2007年7月5日 星期四

蕃茄 BB 滿月

光陰飛逝、日月如梭,自從 6 月 5 號與長衫師姐首次見面,o的蕃茄 BB 搬入來笨宅o岩o岩好一個月啦!

做左一個月「奶媽」(我日日餵佢地飲 ... 洗米水架!) 都經歷左唔少擔驚受怕o既日子啊!8 盆共 16 棵幼苗之中,仲有 4 棵畀我攪到「釘」左!  冇計,我個露台實在太曬啦!曬到佢地傻晒,我後來先醒覺要將佢地匿埋o係冇咁曬的角落,兼早晚各淋一次水先救得番其餘o個o的o乍 ~

 

【6 月 25 日拍攝的照片】

呢盆全軍覆沒!

呢兩盆死剩一棵 ...

其餘o個o的奀挑鬼命 ...

西斜的威力太大,其餘植物都曬到傻晒,所以將佢地搬晒落地! 

呢四盆「助養」的蕃茄苗已於 6 月 30 日移交另一養母手上!

【7 月 4 日拍攝的照片】

經過一輪拯救,倖存的蕃茄 BB 情況沒有再「惡化」,仲開始長大添喎!善哉善哉!

呢兩盆繼續奀挑鬼命,不過算是強壯了!

哇哈哈!點解有盆薑?因陳師傅上個 weekend 見我廚房o的薑發芽,咪切左落o黎塞左落個盆度囉

其餘四盆又生得唔錯喎!o的葉大塊左幾多!



點解無啦啦有盆咁大o既 (右手邊)?咪就係房太畀我架囉 ~~~ 離開左泥土一個鐘之嘛,佢就軟瀨瀨,我返屋企即刻種番佢入盆,希望種得到啦!

左手邊o個邊係怕羞草,我原先以為怕羞草係野草,應該勁易種 ... 點知勁脆弱呀!曝曬了一天,就幾乎死掉 (我以為佢死左添呀,o的葉枯乾晒 !)  後來猛咁淋水佢先醒番o乍,不過都掉了一半的葉子  





後記:

o係房太度擔返o黎o個o的泥 ... 咪係用o黎移植呢o的蕃茄苗囉  ~ 因為陳師傅話o的用來食o既植物要用田裡的泥土先夠營養云云 (點解呢下?!落肥料唔得咩 ?)  但我未買工具 (屋企連鏟仔都冇支,o個日係搵手摷架o乍!整到幾污糟呀 ),所以仲未轉盆


沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: