2007年5月2日 星期三

勁好用的微力達地擦

我係一個對新產品有極大好奇心的八卦婆

... 特別是屋企用o既野,我都會忍唔住研究一大輪 ~ 相反地,笨 B 爸爸o係呢方面係一個「保守派」,成日質疑o的新產品好唔好用 ~ 於是乎,我就好似一個扭買玩具的小朋友,猛咁扭笨 B 爸爸畀我試新野

話說上星期我仲係用緊「阿信式抹地法」,抹到我條腰都伸唔直 ~ 點知,奄尖 Sir 尋日嫌唔夠乾淨 ...!

 (無疑,我冇可能扮阿信抹晒全屋o既地,所以我只係集中抹左特別污糟 & 有漬的位置
)  所以,尋日食 lunch 後我地就順手去左實惠,諗住買返支地拖勒!

竟然畀我睇到支咁新奇o既野 ~  應該係o岩o岩出,因為有 Promoter 在介紹 & 示範的 ~ 我一睇就覺得 good,因為可以「大刀闊斧」咁洗地,唔駛攞住支地拖捽下捽下咁,幾時先捽得完呀!笨 B 爸爸起初唔畀我買,話要買番普通一條條的地拖頭喎 ~ 當然,最後係我勝出,買左呢件「新玩具」返新屋玩啦!

 

笨 B 媽媽試用後感:非常 ... 之 good!好感動呀
~ 好快就抹完個大廳啦 ~ 爽!個桶勁好用,雙手唔駛掂到污糟水,壓幾下就擠乾晒,簡直係快靚正!

 

本來想o係實惠 or 兩大超市的網頁摷番產品照片畀大家睇 (因為我習慣搣招紙 ... ) 但竟然間間都未有啊 !我連個正式產品名都搵唔到呀!所以叫住佢做「地擦」先  ... 大家如果去買的話,就要留意下 $79.90 o個支至係啊!因為有支 $8x 的,但 Promoter 說是舊款,我亦覺得太闊冇咁好用!

話時話,個水桶要另外買的,唔記得左幾多錢啦 ... 我估又係幾十蚊咁喇

笨 B 爸爸 Video 示範 (sorry,洗地o個個唔係佢,只係佢嫌我自己一邊示範一邊拍片太痙攣,所以「懶好人」咁幫手o乍
)


53 則留言:

  1. 真係好想快d參觀你地既新居~~~

    回覆刪除
  2. 哈哈...好好用咁喎. 笨b爸最後都係屈服係你之下, 仲幫你手拍video添!

    回覆刪除
  3. B媽:我諗 你要多D迫笨B爸上天台晒晒,事關佢雙腳都有D光管 Feel.

    回覆刪除
  4. 笨b媽媽, 咦, 我都係用依隻地拖, 真係好好用! 不過我地冇要埋個桶, 實在太阻地方喇!!

    回覆刪除
  5. 咁塊布要唔要成日換? 有refill的嗎?

    回覆刪除
  6. 笨B爸爸用腳個下好型!!!!!!!!!!!!!!!!!!!!!!!!!

    回覆刪除
  7. 笨B 爸爸講嘢把聲好攪笑! 我唔知我塊地用唔用得,因為我啲地磚係麻石 (個面好 rough ga)!

    回覆刪除
  8. 你真是個知慳識儉的精明好主婦,笨B爸爸真有福啊! (笨B爸你收到嗎?恭喜你!)

    回覆刪除
  9. 係我地呢d師奶先會研究埋d咁既野, 但又真係幾good wor! 係呀, 苯b媽媽, 遲d你搬左入元沛朗行多d山啦, 好多好地方嫁 我尋日去左其中一個初級行山地點, 又易行又有野食, 啱晒你 http://hk.myblog.yahoo.com/ivy-ivan/article?mid=4484

    回覆刪除
  10. 依?點解個廳中間有兩個插蘇按左係地個度架?咁怪既?

    回覆刪除
  11. 笨爸好鬼搞笑呀!!! 完全配合您d 報道示範個地拖點用!!! 好一對合拍的笨b 爸爸同媽媽呀!!! 多謝您呢個推介,不過我知道kiki 呢個如同笨爸的傳統男人係唔會比我買既!哼,又唔係我拖地。。。算啦~~

    回覆刪除
  12. 各位:多謝大家的留言 ~ 呢幾日都好勞累,不過都睇晒大家的留言啦 錫錫 柑柑:與地拖道理相同,都係用殘左就換 (半年至一年,視乎殘o既程度 ) 咪咪吉:但個擠水功能好強啊!極好用! Fiona:我細妹住o個度都換左麻石地板,一個字 - 煩!簡直係要藍威寶 + 清潔刷大力「省」!洗四百幾尺地,好似要了我的老命 小倫:o個個位係放角几的,有電制 + 電話制各一。唔記得叫 J 先生做平面制,失策 Mrs Kwong:唔駛你洗地咁好?!kiki 真係愛你啦 ~

    回覆刪除
  13. 所以我工人拖地時咪要用好濕嘅地拖囉 (to decrease the friction ma...) ... 麻石靚就靚,清潔好煩!下次搬屋唔用 lor!

    回覆刪除
  14. 我屋企唔用地拖架, 不過我想問支地拖板會唔會好痴頭髮?

    回覆刪除
  15. 靚 B:其實佢同地拖差唔多,都係會黐頭鬆、會黐垃圾仔,所以都係要掃左地 or 吸左塵之後用好o的。不過相比起地拖一條條設計,我覺得呢款易清理o的 ~

    回覆刪除
  16. 好good wor, 等我又買番個用吓先

    回覆刪除
  17. b 媽~~ 你o既直擊報導好好呀~~ 如果 b 爸可以撐住支地拖棍凌空跳起轉個圈就正呀! 地下有污漬我會腳踩百潔布, 好似溜冰咁用腳擦, 修小腿 & 大脾肌肉呀~~~~

    回覆刪除
  18. 斯洛 與 S王子2007年5月2日 下午3:06

    唔知b媽有冇用過即棄地拖擦呢? 我地就係用緊尼d平身已經有消毒清潔液的地拖擦, 先用紙拖把掃左地, 再用地拖擦拖地... 拖完就將張濕濕的拖紙掉左佢, 咁就攪掂! 得o左!

    回覆刪除
  19. 你地2個笑死我喇!! 一個講一個跟住做....話轉左就轉左, 話大力d就大力d!! 話事話, 你又話用牙刷拖地既?

    回覆刪除
  20. 笨b媽媽 我唔用阿信抹地法好耐喇 因為我有個怪病 好怕啲毛巾痂頭髮 一看到一餅餅濕濕的頭髮我就會即時反胃 (而家講起都唔舒服呀!) 我次次洗完頭都要老公幫我執清浴櫃嘅頭髮架 咁你話我點能接受阿信式洗地呀! 所以我好早已經轉咗用地拖 我而家用緊嘅係海綿頭地拖 拉制就可以扭乾水 一沖水就可以沖走晒啲頭髮 簡直係為我而設呀 你下次黎俾你睇睇 唔錯架!

    回覆刪除
  21. 笨B爸爸, yeah~~~~~~~~~~~~~~ 仲會配合v/o做出相應動作

    回覆刪除
  22. 唔知點解, 覺得好似睇笑片咁~好搞鬼!!thanks~

    回覆刪除
  23. 倆位好努喎,重免費拍埋廣告!

    回覆刪除
  24. yiiiiiii!!! hmmm~~~~~ 我都可以買返把送俾mami用wo!!! 哈哈,當係其中一份mother's day既禮物都ok既!!! 等佢拖地輕鬆d~我幫佢拖又可以輕鬆d!! 哈哈,多謝笨b媽媽既好介紹!!!

    回覆刪除
  25. 隨video附送笨B爸爸美腿

    回覆刪除
  26. 苯B 媽, 可唔可以叫苯B爸同妳一齊來我屋企示範呢 ? hahahaha.... 講笑咋! 你們的示範很好

    回覆刪除
  27. 我覺得微力達產品一向不俗

    回覆刪除
  28. 露絲公關手記2007年5月2日 下午5:22

    你兩個好似賣藝咁,一個講、一個出動美腿示範『招式』,好攪笑呀 不過,查實笨B 爸爸講咗d咩呢?

    回覆刪除
  29. 幾個月前o既工展會,我咩都無買,就係買左枝粉紅色pro-logic化妝棉地拖,都ok啦,哩隻微力達我都想試下。村屋無咁大塵,你地有無定話每日都拖地,定污糟先拖o架??

    回覆刪除
  30. 之前我都用過類似的產品,但係中間果塊布成日跌出來,好難先夾實,而加我就用拖把,成舊厚海棉果D,好易壓D水出來,好用!

    回覆刪除
  31. i think 笨B爸爸 really wants us to see how hard he's working on the house project PS: 笨B爸爸, u've done a good job

    回覆刪除
  32. 我老公都係唔俾我買呢枝嘢, 話換'芯' (嗰塊布)貴喎

    回覆刪除
  33. 笨B媽媽﹐ 真係好好用呀﹐如果SARS果時出左呢個地拖﹐就唔駛拖到腰骨痛啦!!!

    回覆刪除
  34. 之前响花市見過類似的產品, 不過亞媽唔俾買, 佢prefer用traditional 嘅地拖 不過中間個嗰塊布要唔要換嫁 p.s. 條片睇得出笨B爸爸巧唔熟手呀

    回覆刪除
  35. 我比你地條片笑到差D係公司噴奶茶.

    回覆刪除
  36. 笨b爸爸真係好搞笑, 個180度拖頭旋轉示範勁搞笑 ... 最重要係幕後配音, haha ... 多謝笨b媽媽分享生活貼士

    回覆刪除
  37. 都好耐之前,好似係電視定雜誌見過有廣告,講到好好咁,我地行過實惠時就想買返枝,重有即埸示範添,咪睇下先買啦,點知果位示範呀姐雞手鴨腳,搞到枝地拖甩皮甩骨咁,老公見到就唔比買囉。

    回覆刪除
  38. 真係咁好用 得我去睇下先 買番支係home看下門口 不過我home都唔駛我抹地既

    回覆刪除
  39. 點解你地著住鞋拖地既??

    回覆刪除
  40. 你地兩個好專業a,一個講一個做,夾到暈。不過點解唔除鞋呀!

    回覆刪除
  41. 咦...真係好方便呀... 地拖連桶嗎?

    回覆刪除
  42. 嘩!真係一個 21 世紀 極偉大嘅發明新產品 ... 睇到我目定口呆 !

    回覆刪除
  43. 又真係好似幾得咁喎 但那塊綿有冇得換ga.同埋有冇話佢壽名有幾長呢?

    回覆刪除
  44. 黃夫人:你呢個方法 good 喎,可以練埋小腿,正! 斯洛:我冇用過呀,因為每次要丟一張好似好o徙咁啊 ... vanlily:未做到呢 part 呀 (刷磚罅丫嘛) 搬埋傢俬先喇 ... 小魚兒:有一次上 B&Q 時見到有個 Promoter 在示範,唔知係咪你o個隻呢?好呀,遲下上你屋企八下 皮 2:不是呀,明顯是 v/o 好辛苦地追緊 demonstrator o既動作 .. 維維學園:我慌淨係用文字,大家 get 唔到有幾好用丫嘛 活活女神:哇哈哈,我開番個笨 B 電視台都好喎,資訊性與娛樂並重呀 Cico:確係唔錯架,買支畀媽咪試下喇 ~ Yan Yan:係飛毛腿 ... Sviden 露絲陸:你包埋飛機票 + 食宿,我即刻飛過來 ~ 草菇老抽:我都覺得唔錯 ~ 露絲:佢好似話「乾晒啦!冇水滴落o黎啦」 佢把聲有少少懶散,因為佢覺得我好無聊 ... 圓碌碌:我要住落先知道大唔大塵呀 (因為我近路邊,可能多塵o的) ~ 梗係定期抹下好o的啦 ... 但都要睇下我有冇時間 & 有冇 energy 傑他他老伯:我都知你講邊款呀,我好耐之前都用過,覺得勁唔掂,好麻煩 ~ 呢款好好多 ~ penny:哇哈哈,我成日o係 blog 度頌讚佢,算係咁喇 Madame Pi:個芯 $27.90 (特價),個 Promoter 話一年先換一次喎 ~ 我就覺得都係視乎污糟 & 殘舊的程度喇 ~ 其實都唔算太貴,你o個度賣得好貴呀? 提子太太:家陣o的家庭用品愈出愈好用,真係師奶仔福音 GG:佢係冇我咁熟手啊 ~ 我洗完兩層樓 + 3 條樓梯,已經玩到好熟手啦 饅頭媽:哇哈哈!呢條竟然變左笑片,簡直始料不及呀 一朝早就令你咁高興,真係 good 呀 珍納:因為笨 B 爸爸冇耐性,所以我呢個配音員追得好辛苦呀 我成日扭買「新玩具」,畀我試到好用的,梗係要周圍唱喇,等笨 B 爸爸知道我幾咁好眼光丫嘛 小胡子:如果唔係 Promoter 示範,我地都唔係好識用,笨 B 爸爸就唔畀我買架啦 ~ 好在o個日o岩o岩有個識用o既 staff o係度o者 Mm & Jj:唔駛洗地真幸福啊 ~ 洗到我成身大汗呀 希莉莉:你個反應又誇得滯 冇咁新奇下話 不過確係幾好用又真,抵讚

    回覆刪除
  45. 村屋實大塵呀! 尤其係二、三樓.... 又矮,又唔似得地下有圍牆擋一擋~

    回覆刪除
  46. I have using it for a year la, its so good

    回覆刪除
  47. 你地真係超合拍呀!! →無敵二人組! 仲好似兩個大細路!

    回覆刪除
  48. 睇落真係唔錯喎~~

    回覆刪除
  49. 哈哈, 你地好搞鬼,仲拍埋video

    回覆刪除
  50. Petite poupee @安提比2007年5月12日 下午11:37

    This Mop is expensive in Italy, we used to have somehing similar at home. the cloth is expensive. I used a microfibre Cloth, and use a brush to push it.

    回覆刪除
  51. 嘩,勁好的介紹,仲有埋試範添..岩我用,因我都搬呀,同你一樣村屋..等我留意吓有冇先,多謝你呢個好介紹呀

    回覆刪除
  52. 笨B媽媽:這幾天初到貴境,看到你的食譜和大屋,大開眼界。見這個拖把很好用,今天立即買了一套。不過有少少問題,就是就算在那個桶大力擠十次,都不覺得很乾,用手按那塊毛巾還會滴水,這是正常的嗎?以前用手扭地拖都比這樣擠乾很多,尤其是拖把兩邊(因為壓下去的時候兩邊是不受力的)。不知道是不是我一向把地拖扭得太乾,應該濕少少拖地才更乾淨。還有的是,拖完地,拖把那塊毛巾很是否很久才會乾透呢?因為按它還會有水滴出來,還是我應該用完之後好像扭毛巾那樣把它扭乾才晾起來呢?

    回覆刪除
  53. 笨B媽媽:真感激你這樣快回覆。我知道不可盛太多水,我會盛到5字,離開擠乾器的底部還有一段距離。擠完水拖把是沒有水滴出來的,但如果用腳踩一下白色邊位,就會有一些水留在地上。本來這也沒有很大問題,只要拖地時不踩拖把就可以了。但拖完地乾了之後,會有一點點或者一行行的水跡在地上清楚可見。我家也是舖很淡黃色的大塊磁磚,跟你的大屋一樣,不知你有沒有這個情況?還有,請問你用什麼清潔劑來拖地的呢?以前我只用很淡的滴露,不久前看廣告買了新出的滴露地板清潔液,昨天按說明份量一用,完全「唔掂」,拖完「黐立立」,著拖鞋行起來「啫啫」聲,呀女踩到腳板底「黑mung mung」,要立即再用水拖幾次。今天會再試驗水漬情況。

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: