2007年8月31日 星期五

大笑時間



 

晨早起床 ~ 清新開朗 ~

今日係星期五,唔駛我 cheer up 大家,睇怕你地都心情舒暢架啦

 

不過,我最近又學識玩新手機的一項功能,好鬼正,氹得我好高興 ~ 等我又氹下大家高興啦 ~

 

 

 

 

準備 ~

 

 

 

笑 ~

 

 

 

 

 

 

 

 

喂,笑得開心o的得唔得

 

 

 

 

 

 

 

 

 

 

笑到咀都緊埋 ...

 

 

 

 

 

 

 

o衣起棚牙扮烚熟狗頭 ...

 

 

 

 

 

 

 

 

 

噢賣葛,點解我攪成咁

 

 

 

 

 

 

 

 

 

 

 

見你咁恨自己塊面瘦o的,成全你勒 ...

 

 

 

 

 

 

 

 

仲未笑夠?一次過晒冷畀晒 16 個豬樣你睇勒

 

 

 

 

 

 

其實,都係做番自己好 ...

 

 

 

畀個美女版大家睇下勒 ... 有請國際影星章小姐蒞臨敝 blog 做個示範 ~



 

 

 

連佢都攪成咁 ...

 


 

 

大家明白點解我唔攞自己而家個樣o黎做示範啦?我驚大家將今朝食過o既通粉麵包麥皮噴晒出o黎呀!哇哈哈哈哈哈 ...

 

HAVE A NICE DAY & HOLIDAYS !!!

 
HAVE A NICE DAY & HOLIDAYS!!!

2007年8月30日 星期四

排清便便身體好



我o既第一次 ... 買牛蒡 ... 獻左畀蔡師奶 ... 呢個排毒牛蒡湯!

 

事緣蔡師奶幾日前介紹左一個清熱利尿健脾去濕排毒的湯水,嘩,見到o個幾隻大字,簡直叮一聲喇!再睇到路路暢通無阻呢個形容詞,唔得,一定要擇日一煲!

 

雖則笨 B 爸爸都沒有大大的煩惱,我都不算是有問題 (因為每次都好暢快,只是我嫌兩日一次唔夠頻密

  曾經有一排日日去,o個排皮膚又好身材又好呀 !)  所以我是深信
排出便便身體好的人來架
  再說蔡蔡子實在講得太o岩,家陣自己知自己事,新陳代謝慢左,又懶做運動 ... 有時好似愈來愈怠倦咁,其實可能係毒素同濕氣積聚的原因  ~ 所以要定期清理下身體裡面o的毒素!

 

第一次買牛蒡,原來好大支,好似一支打狗棍咁!我用左

半支牛蒡 + 1 個甘荀 + 半個青蘿蔔 + 2 個雪梨 + 4 粒蜜棗 + 1 片陳皮 + 半斤扇骨 + 4 大碗水,用高速煲煲左 20 分鐘就攪掂啦!(如果用普通煲,我估要煲 1.5-2 小時?)  試味之後,發覺甭論調味料,是連一點點鹽都唔駛落啊!勁鮮甜勁好味!

 

至於排毒效果?噢!確係 good 呀!   所以我已將呢個湯列入為「每周必煲一次」精選啦!多謝蔡蔡子!

 

話時話,剩左半支打狗棒,用來做咩呢?

 

【下圖】個湯勁好飲,唯一o既疑問係明明o的排骨出左水,但點解碗湯仲咁油o既?係咪因為蔡師奶話齋,牛蒡有四分一成份係油脂呢?

 

同場加映:

煙肉蛋白西蘭花,點解咁多蛋白?問咪咪吉啦!

笨 B 爸爸話我技術差,唔識用生鐵鑊炒滑蛋喎   所以尋晚o的蛋白係佢炒的!我覺得呀 ... ok 喇!不過都係唔夠以前個不黏鑊咁滑喎


 

Updates @ 11pm

下晝北上走了一轉,倦-ing

不過見到大家o既留言,為免大家日思夜想o個碌牛蒡,等我影張相畀大家睇下喇!

特登放o係電磁爐邊影,等大家睇下佢有幾長

真係成碌打狗棒咁啊,攞住佢可以順便防狼

 

【下圖】呢度係食剩的一半牛蒡

【下圖】雖然寫日文字,但是中國產的,咁大支都係 $8



 

2007年8月29日 星期三

當滑蛋不再滑


當滑蛋不再滑

月亮不再亮

都是令人沮喪的 ...

 

唉,用生鐵鑊太好火啦!以前用 9 度火做o既野 ... 家陣 6 度都嫌太猛

!要重新適應先得!

請比較 ---

滑蛋炒蝦仁

前日買了嘉美雞整雞粥,留下的雞胗就用來炒蒜心了 (出自笨 B 爸爸手筆),好脆好鮮甜!

嗱 ... 都係o個句 ... o的鑊氣睇都睇得出呀!

不過呢 ... 廚房就一陣味!所以我講得冇錯 --- 鑊氣同油煙係好朋友來架!


尋晚係咪有月全蝕?

當然,我呢o的淨係得個天台,冇任何其他裝備的人,係唔會睇得到的 !只係見到好多雲遮住個月亮囉!



 

2007年8月28日 星期二

豆渣雪芳蛋糕 【研發完成】

最近 blog 友間吹起了一陣雪芳風,人人都在做雪芳了

雖然幾年前我也患過「三分鐘雪芳狂熱」,但後因為搬離屋企,烘焙工具不在身邊,也就丟低了

算起來,竟然有 4 年的事了,連打蛋器的兩枝棍也不知道拋到哪裡去

哼 ...

最近給我不屈不撓地第 5 次翻箱倒櫃,終於找到了


這個豆渣雪芳的食譜是胡亂做的,用了沿用多年的基本雪芳食譜

減了點麵粉、減了點蛋黃、減了點糖

加了豆渣

其實吃不出豆渣來,但多了纖維素、蛋白質、以及女性恩物的大豆異黃酮  

算是一道健康食品

不過 

雖然吃起來很滋味,但一眼就能看出,還有很多進步空間

底部不夠鬆,頂部甩得不好

我要繼續努力

 

豆渣美食研發項目 (三) 高鑯低糖豆渣雪芳

第一次試驗日期:2007 年 8 月 27 日

20070920 按:經過無數次測試,發現呢個食譜係 work 的

  如果要個蛋糕做得好,就要練好打蛋白和甩模的功夫了

 

材料 (8 寸/ 20cm 中空模一個,高度 8 cm)  

低筋麵粉 100 g

泡打粉 2 茶匙

豆渣 50 克

蛋黃 4 個  (我用的蛋是連殼 60 克的大小)

糖 (A) 75 克

淡味植物油 50 克

熱水 80 克

呍呢嗱香油 2-3 滴 (如無可以唔加)

蛋白 5 個

糖 (B) 50 克

檸檬汁 幾滴 (幫助蛋白打發,但我費時開個檸檬,所以用了幾滴白醋) 

 

做法:

(1) 焗爐預熱 180 度

(2) 將低筋麵粉 + 泡打粉混合篩好。聽說篩多幾次會有助增加空氣含量。

(3) 蛋黃 + 糖 (A) 拌勻但不用打發。加入稍微放涼的熱水、然後加入豆渣、植物油及呍呢嗱香油。

(4) 將篩好的粉類加入,輕手拌勻,備用

(5) 蛋白 + 檸檬汁/ 白醋 + 半份糖 (B) 打發,然後加入其餘的糖,打至蛋白挺立

(6) 將三分一的蛋白霜倒入麵糊裡拌勻,然後將其餘蛋白霜加入,用切拌法輕手快速拌勻

(7) 將麵糊倒入模中,以 180 度焗 40 分鐘

(8) 焗好後即時拿出來倒扣放涼 (約 2 小時)

 

*** 下次要改善的地方:要由頂到底都咁鬆軟 + 要甩得靚o的,唔好一岩一忽!

昨晚剛看到冬菇說的要訣,就係要將蛋白打到好似花倫同學個髮型一樣,又學到野啦!下次要試下!

 

 

 

 

 

 

Linkwithin

你可能對以下文章有興趣: