2007年8月11日 星期六

8 號風球下的全套茶餐廳西餐

尋日雖然掛左 8 號風球,但元朗非常平靜

~ 我覺得上次個怪風仲犀利呢次幾倍!攪到我白忙左一場 ~

不過為免意外,所以本來返娘家食飯的活動被逼取消

又冇出街買餸,咁食o的咩好呢?

好在,以我喜歡儲糧的性格,要o係屋企摷o的野o黎煮係絕對無難度o既 ~ 就算摷唔到,都可以煲抗戰白粥送腐乳呀 !呢o的咁抗戰兼愛國o既簡食,我同笨 B 爸爸都 ok 架

之但係,尋日摷到o的好野 ~ 兼且有好鄰居小魚兒o既「接濟」,竟然畀我整左個全套西餐出來

(笨 B 爸爸按:咩全套西餐呀 ... 又作大 ... 頂多係茶餐廳全套西餐
~ 唔收加一架!哇哈哈!

 

【下圖】尋晚o既西餐全套包括

湯:蕃茄薯仔雜菜湯

 蕃茄係車厘茄,前幾日買來當生果吃的,臨時徵用o黎煲湯!

 薯仔 & 洋葱可以在室溫放兩三個禮拜,係存倉精選,居家必備

 冇椰菜,但有一包娃娃菜 ~ 將每棵娃娃菜外層較老的兩三塊葉剝下來煲湯,餘下的葉子較嫩,又可以放多幾日! 

麵包:牛油餐包

  大家有睇尋日篇 blog 的話,一定知道呢個美味餐包係小魚兒分享畀我的

  牛油都係居家必備,整蛋糕麵包煎野焗野乜都得!

意粉:忌廉蘑菇煙肉鮮蝦扭扭粉

  呢隻扭扭粉扭得好緊要,我覺得好型好似一條條豬腸,o係百佳買的

  游水鮮蝦買回來後即刻沖洗放入冰格,可以放個零禮拜都仲好鮮味,用來炒蛋炒飯炒菜乜都得,係存倉精選

 煙肉多吃無益,但用來起鑊好香,是西式的「金華火腿」,又可以用來整 pizza,得閒無事都會擺番一兩包在雪櫃 (P.S. 佳宝凍肉市場賣奧運牌煙肉只要 $14.80,但超市 >$20)

 香草,無論乾o既或新鮮o既都好重要!乾o既用起o黎好方便,味道亦相當唔錯 (推介

意大利雜香草,多用途呀,大部分西餐都用得著,唔駛買咁多樽唔同款) 新鮮o既香草用來裝飾或調味都好一流! 


甜品:紐約芝士餅

  小魚兒自從有左我呢個為食鄰居之後,好似整多左好多野食   呢個甜品又係出自佢手筆!好味!


58 則留言:

  1. 打風都有咁好野食!

    回覆刪除
  2. 唔止 茶餐廳啦 質素好好呀 紐約芝士餅個幅相影得超正

    回覆刪除
  3. 我本來想係又一城 taste入貨整大餐 ... 見到比錢條龍 最終只係落左街食茶餐

    回覆刪除
  4. 請問扭扭粉的醬汁是怎麼煮的? 用了甚麼材料? 另外, 乾的香草在那裡可以買到? Sharon

    回覆刪除
  5. 笨 B 媽媽, 我都係係元朗住同返工, 琴日都係風平浪靜, 係晚上先有啲風雨~ BTW, 你個 忌廉蘑菇煙肉鮮蝦扭扭粉 整得超靚呀!!! 有冇 Recipes 可以參考下?

    回覆刪除
  6. 珍妮仔:好在有存倉 ~ 隨時三幾日出唔到街買餸都冇問題呀 (呢句要向住笨 B 爸爸講的 --- 唔好食日話我塞爆個雪櫃加廚櫃啦 !) See:嘻 ~ 自從有左富士仔之後,我o的相係咪靚左好多呢 Ivany:係呀,我就係知道打風時街市 & 超市會好似擠提咁,所以都唔想出去買餸呀! 靚媽咪 Sharon/ Yoyo:醬汁是 Dolmio 的忌廉蘑菇意粉醬 (上次整 三色薄批 pizza 用剩的),我先爆香洋葱和煙肉,然後加入鮮蝦仁炒至八成熟,再加入適量的醬汁煮一陣,就可以撈埋o的扭扭粉了。超簡單但勁好味哩 ~

    回覆刪除
  7. 個餐好正喎......super smart beauty mama

    回覆刪除
  8. 笨B妈妈真是厉害!在大雨天也煮得出这么丰盛的饭菜!笨B爸爸好幸福呀!!! 这几天大连也下好大雨,没办法出去的我只好在家里吃粥。

    回覆刪除
  9. 我尋日2:00幾返到屋企都覺得個風無料到.........可能因為佢係吹西南風,唔關我地事啦.

    回覆刪除
  10. Sally Ho 莎莉豪2007年8月11日 下午3:12

    一份A餐, 唔該

    回覆刪除
  11. 你隻扭扭粉, 我今日行過百住都想買呢! 由頭到尾都齊全哂, 笨b爸, 你有口福啦!!!

    回覆刪除
  12. 掂! 掂! 掂! 掂! 掂! ..........

    回覆刪除
  13. 你個雪櫃夠大,有存貨就好啦﹗我地要去搶野呀﹗

    回覆刪除
  14. b媽 哈哈! 呢排放假嘛 梗係有時間整多啲喇 其實應該話係係打救我就真 因為我放假鍾意整嘢食 但又食唔到咁多 有時有些食物是老公不吃的 但我間中又好恨食少少 好似呢個芝士餅就係其一 如果得我一個食 真係食到傻都未食得完呀! 好彩而家有你幫的分甘同味 咁我就可以無後顧之憂咁整嘢食喳!

    回覆刪除
  15. 嘩 ... 咁厚的一塊牛油 ... 我年紀大,唔敢食囉 !

    回覆刪除
  16. 笨B媽媽.. 你好有進步啦!!! 笨B爸爸一定好滿意妳呢個老婆呢!!!

    回覆刪除
  17. 好美味~~~又肚餓添! 我想要A餐!吾該!

    回覆刪除
  18. 笨b爸爸真係幸福,就算打風呢d日子,都可以有咁正既一餐!!勁呀!!

    回覆刪除
  19. 其實我想知道d 綠葉是不是就用來陪襯? 跟住呢? 你同苯B 爸爸打風都打唔甩~~~ 一起吃飯,同甘(cheezecake)共苦

    回覆刪除
  20. 有個好鄰居真係好重要

    回覆刪除
  21. hi, 笨B媽媽, 你好犀利呀,八號風球之下都可以有咁好嘅嘢食,勁呀!我嗰晚只係食罐頭咋!

    回覆刪除
  22. 剛剛上網見肥媽都有個用豆渣整雞肉餅既食譜, 你可以參考下丫: http://www.cabletv.com.hk/fatmother/fat_ma.html

    回覆刪除
  23. 恭喜 笨 B 媽媽 做了明星 ... 我而家落街買本 "睇樓王" 先 !

    回覆刪除
  24. 好好味呀... 我都要學下儲下糧係屋企先

    回覆刪除
  25. 巧婦難為無米之炊,但在妳家,無米也不是問題,正!

    回覆刪除
  26. 個意粉又真係幾得意喎

    回覆刪除
  27. 好多好野食呀~~ 仲有個nycheese cake好正呀...我好耐無食過啦...

    回覆刪除
  28. 露絲公關手記2007年8月12日 下午1:10

    你地好幸福呀! 我 返到屋企已經六點 ~ 只可以食大家樂咋,之後仲要做公司野做到12點呀

    回覆刪除
  29. 幸福小女人- Diana2007年8月12日 下午2:28

    呢餐仲豐富過出街食喎!

    回覆刪除
  30. private momo: haaaaa....you looked so skinny in the picture!!! The living room is SPACIOUS@@@ ! It would be great if Eric would have joined you in the picture! I will depart to Singapore tmr, talk to you again later la !! If lucky, might get internet access in the hotel luo ~~

    回覆刪除
  31. 連你都知佳寶D野好抵 ...... 勁 ! 我成日去佳寶掃貨架, 可以儲糧麻 ......

    回覆刪除
  32. 第一次睇你個blog, 真係好有心機呀!勁!!

    回覆刪除
  33. 第一次來, 睇到好好味呀, 我會常來, 謝謝分享 , 繼續加油

    回覆刪除







  34. horse falls (cross country) 03:02
    From: NORGSabrina Views: 4794

    回覆刪除
  35. B媽 你真係一個稱職的主婦,這餐做得很好呀!

    回覆刪除
  36. b妈好强,直头可以搞私家菜拉

    回覆刪除
  37. wow, 8號風球下都可以用屋企o既儲糧煮到餐咁美味o既晚餐, 勁呀

    回覆刪除
  38. 。。一個吾小心整左d簡體出黎添。。。b媽睇得明嘛?

    回覆刪除
  39. 笨B媽媽 係我樓下間凍肉公司 奧運牌煙肉只係12個大洋咋~~ 仲抵!! 哈哈哈~~~~~

    回覆刪除
  40. 笨B媽屋企做埋西餐廳私房菜啦... 等我唔駛出咁遠都有得食嘛..嘻 好鍾意你個西餐呀...

    回覆刪除
  41. 由於爸爸工作關係,我成日都食奧運牌架!!

    回覆刪除
  42. 笨B媽..茶餐廳set漏了杯餐茶呀!!.....

    回覆刪除
  43. 原本有儲糧的習慣. ..he...he...打仗都唔怕啦~

    回覆刪除
  44. 打風都可以食得咁招積~笨B媽媽,你係得0既!!!!

    回覆刪除
  45. 屋企有存貨真好, 打風都可以整d咁美味既野食!!!

    回覆刪除
  46. Hey! 請問邊度有佳寶凍肉市場呀? 我search唔到嘅? 我好想去買哈哈笑薯餅呀!

    回覆刪除
  47. 笨B媽媽 : 多謝你的來臨. Thank you!! 其實我好懶呀, 所以都唔知能否持續寫落去, 我一定要向你多多學習呢. 你嘅blog真係very good呀, 我睇完之後, 對煮野食有返興趣. 因為自從Karli出世後, 請咗工人, 自己就疏懶哂... 而家老公就讚我d cookie整得好好味, 我都有向佢提起, 其實由你個blog到偷師....呵呵呵 你快d開返間"笨B爸媽茶餐廳"或"笨B爸媽私房菜", 我一定會由老遠嘅西貢家去元朗幫襯你o架 重有呢, 我喺"睇樓王"見到你間屋仔同你真人呀, 睇落你好fit喎....

    回覆刪除
  48. hi bbmama, know that you have the new soy bean machine and i also want to buy one, but can you tell me before make the soy bean milk, do we need to put the soy bean in the water over 10 hours or just can make by dry soy bean. also is it easy to control and can you brief the instruction for how to make it. thks a lot

    回覆刪除
  49. 嘩.....好得呀 個table setting 唔似茶餐廳呀~ 咁.........可唔可以order 1份呀 ........

    回覆刪除
  50. 真係好厲害,要認真的向你多多學習先得!

    回覆刪除
  51. 呢個茶餐廳全套西餐都唔錯喎 我比較草根 喜歡食茶餐廳多過食西餐 經濟實惠呀嘛

    回覆刪除
  52. Hi 笨B媽媽, 看了你的blog一段日子,今次係第一次留言給您, nice to meet you!! 好正既茶餐廳西餐喎! 一份跟凍檸茶啦唔該~!!!! 我都整左你0個個白蘿蔔魷魚湯,得閒去我0個邊睇睇啦

    回覆刪除
  53. 各位:多謝大家讚賞 唔知點解我好鍾意儲糧,同儲錢一樣,我一定要有o的「儲備」先有安全感架!我以前住市區都鍾意儲糧,不過o個時間屋細,買野又方便,所以成日畀笨 B 爸爸哦!家陣我可以盡情地儲啦!(只要唔多到冇位擺,笨 B 爸爸冇咁快發現的 ~ wakakakakaa) 小妹丁:佳宝是街坊式凍肉店,冇網站咁先進架!但佢地係連鎖店,所以好多地方都有的,通常在街市附近 Karli & Coco:嘩 ... 你地咁眼利o既 ... enyalam:黃豆要先浸軟,約 6-8 小時,如夏天炎熱就最好放雪櫃裡浸。至於份量多少,每部豆漿機的規格也不大相同,你不妨先到百貨公司看看 demo ~ 我那部是 100 g 黃豆做 1400 ml 豆漿的。

    回覆刪除
  54. 笨 B 媽媽, 我0係馬鞍山住, 有邊間佳寶最近呀?, 我出九龍都得架!

    回覆刪除
  55. hello ~ 我終於整o左 紐約芝士蛋糕喇 ~
    得閒就黎睇睇啦 ^^

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: