2007年5月30日 星期三

一閃一閃小星星

o黎睇埋o黎睇

大家睇唔睇到呀?好多星星呀
… 

睇唔到?唔好咁啦
 
我影左兩晚架啦!每晚影幾廿張,只揀到一張出o黎架o乍!(無計,我部係普通 DC,基本上係冇乜可能影到星空的!)

呢兩晚天氣都好好,個天好清好靚

 ~
呢區又比較少燈,所以可以好清楚見到一粒粒
o既星星!已經好耐冇見過咁廣闊o既天空、好耐冇見咁多星星啦
!咁大個女,只係細個
o
係太空館o既天幕影院、大個去大嶼山宿營先見過o ~ 估唔到而家可以o係屋企欣賞 ~ 感覺好幸福啊
 ~

我想,我會慢慢愛上觀星 ~

 

【下圖】好光o個個係月亮 ~ 周圍一點點「超微細粉末」就係星星 ...



【勁方便】搬屋記得申請 --- 郵政轉遞服務



搬屋最麻煩的事,除了罰抄自己個名 100 次之外,仲有就係改 mailing address

但,呢樣亦係無可避免的 ... 淨係呢o的雜務,都做到你傻呀

 

當然,就算你好快手地改晒o mailing address,都難免有些公司係會改漏的

、或是行動好遲緩的
  所以,始終都有要返舊屋收下信

 

好在,朋友 P 提醒我,郵政署有個好好的便民服務 --- 就係「郵件轉遞服務」啦

   佢地會將寄去舊居的信 filter 出來,然後貼上新居的地址 label 再轉遞來新居。3 個月的服務只係需要 $100,就可以好便利地,安坐新居收信啦!真係冇得頂呀

 

P.S. 小時候對郵政署的服務不甚了了,仲有幾次激氣經驗;但今時今日私營化以後,o的服務態度好左五百倍呀

!又係冇得頂!抵讚!
    特別想讚下熱線服務的黃小姐以及元朗區的分區督察陳先生 ~ o個排有野查詢,佢地好有禮貌又好快速,勁 good

 

【下圖】呢份表格可以o係郵政局取得。申請要五個工作天。

【下圖】從郵政署網頁抄來的服務內容簡介

2007年5月29日 星期二

超鍾意的入伙禮物 - 鳴謝好友 KR 伉儷

好友 K+R 超錫我,幾個月前已開始追問我要甚麼禮物慶祝入伙   其實我並不想朋友們破費,所以一直推說甚麼都有啦 ~ 只是,K 一直揳而不捨,說一定要買一樣東西給我留念 ~

 

知道 K 的為人「不到黃河心不死」,我就算不要,她也一定會和丈夫 R 去買一件東西給我的   那我只好叫她留意下我 blog 裡提過甚麼想要又未買的東西哪 ...  

 

呵呵 ~ 她選的東西果然兼具實用價值和紀念價值 --- 就是高速煲啦 !呢o的煲咁實淨,用幾廿年都應該冇問題,話唔定可以畀笨 C 做嫁妝添呀  

 

我最欣賞是 K 和 R 那份細心,只是買一件入伙禮物,他們也特地花時間在百貨公司裡研究晒所有高速煲牌子,睇下邊隻最安全最易用,然後挑了這款他們認為是最好的畀我 (因為佢地知我第一次用高速煲)  

 

多謝 K+R !我會努力做個好太太架啦!

【上圖】嘩,本說明書厚到呢 ...    嚇親!原來包含了十多種語言,淨係睇英文,都係幾廿頁 ... o者


 

罰你抄自己個名 100 次丫嗱 ...

即係咁 ... 我讀書咁多年,都未畀老師罰過抄自己個名o既 ...

 

點知,今時今日,竟然要罰抄 ...    雖則冇 100 次,但都有 10 幾次咯!   仲要罰抄埋電話地址 email! 好多字要寫呀 ~~~~~ 打得字多,要我手寫咁多字,好倦架!

 

雖則部分電器可以網上登記保用,但家陣 load 網頁比罰抄更令人沮喪,都係手寫算啦!


你地開會定係食飯呀?


我媽 (陳師奶) 第一次來我家,二話不說,第一句就講:「嘩,你地張飯檯咁大o既?好似會議室咁o既?」   一睇,又確係幾似喎 ...  

 

呢期個樣仲似,因為o的戶外椅仲未搬上天台,擺晒o係個飯廳度,攪到我個飯廳變左十人會議廳  

 

話時話,張檯咁大,攪到我地二人橕檯腳時,只可以「瑟縮一角」... 

尋晚的二人煮飯仔:

(1) 用高速煲煮的涼瓜排骨湯 --- 快靚正   今次加左鹹酸菜,果然更好味喎!

(2) 蝦仁炒蛋 --- 家陣鮮蝦係我雪櫃的「存倉精選」,每次出街市時,都會買一斤回來「責袋」

活生生的鮮蝦買回來後就塞入冰格,可以分兩餐食,急凍後的蝦易剝殼之餘,仲係鮮味十足架!

(3) 清炒紹菜 --- 爆香瑤柱仔和蝦仁,再加入紹菜燜煮一會,只要加少少鹽調味,已經好 good!


(4) 當然少不了我至愛的美味紅米飯

(5) 紫背天葵凍飲 --- 用新買的紫背天葵煲的,咦喂,藥材店婆婆確係靠得住喎!佢叫我買呢隻貴少少的,確係濃o的襟煲o的! 

同場加映:瑟縮一角的檯

笨 B 爸爸說:冇計啦!你重又唔係好重,只係太「呀o乍」,所以同媽媽抬你上樓梯太辛苦了!下次有壯丁叔叔來時,先再搬你上天台啦!乖 ~






Linkwithin

你可能對以下文章有興趣: