女都見唔得唔多, 唔好講見朋友啦 ~~~

    回覆刪除
  31. Sheena 媽:冇緊要啦,你忙完先搵我,到時你出雞我出米,煲番煲靚粥

    回覆刪除
  32. 笨b媽媽 今日借左本日本甜品書 有豆渣曲奇既receipe呀~ 你有冇興趣呀

    回覆刪除
  33. joyzzzz:咁正?你會唔會試整啊?

    回覆刪除
  34. 幸福小女人- Diana2007年8月27日 下午6:04

    嘉美雞?? 嘉美係地方名黎架?? 我想問點可以將D白粥煲到咁棉呀~~

    回覆刪除
  35. 你有豆渣就easy..我就......... 你試下先la不如!!! 接譜:::: 材料: 豆渣 100g 低筋麵粉 50g 泡打粉 1/2小匙<--5ml為一小匙 可可粉 20g 蔗糖 40g 無鹽牛油 40g 蛋黃 1個 炒熟的芝麻 10g 鹽 1/8小匙 準備工夫::: *牛油和蛋室溫放軟一小時(夏天半小時) *鋪定牛酒紙 *豆渣用微乎其微爐叮4~5分鐘,以叮至不沾手為基準 (不夠乾就加20秒咁叮,叮完乾左大概淨返70g) *所以粉類過篩 *焗爐預熱180度 做法::: 1.牛油用手動打蛋器打到cream狀,分3次加入砂糖攪勻 2.變濃稠後加入蛋黃,繼續混合 3.篩入粉類,邊用橡皮刮刀壓擠粉類,邊反覆從底部翻攪般混合 4.加入放涼的豆渣,芝麻和鹽,用刮刀反覆從底部翻攪般混合,把淨餘的粉類用麵糰裹住般繼續揉成一糰,最後用手掌壓擠,去除麵糰中的空氣 5.麵糰捍成正方形,用保鮮紙底面夾住麵糰,桿成3mm厚.之後就可以造型喇 最後將焗爐教返去170度先好入爐!焗20 mins 唔好辜負我打左咁耐呀~~~~~~~~~~~~

    回覆刪除
  36. 「嘉美」應該唔係地方名,而係因為「嘉美雞」係嘉道理農場有份研究出嚟嘅新品種,所以有此命名。

    回覆刪除
  37. 嘩,原來笨B爸爸都咁叻架,啲粥煲得好綿、好靚喎! 嘉美雞聽就聴得多,不過我就未食過,真係大鄉里呀!

    回覆刪除
  38. 你一家人每個人都有不同既家庭崗位, 個個都fully function到, 真係令人羡慕呀!

    回覆刪除
  39. 嘩, 連笨b爸爸都咁叻, 真係無得頂呀 我媽咪都係買嘉美雞架, 好味好多又健康

    回覆刪除
  40. (私人)Molly:好呀!教我整pizza,唔知暫定9月29日有無問題? 係咪長遠左少少?嘻嘻!因為黎緊星期六去迪士尼,下星期帶金金覆診,再下星期去澳門,再下星期近中秋節可能要回娘家食飯。

    回覆刪除
  41. carlo:嘩嘩 ~ 我代陳師奶多謝過你先!佢下次過來,我會開畀佢睇架啦 joyzzzzz:嘩嘩嘩嘩 你 ... 打左個食譜上來 ?真係唔好意思!!!你 ... 家陣有冇覺得自己變左摩打手呀??? 好,為左唔辜負你,我一定會擇日整呢個曲奇架! Belle/ Diana:據雞檔阿姐講,嘉美雞係由嘉道理農場研發呢個雞種,then 專利授權左畀個商人去經營架

    回覆刪除
  42. 我上星期都吃了粥呢, 不過唔係雞粥.

    回覆刪除
  43. 我用豆渣來做喊蛋蒸肉餅呀(1份豆渣+2份瘦肉) 好正好似好健康,你try try 呀

    回覆刪除
  44. 笨b媽,
    你呢個blog 的家人個個都係煮野精英
    真係期期希驚喜

    回覆刪除
  45. 你啲粥咁綿,係咪一定用粘米架? 要唔要先浸1/2 鐘 水?

    回覆刪除
  46. BB Yee:good idea 下次試試 k1:過獎了,其實只係我地鍾意煮而已 曾肥:油粘米真係好好多,因為初初識笨 B 爸爸時,佢係用絲苗米煲粥的,我就奇怪點解佢o的粥冇咩米香 而家我地煲飯煲粥都係用油粘米架 ~ 我用開惠康買的「禾味米」,煲飯口感煙韌,煲粥充滿膠質,好正架!

    回覆刪除
  47. 好中意食雞粥,但就未食過嘉美雞煲既,好正呀

    回覆刪除
  48. 我係雞痴黎架...總之係用雞黎做嘢菜式我都鐘意呢

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: