2007年5月1日 星期二

慶祝勞動節 - 做少兩個鐘咁多喇!

今日係勞動節,我地當然又去左新屋勞動喇

!不過今日無咁癲 ~ 冇朝十晚六啦 ... 朝十一晚五咁o者,做少兩個鐘喇!

 

今日o既主題係「裝天線」~ 話說大部分村屋同幾廿年前的唐樓一樣,都係要自己裝獨立天線的 (除非是大型屋苑,才有可能裝了公共天線) 我都未諗到呢 part,嬌俏黃夫人就飛奔出來話有套天線 & 放大器送畀我呀  又慳返幾百蚊,好開心 ~ 整啖先!  

 

下面有一大堆笨 B 爸爸的「性感肉照」,又係我偷影的  ~ 其實我 suppose 「目及」實佢做野,因為呢單係「危險工程」來的 ~ 見佢徒手爬上去天台屋仔,真係睇見都驚 !好似我呢o的「踎低起身見頭暈」o既人,一起身跌左落樓都似! 上面仲有水制,kick 親又係好大件事!一定會後空翻騰三周半跌落去 ...  大家若果不是經過長時間特別訓練的話 ... 都係畀錢人賺好了!免得嚇到老婆仔面珠登都冇肉呀

 

P.S. 今日又洗多次地 (因為笨 B 爸爸嫌唔夠乾淨!) o係實惠買左支新出的微力達地拖把,勁好用!發現左好用o既野真係令人感動,我遲o的又要介紹下先得
~

 

 

後記:村屋友們 --- 如果我想睇有線新知台,係咪要裝隻鑊啊?(我地實在太喜歡睇「樓盤傳真」啦 )  請指教 ~

61 則留言:

  1. 呀苯爸都幾"砌"得下wor ...

    回覆刪除
  2. 嘩!笨B爸爸簡直係新一代型男!身型好 fit wor ... 唔怪之得你成日偷影佢啦! BTW, 點解要裝天線?你哋果度收唔收到普通電視台?(咁你樓下果户點睇電視?) 有冇 Cable or Now??

    回覆刪除
  3. Ivy:哇哈哈 ~ 佢 ... 成日扮「勁」囉! 過後一定要我幫佢按摩番至得,否則都係腰酸背痛 ! Fiona:傻啦 ~ 而家的笨 B 爸爸冇可能和 fit 字拉上關係的了 ~ 因為佢o的腹肌已經「六神合體」兼「發揚光大」了 ~ 呢o的相係食 lunch 前影的,先冇咁脹o乍 ~

    回覆刪除
  4. 嘩 苯B爸爸好 勁 o波 ! (我指他セ都識做)

    回覆刪除
  5. 笨b爸爸好有型啊!!! 我又係同你一樣, 原地轉個圈都會頭暈嫁.....

    回覆刪除
  6. 哇哈哈.... 笨 b 爸爸最上企o架天台屋仔頭望地果張相有 d 似劉華 〝真永遠〞果 feel 呀~~~~~~~~~~ 唔好話我飛奔... 你地唔介意就得啦! 做乜唔影埋個大口仔呀? 你見唔見到佢宜家o都起左個大口呀?! 個放大器你唔識攪就打比我啦~ 我問番幫我整個師傅 (滅蟲先鋒陳師傅) (有 d 後悔今日無影報紙檔隻狗! 黃老爺後尾話我地兩個傻傻地~~~)

    回覆刪除
  7. 喂喂: 你個地係磚o黎o架呵... 用漂白水抹啦, 可以乸走 d 漬, 再用熱水過, 乾淨好多o架! 同埋呢...我o係教協買家品平好多呀~~ 下次約你上教協掃貨~~~ 維達地拖真係好用,用舊左換左個頭就得! 教協都有得賣~~

    回覆刪除
  8. 露絲陸:係啊,佢同陳師傅 (我阿爸) 一樣,好鬼鍾意 DIY 架 vanlily:我地都要補一補先得囉 黃夫人:簡直蝕左喇!至衰我一朝早借左部機畀笨 B 爸爸帶入新屋,否則我必定影呀!寄去壹仔 (佢 Book A 有個趣怪相片 session) 簡直可以攞獎呀 你快o的搵日再去影 ~

    回覆刪除
  9. 今日唔記得同你去食碗勁滑豆花、$1.5 酥皮蛋撻 先走添.... 你走寶!

    回覆刪除
  10. 黃夫人:漂磚罅唔駛逐條整架咩?(我以為要用綿花整成長條,沾漂白水撻在磚罅上漂架喎)

    回覆刪除
  11. 黃夫人:我 ....... 簡直要戒口喇!你唔覺我就快橕爆條褲咩? ...

    回覆刪除
  12. 駛乜用綿花咁浪費呀?! 用 d 舊衫 / 舊布毛 / 或者你抹完屋唔要果 d 布, 剪成一條條, 浸 d 漂白水, 乸完呢邊乸果邊嘛~ 呢個方法乸浴缸邊果 d 玻璃膠黑點都得,勁有效,又唔麻煩 (但一定要開稀喎~)

    回覆刪除
  13. 你都叫肥我點算呀?! 喂...話時話 點解 b 爸o係新屋做野都唔著拖鞋或者波鞋, 著對咁o既鞋, 真係成個裝修工人咁款喎~~~

    回覆刪除
  14. 係呀!要裝鑊,都係近兩年先有coverage,以前仲會係得少d台既選擇,而家好好多,第8台一定有!! 但要比$1,200裝鑊費呀! (我娘家在錦x路呀!)

    回覆刪除
  15. 笨b爸爸with藍天白雲o果堆相,令我諗起寶礦力d廣告  

    回覆刪除
  16. 車 ... 好過我 Hubby 啦!佢由無腹肌變全脂肚呀!Wei... 你好似未答晒我問你啲嘢 wor... 講起笨B爸爸就興奮得滯??

    回覆刪除
  17. 黃夫人:我有問過佢架,佢話唔換之嘛! 話時話,我都收埋唔少舊衫,可以攞出來大派用場了! 圓碌碌:咁 ... 型? .... 笨 B 爸爸一定好開心 活活女神:下 ... $1,200 裝鑊費 好貴哦 ~~~ Fiona:yeaa..... 人家一見到你的留言,就 revise 左內文啦

    回覆刪除
  18. 好似之前無線收費台做過 promote, 用佢地 18 個月就送埋隻鑊 + 安裝 隻鑊本身要 $3xxx, 果陣計落好似好抵, 不過我唔得閒睇電視所以無裝~ 仲有,黃老爺問你地複式係要用兩條天線定係一條天線攪掂晒兩層喎~~

    回覆刪除
  19. 黃夫人:我地都思考緊呢個問題 ... 因為屋仔上有三卷天線!要問一問 J 先生先 ... 我明顯上鍾意上網多過睇電視喇!所以我都應該唔會畀錢裝收費電視架咯

    回覆刪除
  20. 三卷天線? 咁佢可能係幫你每層獨立天線喇! 咁你可能要再買一條天線~ 如果早 D 醒起, 可以叫佢二、三樓兩條天線共用左佢~~~

    回覆刪除
  21. 笨b爸爸真係好危險wor, 又無做安全措施

    回覆刪除
  22. 草菇老抽:咪係囉!睇到我丫 ... 我心血少呀 黃夫人:唔知佢係 spare 用定係真係分左層呢? 人家擺明係複式嘛 ... 如果天線分左層係咪有o的無聊哩....

    回覆刪除
  23. 笨b媽媽 b爸唔做安全措施 真係危險咗啲喎 你叫佢去買返啲安全繩喇 意外嘅嘢好難講架 老公而家上天台擒高擒低都用安全繩架 有保障嘛!

    回覆刪除
  24. 因為都係係藍天白雲之下露好多肉and流好多汗 笨b爸爸著泳褲的話可能更似

    回覆刪除
  25. 唔記得講 我地自從正式搬入黎後 老公就把全層的電視天線歸一 咁天線有咩問題嘅話 我地都會即刻知道同修理 避免樓下兩家有任何藉口上天台 你地都考慮吓!

    回覆刪除
  26. 笨B媽媽﹕高空工作真係要戴安全繩架,戴左做野都放心啲啦﹗ 意外既野,唔怕一萬,致怕萬一嘛﹗睇電視講,今日有成三十度,有一些戶外活動的人士都中暑入了醫院,你揀今日去按天線,想幫笨b爸爸谷桑拿呀?

    回覆刪除
  27. 笨B媽媽﹕話時話,你將笨b爸爸既半裸照片放上網,有冇事先得佢同意架? 佢有冇話你俾人睇蝕晒個老公呀? 你因住下次到呀笨b爸爸出手,將你啲夏天水著艷照放上佢個blog到喎﹗

    回覆刪除
  28. ok la, 笨b爸爸好fit, D相又冇中年的肚腩, 一定唔介意你放呢d相上blog! 不過有一張佢企到天台好邊緣, 睇落好"牙煙"

    回覆刪除
  29. 巧man的笨B爸爸 p.s. 佢巧似收o左身喎

    回覆刪除
  30. 0下!!您已經去攞左重裝埋啦 ~~~ 您又話唔等用既。。。。。比您激親。。。

    回覆刪除
  31. Ms Kwong: b 媽的而且確係唔等用條天線, 佢個電視都未送黎.... 佢急於黎見我唧嘛~~~

    回覆刪除
  32. 黃夫人:呵呵。。。我都覺得事有蹺蹊。。事關都未見b媽講有關“購買電視”的報道。。。我估b 媽應該都係趕入去會下您。。。順道test 下架6XK 順唔順暢。。。

    回覆刪除
  33. 笨b爸爸好fit好劉华feel呀~~~

    回覆刪除
  34. 笨 B 爸爸好鬼型仔呀!

    回覆刪除
  35. d 留言好搞也, 唔知苯b 爸爸自己點看? 苯b 爸爸追求完美, 所以自己整下 雖然好辛苦,但是看到自己整好曬, 你地2個應該開心都飛起啦( 或者累倒lui 低 "説笑")

    回覆刪除
  36. 高價回收舊冷氣http://hk.geocities.com/hang_kong/

    回覆刪除
  37. 當日我地裝天線又係有咁嘅情形,我担心老公又爬埋上間屋仔度睇下有咩幫手,先發現自己原來咁怕高,真係嚇到腳都軟埋呀!企都唔敢企起身呀!

    回覆刪除
  38. Mrs Kwong: b 媽真係試下架 64k 係點... 佢昨天追巴士個樣我仲歷歷在目 都話左比佢聽 64k 密過的士仲要追~~~ 轉過頭就send sms 話我知有幾多人搭... 唔夠兩分鐘就直擊報導佢已經入左錦上路... 黃老爺o係側邊笑我地兩個好似o係度 msn 緊~

    回覆刪除
  39. 有線要裝隻細碟在屋頂再在屋內加接受器,不知你們有沒有預留洞位穿cable, 否則要鑽穿牆又見明喉啊! 月費要簽約18個月,都幾貴,而且開始不太多特別節目看了。 我現在用cable TV, 但新居便打算轉 NOW TV, 我兒子說比較方便又多選擇,很多cable 有的,NOW都有。

    回覆刪除
  40. 我地睇有線好貴架, 要裝鑊唔平架, 我地而家影緊 now tv, 平好多, 百零蚊, 我諗你會放棄唔睇有線囉 ~~~ 我地最近都換左放大器, 原來前排落大雨浸壞左, 有時影電視會突然間花晒 ~~~

    回覆刪除
  41. 各位:你地o的留言真係好鬼正,睇得我地好開心 ~ 唔怪得知笨 B 爸爸咁鍾意上我 blog 喇!我懷疑佢唔係睇我o的文,而係睇你地o的留言呀 !

    回覆刪除
  42. 小魚兒:你個方法好 good 喎!等我叫笨 B 爸爸諗諗佢先! 小倫:放心,我唔會有水著照擺得到上來的 ... 因為笨 B 爸爸話我太肥,連影都唔想影 Mrs Kwong:係呀,我真係諗住入去會一會黃夫人架!佢咁嬌俏 ~

    回覆刪除
  43. 笨B媽媽:我 glance through 完啲留言有以下 conclusions: (1) 笨爸勁 fit ... 之前唔 fit 都變咗好 fit (因為整新屋啲嘢),而且晒咗咁耐,膚色會好充滿陽光氣色 (wei ... 有冇幫佢塗太陽油 ga??); (2) 高空工作要用安全繩:話時話,以後笨B爸爸都有機會再爬上去整嘢 (我估如果太風得滯吹郁咗條天線係咪有機會要再爬上去整?你部電視都未番 。。。。 可能 tune 台時佢又要爬上去 wor ... ) 你係下面佢都只係一個 reactive approach,proactive 啲好 wor,條繩幾貴都要買啦; (你睇你啲 blogger 幾咁關心你 & 笨爸); (3) 天台有三組天線 。。。。我估你個裝修師傅係 prepare 你層樓將來有萬分之一嘅機會分層出售啩 。。。。 (4) 你咁識塔 64K,咁以後你都好容易嚟大埔探埋我啦!(好開心,原來黃夫人都係大埔友) 我車你去東記 and 龍珊行吓囉

    回覆刪除
  44. Hahhaaaaa.... 苯爸 is very cool! We are moving next Sat, how about you? Packing really gives me BIG headache

    回覆刪除
  45. Fiona:哇哈哈,原來你都鍾意睇我o的留言架 ~ 真係好鬼正架! 同你o個邊一樣,我呢邊o的 blog 友都興留一大段文字畀我睇的,無論是吹水或建議都會寫一大堆,仲經常自行搭訕添架 ~ 所以我每次睇留言都睇好耐,仲成日翻睇舊留言添呀 ... 我對眼真係好忙 係喇,我諗我都要盡快買條勁o既安全繩先!我呢個老公仔成日周圍擒 (佢實在係咪一隻馬騮仔先真 ?)

    回覆刪除
  46. 嘩, 好勁! 完全係力的表現!!! 好man啊 !

    回覆刪除
  47. Yai! A bloggers house warming party! I love to live in a "village house" too, so spacious!!! Hey, build a mini playground for your 笨B, 笨C, 笨D... la! They are so lucky to have that much space!! My flat is going to be smaller than my current flat, but it is much closer to work (I can see my monkeys more even if I have to OT like crazy), so we have to sacrifice some space

    回覆刪除
  48. 笨B媽媽, 有好嘢介紹你依個麻辣太朗呀~~~ http://hk.myblog.yahoo.com/mimi-goodstuff/article?mid=1682&prev=-1&next=1662

    回覆刪除
  49. (私人回應) 笨b媽﹕我呢個老公仔成日周圍擒 (佢實在係咪一隻馬騮仔先真 ?) 小倫答﹕唔係,你老公仔以為自己係一隻曉飛既雞﹗ 哇哈哈

    回覆刪除
  50. 笨B媽媽:我無你咁攰 (對眼),我都係狂摷番 Mrs Kwong 同你畀我嘅回應之嘛!

    回覆刪除
  51. woo..笨B爸好MAN呀... 整天線真係要好小心... 勞動節原來真係要勞動O既呢...

    回覆刪除
  52. 嘩∼條天線好長WOR∼樓盤傳真我都有睇呀∼∼

    回覆刪除
  53. 笨b爸爸好 MAN ARR........

    回覆刪除
  54. 好有沙灘feel.... 加頂太陽帽好d bor hehe

    回覆刪除
  55. 嘩 魚骨呢尾野都好內冇玩過,記得細個果時老爸叫笨B爸和我上大廈天台(舊樓都有十層以上)架設呢飛野 ,如果唔係而家都唔識,不過我諗烈日 下一個人整,都幾係野,笨B媽媽你有冇幫佢手啊

    回覆刪除
  56. 露絲公關手記2007年5月2日 下午5:14

    好Man 的笨B爸呀 ,你放咁多肉照上BLOG俾我地睇『蝕』哂喇

    回覆刪除
  57. 笨B媽媽, 你可唔可以再比d公仔既website我呀. 謝謝!

    回覆刪除
  58. 小米:你睇呢篇 blog 丫 ---> 表情公仔

    回覆刪除
  59. 笨b baba真係好man喎呵呵! 露兩點都唔打格! 哈哈! 笨b mama你係咪用picasa2整第1果張相架, 點解可以show到禁多張相出黎, 我用Picasa咁樣整7張相, 出到黎卻只見到頭3張d人樣.

    回覆刪除
  60. 有肉照睇, 不過, 比你咁搞搞, 睇得唔係好清楚wall

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: