2007年7月6日 星期五

貪玩 x 貪食

貪玩的,是笨 B 爸爸 ~

話說樓下的業主新買了 Wii,這兩晚笨 B 爸爸一放工就飛左落去玩,玩到唔識得返屋企食飯,要我嗌幾廿勻先肯上番來

(好在,多得現代通訊發逹,我係打奪命追魂 call,唔駛擘大喉嚨向樓下大嗌「衰仔 ~~~ 仲唔返屋企食飯?!!」
)   佢,家陣又落左去玩啦! 

 

貪食的,是笨 B 媽媽 ~

前陣子和小魚兒食盆菜時望到人地棵龍眼樹,我就口多多話如果屋企有果樹,有得摘來食就好啦 ~ 小魚兒就話我知佢舊居有棵黃皮好正,得閒就摘o的畀我試下 ~ 轉個頭,佢已經摘左畀我了!感動-ed!

 

唔食由自可,一食 ... 簡直一發不能收拾 !我年年都買黃皮食,但從來係未食過唔酸唔澀、咁香咁甜o既黃皮架!  簡直令我對黃皮

完全改觀!(我以為黃皮的特性就是又酸又澀
 我只是貪佢陣香味才買來吃的) 原來 ...
天下間係有咁好味的黃皮的
!!!

 

我起初以為元朗o的黃皮係特別「正」的,第二日仲走出去元朗市搵o的踎在街邊的阿婆買 (佢地通常賣自己農作物) 揀左一檔個樣同小魚兒呢批差唔多的,但點知結果都係又酸又澀

 

念念不忘這種美味,唯有打畀小魚兒問佢呢o的黃皮有冇得賣 ... 可惜,答案係「冇」o既!  小魚兒見我鍾意食到流晒口水咁,就將雪櫃裡的存貨送埋畀我 ~ 攪到我幾鬼唔好意思呀  ...

(小魚兒:我覺得你係冇食到而畀晒我架
!如果唔係邊得o黎咁大包啊?!  你唔好咁縱我啦 ~~~ ) 

呢o的黃皮,除左「非一般」地香甜以外,o的果核仲比普通黃皮少添架!普通黃皮通常一顆有 3-4 粒核,基本上冇咩肉食  但小魚兒畀我呢o的,一顆只有 1-2 粒核架o乍!o的果肉非常飽滿!好滿足 ~~~

 

我留起左o的特別大粒的果核,諗住自己發下芽試下種呀!雖然我知道用盆種係種唔得大棵,不過種左先算啦 ~ 或者到佢長大成樹時,我地會有錢買個花園o黎種呢 (發夢中)? 


 

後記:

為左避免大家以為我唔合群,我家陣要落去加入戰團啦!留言 ... 遲o的覆啦   嘻嘻 ...

 


 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: