2007年7月5日 星期四

good try!

自從年初二去宮 auntie 家吃過佢親手包的餃子之後,我一直念念不忘要學包餃子 (因為我覺得識得成隻餃子包出來,是一件好有型的事

)!不過宮 auntie 超忙,約左佢好耐都未攪得成,所以唯有打天才波喇!

事緣係因為o係房太屋企攞左o的田裡即摘的韭菜,記起我的愛人話過鍾意食韭菜豬肉餃  ~ 咁就去左中都國貨o個間惠康買免治豬肉喇 (嘩,家陣o的豬肉貴左好多,$25.90 一斤呀?尚記得當年兩大超市大戰時才 $19 一斤 ) 不過因為天氣太熱了,都係o係超市買豬肉穩陣o的 ~

嘻嘻,因為第一次自己搓餃子皮,好狼狽呢  ~ 塊餃子皮碌來碌去都唔成圓形o既?冇緊要,包左唔覺 ... 呵呵呵 ...

Suppose 可造 30 隻餃子的麵糰份量,我只做出 22 隻 ... 大家可以想像,我的餃子皮多厚   不過,「奄尖 Sir」 笨 B 爸爸今次冇「狠狠地踐踏我的作品」,仲話係

GOOD TRY 添呀!yeeeaaaahhhh!親愛的,我會繼續努力架啦!

嘻嘻 ... 超級無敵大隻的餃子 ...

我就是在新元中的台灣書展裡買左呢本書 (才 $35,抵!) 所以膽粗粗自己整架o乍

同場加映:

另外一斤韭菜的下落 --- 炒豬頸肉 --- 超正呀!房太o的韭菜真係好幼嫩,炒兩炒已經熟,好滑又冇渣呀!我諗我地下次都食唔番街市o個o的大大條鞋烚烚韭菜咯





沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: