2007年7月12日 星期四

開心小事排行榜

嘩哈哈哈 ~ 好開心呀

~

今日雖然熱到我混混沌沌 (開左冷氣都唔涼o個隻 !香港到底攪乜鬼 ...) 但係有三件事令我好開心!

嗱,排行有分先後架

開心事件第一位:今日笨 B 爸爸好溫柔咁同我講左一大輪野  
!呢件開心事一定要排第一位,因為 ... 我相信大家都估到個原因 --- 因為笨 B 爸爸通常講野都係冇尾音、仲成日窒到老婆紮紮跳架嘛!

講咩內容?唓唓 ~ 唔話畀你知 ~

 

開心事件第二位:我終於可以用番 broadband 啦!!!經歷左兩個月用唔到寛頻的日子,家陣感覺尤如重!返!人!間!!!(要激昂表情唔該
)

開心事件第三位:我救番支金錢樹枝啦
上次畀我論論盡盡咁整斷左,略盡人事咁將佢用水養住,原來係會生番根架!yeah!




36 則留言:

  1. 苯B媽媽,聽到你有三件開心事,我都開心埋一份﹗

    回覆刪除
  2. 哦~用水養植物, 原來會生根? 好, 我又試吓先~

    回覆刪除
  3. Hello, 請你過來歎絲襪奶茶呀!

    回覆刪除
  4. 唉 b爸真係吖. . . . . .

    回覆刪除
  5. Oh! GREAT! Congratulationssssssss! Esp for 開心事件第一位 !!!

    回覆刪除
  6. Angel:嘻嘻,小事三樁而已,不過學習小小事都開心,咁就會成日都好開心架啦! 貓仔:我估唔係種種植物都得 我見佢畀我整斷左咁慘,就姑且一試 Rose:好,轉頭過來飲 Fiona:知師妹莫若師姐也! v 姨:嘻嘻,沒有他平時的酷,那會特別感到溫柔的窩心呢 ... 呵呵呵 ... 肉麻

    回覆刪除
  7. 一日有三件開心事, 係咪好似食緊〝蛋〞咁呢~~~~

    回覆刪除
  8. 好耐都無見你第一原來是回到人間! 恭喜!

    回覆刪除
  9. 豆豆樂 vs 珍妮c2007年7月12日 下午4:34

    (Empty)

    回覆刪除
  10. 見到植物可以重生, 會好開心!

    回覆刪除
  11. 笨B媽, 好開心收到你留言得知你重返人間,恭喜!!恭喜!! 日後要多d見到你過黎呀! 我比較有興趣你第一件開心事,開心到咁感動添 係咪好震撼既先?

    回覆刪除
  12. 梗係新居風水好啦!

    回覆刪除
  13. 笨 B 爸爸同你講乜呀 今日好depress呀 講黎分享下等我開心下都好呀? 係咪唔洗你做 等你留向屋企做小奶奶呀?

    回覆刪除
  14. 咁你個 topic 係咪應該改咗佢呢??

    回覆刪除
  15. 好高興一朝早上網就見到你有開心三件事,連帶我開工心情都好D呀!的確可喜可賀!!

    回覆刪除
  16. 真高興& 開心呢 + 我上次篇 開心2件樹 已經係3個幾月之前既事啦 yeah 好開心笨B媽媽可以成日同我o地roger roger 啦~ 咁你識做啦 ......多d去我個場探我啦

    回覆刪除
  17. 笨B媽媽, 你要繼續搵水養住佢呀, 直到o的根有3cm以上先好落番泥呀......

    回覆刪除
  18. 笨B媽媽,我覺得3件事都係令人好振奮0既事喎!!!!!

    回覆刪除
  19. 呵呵, 第一件事好想知喎, b爸好溫柔, 嘩..... 乜事先?

    回覆刪除
  20. weiwei so happy ar.... congra for the 3 happy things.....

    回覆刪除
  21. 可用返broadband?? 太好啦.

    回覆刪除
  22. 黃夫人:哈哈,我想食真o既 ... kinder 出奇蛋唔該 ... 珍妮仔:如果冇之前o既日子,我都感受唔到用寛頻係咁 ... 爽 o既!!!果然,失去了時才最珍惜! 姬絲:yes!好似救番一條人命咁呀 蔡師奶:係呀,用 56k 時真係唔想周圍巡,因為每次都 load 到我發晒脾氣 我尋日「快速搜畫」過,你整左好多新野呀!我要刨番晒先得! Madame Pi:成你貴言啊 ~ KT:查實係無咩特別內容,只係佢見我咁沮喪 (尋日唔知係咪太熱,令我好沮喪) 就呵左我一輪咁囉!我都好希望做少奶奶,不過現階段大家尚且年青有能力,仲要努力賺錢嘛 Fiona:yes ma'am ~ 改左啦,係咪o岩 feel 好多 ~ 小胡子:wonderful ~ 我地互相以正能量感染對方 ~ 日日都要 keep 住咁開心啊! GG:哇哈哈,你呢期好勤力出 blog 哩! 睇番晒都有排睇呀! Mavis:多謝提點 ~ 我諗住不如就用水種佢喇!好似乾淨o的o既感覺 concon:呵呵,yes,開心就得啦! Sheena 媽:冇咩特別啊,只係因為佢好少可咁溫柔,所以要「作文以記之」 positive reinforcement 丫嘛,佢見到老婆我咁感動,下次都會識做 Angel n Devin:只要常懷感恩的心 (雖則我不是教徒),就會覺得每一樁小事都是值得高興 ~ minicorgie:一個字 --- 爽 !

    回覆刪除
  23. 苯B媽媽﹐想請問你我是否offended 了你甚麼而你deleted了我的留言呢﹖

    回覆刪除
  24. oh, sorry..原來胡塗的我留言在舊的post。 thousand apologiessssss!

    回覆刪除
  25. CK:呵呵,傻啦 ~~~ 除左賣廣告 & 惡意的留言外,其餘的留言,就算九唔搭八o既我都唔會 delete 架,頂多唔覆架o乍 答番你先 --- 花店老闆娘話我知金錢樹一個月才淋一次水啊 佢話呢種樹淋太多水會爛的 ~ 但我怕佢太乾,所以我兩個星期淋一次,so far so good 呀 ~

    回覆刪除
  26. 笨B媽媽 : 作為你既長期粉絲之一, 睇o左你個blog咁耐, 自自然然記學左你籠野啦 (所謂近B者B ma )......呢期讀完書free o左 d所以出blog率高o左law 仲有呀, 恭喜你重~~返~~人~~間啦, 我响地獄咁耐都巧想做番個人呢

    回覆刪除
  27. 呵呵呵。。 咁我就放心喇﹗

    回覆刪除
  28. 我諗最開心既,....就係重返人間....始終都係 寛頻 好~ 不過...我想八下..呀b爸同你講咩姐!!

    回覆刪除
  29. B媽:你係咪移民o左去馬拉呀)))))) ))))) , 你2個新背景好鬼似呀))))))) ))))))))

    回覆刪除
  30. ONonLOKlook 一家人:呵呵,只係一o的鎖碎事,只不過係佢換左個 tone o黎講,特別好聽o者 狗狗工人:啦啦 ~ 我都就快變成一個馬拉妹啦 ~ 日日咁曬法 ~ 愈o黎愈燶 呢o的相都係o係屋企 & 附近影架!難得重返人間,梗係玩下 yahoo blog o的新 function 喇 ~ 遲下搵到靚o的o既相再換 ~

    回覆刪除
  31. 出根喎!!!真係出根喎!!

    回覆刪除
  32. ooo... welcome back....^^

    回覆刪除
  33. Yeah! 我都"登" 妳開心

    回覆刪除
  34. 幸福小女人- Diana2007年7月14日 下午6:20

    你個傻婆... 生返條根都咁開心~~ 不過,, 懂得知足既人先會幸福!! 我知你一定好幸福!

    回覆刪除
  35. 笨b爸真係窩心,久唔久一次 才會珍惜啊,絕招。。。

    回覆刪除
  36. 最尾嗰幅圖的水滴去咗邊。係未覺得太嘈收埋咗XD

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: