2007年7月11日 星期三

20070711 - 鳴謝 K 先生

尋日係一個重要o既日子 - 2007 年 7 月 11 日,我地個小屋仔 Project 完滿結束o既大日子!我地上律師樓攪埋o的手續、簽埋按揭契,呢個歷時兩年的大 Project,終於可以「告一段落」

(當然,屋仔內部係會「持續發展」o既 ~ 我地仲有好多諗頭未實現 )!

 

算一算日子,我們當初是在 2005 年 7 月認識 K 先生 -

Kelvin 的,迄今剛好是兩周年
!雖然我在寫那接近一百篇的【小屋仔.大 Project】經常提到 K 先生,但在這重要的日子,當然要正式開 blog 鳴謝下佢喇!

 

如果大家有睇晒成個【小屋仔.大 Project】都知,認識 K 先生、買到呢間屋可真是一場緣份 。當初打電話給他時,已是睇樓睇到意興躝跚之際 ~ 我地仲開宗明義話畀佢聽我地睇左幾十個盤,可以睇o既都睇晒,應該冇咩盤會o岩

 

但難得佢非常有熱誠,不但好有耐性地帶我地睇左好多次樓、同我地分析各個盤的優劣之處,仲事事站在我地角度,畀好多中肯又細心o既意見我地!老實講,o係足足一年o既睇樓過程裡、大大話話跟過十幾個經紀,絕大部分都係心急想 closing deal 的,只有佢如此有耐性兼「抵得諗」,真係令人感動!

 

本來想幫 K 先生影張大頭靚仔相放上來,不過佢好怕醜唔肯上鏡!唯有在一些 site visit 舊照中摷張側面照頂住檔先 ~ 遲下我會攪番場「煞科宴」,睇下到時捉唔捉到佢影相先!嘿嘿嘿! 

 

最後,當然唔少得多謝埋大 K 先生 (K 先生的上司 - 

Ken)和 J 先生 (負責是次建築項目的 Project Manager - James) 啦!呢個 Project 咁成功,真係多得咁多位!

 

後記:

好多 blog 友睇完我的【小屋仔.大 Project】之後,都對村屋產生興趣,好想學我一樣,過下村姑生活云云 ~

由於留言眾多,未能一一回覆,所以我決定遲下寫一篇有關選購村屋的 blog 畀大家參考一下。因為從市區搬到郊區,在生活細節上有很多考慮;購買村屋也會比購買市區樓複雜一點;所以在睇樓之前務必仔細考量、做定功課,免得到時大失預算 ~

由於近日比較忙碌,我會 do my best 盡快出呢篇 blog!大家請密切留意啦!

 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: