2007年7月3日 星期二

今年的七一很熱鬧!

感謝好姊妹山渣和糖糖為我召集左呢個聚會,令我今年的七一過得很熱鬧

~

感謝各位好友們山長水遠地入來為我慶生,你們令我回想當年一起捱更抵夜但好開心的日子 ~

感謝陳師傅坐鎮,兼任大廚以及大公關,令一眾好友樂而忘返 ~

最後,感謝各位 blog 友們的生日祝福,承大家貴言,我全部心領晒  !呀,仲有你地o既耐性,卒之等到我寫呢篇七一報導!

 

【下圖】陳師傅私房手工麵 ~ 一睇就知係陳師傅個人包辦,因為條條粗幼一樣,勁靚呀!

【下圖】食起上來好似手打烏冬的口感 ~ 大家好難得食到架 (要陳師傅咁o岩o黎左我屋企先有得食)!

今次用左個 11 公升o既大煲來煮,勁誇張!不過今次落多左少少水 ...

【下圖】6.30 那天去大橋買唔到蠔仔,7.1 去同益街市再搵,yeah!畀我搵到!所以大家有福建蠔餅食!

【下圖】超惹味的薑葱炒蝦 ~ 大家連o的薑葱碎到食到一滴不漏,勁呀!

【下圖】在超市買的煙豬手 ~ 不過我切的話一定冇咁靚 ~ 呀 ... 呢幅圖o既重點,梗係右上角o個碟「陳師傅私房辣椒醬」喇!

【下圖】香到隔離街都聞到的私房辣魚蛋 ~ 不過陳師傅嫌元朗的魚蛋唔夠靚喎

(我已經分別去過大橋街市某檔好似好 good 的魚蛋 + 同益街市的 "打手" 魚蛋檔買,兩次佢都話唔好!仲有邊度o的魚蛋靚啊
...)

 

同場加映:我的生日禮物

都叫左朋友們唔好花錢買禮物,但佢地都仲係買左一大堆野來  ~ 你地真係好有心思 ... 又好有我心 ... 你地送畀我o既野,全部都係我鍾意又用得著的!多謝晒呀!我唔客氣啦!

 

(1) Jenny Bakery 曲奇/ 鳳梨卷

日前向朋友 P 提過 Jenny Bakery 好似好好食好多人買,不過我未食過 ~ 佢竟然在七一那天從粉嶺家老遠跑到銅鑼灣買了兩盒,再老遠跑來元朗我家 ..... 簡直 ..... 感動到無話可說 .....  

PY,你以後唔好咁啦
!如果你係男仔,我驚我會愛上你呀

(2) 朋友 P 剛去完泰國,還買了一大堆香料 + 林真香鹹魚畀我  

【下圖】朋友 L 送了一件令我眼前一亮的禮物  --- 是一個 treausre box,裡面有晶石和貝殼,散發著令人悠然神往的海洋氣息 --- 好 exotic 啊 !沒想到 Crabtree 有這個產品,所以很驚喜呀!!!立刻擺放在二樓黑色主調的客廁裡,很襯很香啊!個個見到都讚不絕口呢! 

多謝 L 送我這「everyday luxury」,你真明白我呢   (我是極喜歡的,但我從不會買,因為買完會畀人哦 !)

【下圖】朋友 R 是一位喜歡烹飪的朋友,每次見佢都有好野食的  ~ 今次她為我帶我新鮮出爐的士多啤梨果醬和杏仁朱古力曲奇餅,我吃不停口呀!真係好好食!多謝晒 ~

P.S. 慈 lu,多謝埋你個蒜蓉機,真係好好用架,你快o的試下!


【下圖】好姊妹糖糖「顧名思義」,是一個很 sweet 很會打扮的女孩子 ~ 我的首飾多數是她送的 (可能佢頂唔順我呢個中學二年級開始認識的朋友太不修篇幅  )   今次她選了一個很嬌俏的髮飾給我呢!


【下圖】好姊妹山渣是小學五年級認識的「老朋友」,佢同我一樣非常實用主義,同時都係一個好有經驗的美容師 ~ 我結婚o個時咁靚都係靠佢架o乍!

佢知我做左村姑之後經常日曬雨淋,所以特別揀左支佢用開好正o既防曬日霜畀我!真係好o岩用呀 !!!


 

後記:

 

寫左咁耐,都冇笨 B 爸爸份o既?!

冇錯 ... 一早話左架啦 ...   大家唔駛旨望有o的咩野驚喜喎 ~

不過,佢o個朝晨早起身「灑掃庭除」,又幫我洗晒o的碗,都算幾乖 ~

 

 










 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: