2007年7月20日 星期五

回憶的電車

上星期過了港島區一趟,順道回陳師傅家時,選擇了電車作代步工具

坐在通風良好的上層

在酷熱中還是很爽

下車時才付二元

更爽

從懂事開始,我都是西環原居民

直至拍拖後才多在九龍出沒

結婚後還晋身新界西村姑

世事往往出乎意料之外

吊詭 

 

沒變的是電車那純樸務實的運行方式

1904 年開始,每天從東至西、從西至東往來不息

從清早開到夜深、從寧靜開到繁華

默默跑著它那 30 公里的路

盡忠職守地挨點挨站

把絡繹不絕的搭客

輸送

 

電車,滿載了很多香港人的往事

我也曾是每天 240,000 人次之一

以前嫌它老土陳舊沒冷氣

現在竟懷念它那份閒適

我果然是

老了

後記:

原來電車的 $2 車資,已經是 10 年前定下的車資 (資料來源:香港電車公司網頁)

在一片百物騰貴中,電車真是便宜得可憐

相對地,其他交通工具真是貴的可怕

我明白投資講求回報,營運成本也很高

但如果回報是高層的驚人年薪

成本是廣告的大灑金錢

那就說不通了

 









































































電車收費年表
收費
年份成人學生小童長者
1904頭等:一角
三等:五仙
N/AN/AN/A
1936頭等:六仙
三等:三仙
N/AN/AN/A
1946頭等:二角
三等:一角
N/AN/AN/A
1975三角一角一角N/A
1981五角三角二角N/A
1983六角三角二角N/A
1990一元N/A五角N/A
1994*一元二角N/A六角六角
1997一元六角N/A八角八角
1998二元N/A一元一元

 

 

 

 

 


 

33 則留言:

  1. YEAH YAEH 又係我第一 ...

    回覆刪除
  2. 其實電車真係好抵架! 由頭搭到尾仲抵. 我都好鍾意搭叮叮架 .....

    回覆刪除
  3. 我以前o係hku讀書時都成日坐架! 我過親海都會坐下懷念下! 我阿爺後生時更加係電車司機!

    回覆刪除
  4. 莫非係電車懷念日??? 我又係post咗無耐咋~

    回覆刪除
  5. 我唔鐘意搭電車架 !!! 夏天太熱,lunch 要人肉三文治

    回覆刪除
  6. 康妮 ~.~ 婉婉:哈哈,呢期你捕實我個 blog 呀? 我好少由頭搭到尾,通常只作駁腳用途 (因西環冇地鐵,由小學等到而家嫁左搬走埋都未有!哼! ) Yee:哈哈,如果搭小輪過海再轉電車,真係夠懷舊o既配搭 好多遊客都鍾意! 卡奧:竟然如此?啊呵呵 ~ 我影呢張相時,其實係因為見到八達通顯示o個 $2,諗起家陣在大西北搭車咁貴,想借題發揮一下o乍!咁o岩又見到 yahoo 攪集體回憶,咪又湊下熱鬧囉 ! 小曲格格:係啊,人多時好熱架!但人少時坐,感覺舒服過坐巴士 ~

    回覆刪除
  7. 我都好鐘意電車果種感覺﹐有一期係上環番工﹐放工要OT﹐如果走o既時候想落銅鑼灣﹐我就會撘電車過去﹐係上層果陣涼風輕輕吹﹐真係好鬼正。 不過.... 宜家一係唔撘﹐撘親都係下晝仲鬼死咁多人﹐除在熱到昏昏欲睡之外都無咩其他感覺了。

    回覆刪除
  8. 你好呀。兩蚊,魚蛋都拮唔到一串。 曾經坐過電車由堅尼地城,到筲箕灣,成兩個鐘,抵成咁。 當然,坐樓上,吹吹風,至算得上享受。

    回覆刪除
  9. 我依家家住西環 , 電車真係好正 , 我好鐘意搭電車架 !

    回覆刪除
  10. siumak/豬仔包:係呀,夜晚搭係最爽o既!行得仲快過巴士呀! 平凡亦快樂:我最早的回憶是小童二角 ~ 家陣人人話時間即是金錢,所以雖然票價便宜,但反而少人搭了。可惜 ~

    回覆刪除
  11. 你張相好特別

    回覆刪除
  12. 我個日食飽飯咪就係大少奶送我上電車囉....... 我地2個少婦仲係條馬路到行成分鐘...場面幾驚人啊 個個場面都可以拍個廣告!

    回覆刪除
  13. 我至like夜晚同至愛搭 "叮叮" (不過要坐上層喎), 感覺巧浪漫耶

    回覆刪除
  14. Green Witch:多謝 其實冇技巧,只係用 picasa 整色整水 (有一個效果係焦點黑白) 冬菇:你地兩個拍天若有情呀? GG:yeah ~ 上層 is the best!不過最快畀人坐滿

    回覆刪除
  15. 多謝你0既介紹

    回覆刪除
  16. 我印像中我对上那次搭叮叮俾 $1.2!!

    回覆刪除
  17. 我覺得搭叮叮係好好feel事,可能因為無乜機會搭 每次搭都有唔同感覺! 無論早、午、晚搭都咁浪漫 不過如果要趕返工,我唔會選擇,避免無呢d感覺

    回覆刪除
  18. 以前在香港,因為天氣熱,會寧願坐MTR 現在居於外地,反而毎次回港,都要找機會坐電車,電車好經典,見証香港成長

    回覆刪除
  19. 斯洛 與 S王子2007年7月20日 下午4:52

    我都幾鍾意坐電車... 以前在北角住時, 落causeway bay或者太古, 都會坐電車

    回覆刪除
  20. momo: 我今天忘記給您回電呀!!明天。。 我同您一樣經歷了覺得電車老土,後來又覺得好懷舊好喜歡。。。而我呢重感覺比您來得更早呀 ~~ 證明我比您更老呢!!哈哈。。

    回覆刪除
  21. 冬天時回港搭叮叮好爽哦!

    回覆刪除
  22. 我就一向都係新界人呀!

    回覆刪除
  23. 我剛好相反,以前是九龍人,現在是香港人,以前住九龍的時候,過來香港就有點大郷理,因為電車的關係,和兩邊行車線唔興有欄杆欄住中間,個個人過馬都係打橫行又得,打掂又得,自己又唔係好清楚D方向,攪到好混亂咁,仲驚咗過海添!!!但而家住咗香港之後,又好鍾意住香港喇,好奇怪!!!!!

    回覆刪除
  24. 你好似寫緊詩咁!

    回覆刪除
  25. 原本我係九龍人,但係因為男朋友,我都搭多左電車。 電車真係又平又有情調0既交通工具~

    回覆刪除
  26. 我每次回港都一定要搭每一樣不同的交通工具來回憶昔日,尤其是天星小輪同電車,如果囡囝有同行,一定又講一輪想當年了,真是老了,小輪不再但我不會忘記。。 上次三月來港,還拉著老公拍一張舊電車(綠色)合照,佢覺得我有小小不對勁,哈哈哈哈

    回覆刪除
  27. 我就不嬲都係沙田村姑呢....$2真係抵到不得了。 以前喺銅鑼灣返工都會成日搭,不過宜家無LU... ,但係我成日都好想九龍同新界都有叮叮.....起碼宜家禁熱既天氣如果要去D近既地方都唔知行唔行好喇~

    回覆刪除
  28. 如果唔趕時間,搭電車絕對係一流

    回覆刪除
  29. 哈哈...電車一向是西環人的情意結嘛,即使已遷往"外地",情懷依舊不變。我也當了二十多年電車男,很明白這種感受。也許...我也老了...

    回覆刪除
  30. 我的寶貝金仔2007年7月25日 上午4:45

    由細到大都係九龍人, 搭電車既次數, 5隻手指數得晒呀

    回覆刪除
  31. yahoo最近有個my life my city比賽-- http://hk.promo.yahoo.com/mylifemycity/main.html 比賽結果居然令人驚訝!! 有很多照片都不乎合主題(此比賽的主題是將這五個主要帶出我們對香港的情感),但很多照片根本沒有寫出對 "香港"的情感郤入選了, 真有點懷疑此比賽的評審准則. 最可笑的事是香港盛事居然係搭掤得到入圍 !,試問搭掤與香港盛事有什麼關連? 還有, 有的人居然連續2,3張入選;相反有的人張張都不錯,寫出對香港的情感也不錯, 郤連一張入選機會都沒有! 此比賽是否公正則令人則疑全都俾yahoo自己人攞奬!! 所以, 大家請站起來,forward呢篇投訴, 讓yahoo明明確確正視這種事件!!!

    回覆刪除
  32. 點解咁多人話搭電車, 都說自己老啦! 可能係真的, 以前我嫌電車無冷氣又熱, 相反現在貪佢上落方便, 站又多, 大熱天時, 搭一兩個站電車無咁辛苦. 不過我真的老啦!

    回覆刪除
  33. 我由5毫搭到個二, 是我在hk的足跡

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: