2007年4月18日 星期三

【私人網誌】Temporary 全職摩師奶-ing

【私人網誌】

 

抄左露絲o個句 --- 不說不說還須說

 

本來我冇諗住o係 blog 講呢件事,一來諗住係過渡性、短時期的;二來因為無啦啦有滋事份子出現,令我驚覺講得太多私人野唔係幾好 ...

 

但而家 Yahoo Blog 多左呢個【私人網誌】 function,咁我就可以暢所欲言啦 ~ 你地係一班好關心我兼且我好信任的 blog 友,我亦已將你地當係真實朋友看待 ,所以我希望可以透過私人網誌同你地傾下心事 ~

 

我最近開始了我的「暫時性全職摩師奶」生活 (因為我的英文名是 Molly,所以朋友暱稱我做「摩」)  以前係摩小姐,而家嫁左,就升級做摩師奶了   

 

這個改變,雖然有點預料得到,但來到時還是覺得有點無奈的  ~ 就是公司重整架構,把整個 department 鏟掉 ~  因為這個 department 是上年新擴充的,所以要鏟掉是輕而易舉的事,同事們亦一早有了心理準備 ~ 覺得有點可惜,因為難得找到一份蠻有興趣的工作、而老闆同事關係又好 ~ 但始終 Business is Business, and it all comes down to numbers ~ 在那時的情況下,我若是老闆,也會作出這個決定的 ...

 

沒有工作的日子,對我來說影響可是不大不小。影響大的,始終是少了一份收入;影響小的,是我從來就很安於做一個平凡小婦人。我從來都不很重視金錢或物質,所以節節儉儉地,日子也還可以過得優哉悠哉的。發生這件事,也正好給我更多時間去弄搬屋的事,所以我也沒有抱怨太多。

 

不過,我始終還算年青,也讀了好些書,不工作好像有點浪費的。所以,我也不打算立即退隱做 Permanent Full-time Mo-C-9,正如我說,這是過渡性的。 That's why 我還沒有周圍報導。

 

你們當中,有些若是認識我家中老人家的,請暫時不要跟他們說呢 。因為我有新計劃時,我自己會跟他們說的了 ~ 我是一個「報喜不報憂」的人,自己能處理的,我不希望令老人家擔心呢。Thank you ~

 

後記:

原來 Yahoo Blog 的私人網誌 function 是有漏洞的,大家如果用普通回應,是會給外人看到的 ... 所以大家要回應此 Blog 的話,請記得用「私人回應」啊

 

 

 

31 則留言:

  1. (私人回應) oh~ 對唔住﹗都係我衰口多多,踢爆左你添﹗ 不過既來之即安之,咁都好既,補返一筆,咁又可以等搬左屋之後定下來再搵工,都算唔錯丫﹗其實柳暗花明又一村,是好是壞,看君如何看待姐﹗ 咁你而家咪可以下午“麼麼”茶囉﹗

    回覆刪除
  2. (私人回應) 笨b媽媽﹕不過我發覺yahoo這個私人網誌function有漏動,就係這裡的回應,都會在回應欄看到,如果你啲朋友仔既回應冇用私人回應,咁樣其他人都可以在回應欄內看到回應的開頭, 咁都係會穿煲既 ,所以 我依啲美少女 都唔知點算好?

    回覆刪除
  3. (私人回應) 笨b媽﹕其實都係咁岩得咁橋,話說我食錯野又腸胃炎,要食粥,所以今日係咁“返煲”你既“粥品篇”,先會咁得閒成日佈住你個blog。早排忙到死,開了很多個通宵,現在成這幾天病假,好好休息一番咁啦,可以陪你做嘆麼麼茶咁囉。 係呀﹗我今日係朋友個blog見到依個B囡,佢個樣有啲似你(尤其第二張相),又係眉心好闊,你去睇下得唔得意?人地話“眉心闊既人,開心大快活”,所以我都唔擔心你。大家一齊俾心機努力啦﹗ http://hk.myblog.yahoo.com/blissful-memories/article?mid=1746

    回覆刪除
  4. 咁呢排不如你尊心諗下苯b同苯c既事罷啦 ... 唔好咁care! 其實Ivan早排都失業一輪, 當時我都幫佢刻意隱瞞, 到佢宜家有野做先同d老人家講佢轉左工! 我都好明白你既心情! 我自覺性格同你差唔多, 都係慳姑一名; 都係個句, 有咪洗多d, 冇都餓唔死 ...有工咪返, 冇咪當休息下law

    回覆刪除

  5. 笨 B 媽媽 ,

    有幸成為你的『舊街坊』和『網友』都覺得是一種緣份 ~ 好老土的開場白

    謝謝你的關心,幸好不是子宮有問題,否則那不斷的檢查和治療將會令怕羞的我百上加斤。詳情待專科確診後再私下話你知啦。

    我都面對你目前的『剷部門』,或因為人事鬥爭而即日通知解散,相信只有樂觀面對才能逃出陰霾 ~ 我相信以你咁樂觀的性格(從文中語氣可見),專心安排搬屋大小事項都是不錯的時機。

    期待跟你見證Dream House 的入伙,事業上的新發展與及笨B、笨C的來臨

    回覆刪除
  6. 唔好意思, 我懶叻打完 1st 先見到 " .. 後記: 原來 Yahoo Blog 的私人網誌 function 是有漏洞的,大家如果用普通回應,是會給外人看到的 ... 所以大家要回應此 Blog 的話,請記得用「私人回應」啊

    回覆刪除
  7. 「暫時性全職摩師奶」?我好想做全職呀...

    回覆刪除
  8. 我o岩o岩都o係度諗, 點解你呢幾日咁得閒出咁多下午 post o架喇.... 希望你好快就可以搵到份開心的工作啦~

    回覆刪除
  9. 老人家不知道, 由你自己說好了. 我05年6月離開迅德後, 也悠了2個多月, 就當是另一次悠長假期啦! 有時覺得那是天意安排, 那2個月好忙架, 忙屋企裝修買傢具. 但也發現齋留在家會令我發癲. 下一次再有悠長假期, 我要搬出去住啦!

    回覆刪除
  10. 其實我都經歷過這種大裁員的日子,由三年前開始,已裁走五份三人,至今還沒完沒了,每季管理層都要上報裁員名單,在這種氣氛下,工作氣氛很差,年資長又有家庭負擔的員工--正如我,走又不是,留又不是,如果真的輪到自己,我唯一希望就是走得瀟灑一點,千萬不要淚洒人前! 不過現在市況轉好了,搵工的難道大大降低,你年青,有經驗又有學歷,想再找到理想的工作,實在不成問題呢! 我就祝你盡快搵到好工,重要係一個月之後才要返工的,方便你搬埋屋呀!

    回覆刪除
  11. 你可以將此篇設為不設回應!

    回覆刪除
  12. Oh... ic ic... 咁你咪同我一樣 lor ... 唔怪之得你咁快回應我啦! 到今日為止我剛好做了半年 "temporary 簡師奶", 都差不多要揾工啦!希望揾份唔好咁辛苦嘅工啦!(之前果份係第17層地獄,揾到份第15層地獄 or above 我都 okay ga la!) 咁你咪集中好好攪搬屋嘅嘢囉,可惜我唔可以去你屋企 (唔知你可唔可以嚟我屋企??如果得你可以上嚟坐吓睇吓花玩吓狗,無記錯你好似鍾意狗 ga bor!)

    回覆刪除
  13. b媽 呢個私人網誌同一般網誌有咩分別呀? 係咪一定要yahoo友先睇到 定係你加咗入名單嘅人先睇到呀? 既然難得在搬屋時就到有"大假" 咁就好好善用喇 到搬完屋後 我相信你一定好快又搵到新工嘅!

    回覆刪除
  14. 嘻嘻!用手寫板都係 practice makes perfect 嘅!(不過有時啲字係認唔到 ga!) Agree agree.. 你問吓陳師傅都啱,我係 funeral home 畀我哋嘅殯儀備忘,有講到 "先人辭世 30-100日內,主家各人不宜參加結婚、壽辰或滿月飲宴,公司飲宴除外",所以我諗 House warming 都係唔好,我上次寫100日畀你,都係攞最大果個數!至於其他人嚟唔嚟得我屋企,就睇人哋啦!我都有朋友上咗嚟!

    回覆刪除
  15. (私) 私人回應係可以解決呢個漏洞, 但係就睇唔到其他blog友d回應, 妳知啦,有時其他人d回應好好笑架嘛﹗﹗ (注意,我唔係八﹗)

    回覆刪除
  16. 私人回應 就當是給自己一個假期吧!我也放了很長的假期哦!!!哈哈。。。而且現在還是放假中呢!! 平常工作忙,有很多人和事都可能會忽略,就利用這假期做一些以前上班沒有時間做但是又很想做的事情吧!! 以我為例,我以前沒有時間給我父母,不過後來我沒有上班就追囘了很多跟他們相處的時光。後來我爸爸過身了,我就很興幸我擁有了這個假期令我可以在他有生之年配他去這去那。 一個人其實有很多份職業的,做妻子,做女兒,做家姐,您現在就是少做了一份而已,那麽趁着多來的時間去把其餘的做得更好。

    回覆刪除
  17. 您們提醒了我,我暫時也不能到您家呢,因爲爸爸今年不在了~~ 不要緊還有很多機會呢!!

    回覆刪除
  18. 又係我第一!!!! 3點幾都可以第一呀~~~

    回覆刪除
  19. 笨b媽媽, 咦? 幾時嘅事呀?! 咁咪可以同大少奶+我搵日一齊去hea吓囉..... 其實一向都係working lady嘅你, 要全身而退去做全職C9仔, 慣唔慣呀? 起初我都好enjoy去做依個job(雖然我嘅full-time job都好似part-time job咁得閒), enjoy係因為自己可以控制所有時間, 又可以spare番d時間出黎讀書(仲有1年咋). 最緊要就係我鐘意瞓教!! 我係一個由細到大都要瞓起碼10個鐘嘅人~~ 但係... 唔知點解到咗依家, 好想好想搵番份正式工作! 成日覺得個個人都咁辛苦工作, 點解得我自己成日係屋企等飯食?! 仲要成日俾你話得閒, 講真, 真係有d唔開心架! 而且~~~ 依家教琴好難搵食喇! 同埋覺得咁辛苦讀埋個degree, 唔想徙咗, 想用黎搵多d錢, 去做好多好多嘢!! 好想開鋪頭, 好想搬大d, 好想幫輕龍少供樓嘅壓力, 好想一畢業就可以計劃生小朋友, 好想快d還哂grant loan, 好想俾d好日子陳生陳太...... 依家先發覺原來咩都係錢錢錢... 或者我依d天秤座太愛幻想喇! 所以, 依家不斷搵工(可惜都未有回音). 希望可以搵到啦! 但係, 以前成日迫我搵工嘅龍少, 到依家好似唔係好想我出番黎做嘢咁?! 不過, 為咗將來嘅生活, 冇辦法啦, 唯有不斷搵工&不斷搵新生啦! 不過, 若果你都諗住要小朋友, 就不如叠埋心水喇!!! 大家都要努力呀, 搬完屋就開始諗吓你想走嘅係邊條路啦, 無論點我都會支持.... 你唔住架!!!! 哇哈哈

    回覆刪除
  20. 春桔笨b媽~~ (原來係要私人回應先得...好彩你同我講姐~~) 學似你話齋, 你又學識又有經驗, 有機會其實真係要係年青時做想做的事!! 呢個話唔定係一個好機會~ 豐富你既人生!! (或者改變你既命運??!! haha) 第時仲有大把故仔同笨b笨c講啊~~ 加油~~ 永遠支持你的冬菇上

    回覆刪除
  21. 噢, 你要enjoy這段日子了. 雖然是被動, 但亦可好好享受. 我都想暫時性停一停, 奈何錢包冇$$, 而我一向2袖清風. 諗吓都有罪惡感. 反正要搬屋, 你咪有多啲時間去收拾同做新屋仔監督囉. 都算係一個機緣丫!

    回覆刪除
  22. (私) 笨B媽媽, 很開心妳把我當作自己人看待, 但若個個都用私人回應, 大家就只能跟妳一人交流了, 沒有了你八八、我八八的開心. 師奶一族其實不是人人能夠適應, 尤其是慣於工作的人; 有孩子而又喜歡帶孩子的除外, 希望妳快快找到工作, 要是他日有自家的孩子時, 也緊記要外出工作, 女人要經濟獨立, 這都是我踏過了的日子, 不想他人重覆.

    回覆刪除
  23. (私) 笨B 媽媽, 有辦法, 有乜家事、國事、天下事, 就去小倫度用私人網誌開, 妳個blog 太揚啦 ! 淨睇最新回應欄小小字都有排比人估. 如果小倫 copy & paste 妳篇日誌, 就可以放在她的私人家事篇內暢所欲言. 哈哈 ~

    回覆刪除
  24. Wei Wei.. 全職摩師奶 -ing, 我等咗成朝 (過咗嚟7次咁多)都唔見你 post 新 article 呀!我要落街啦 (就係買 white fence 之嘛!),要趁未番工,屋企要整嘅嘢快啲整! Hee Hee talk to you later!!

    回覆刪除
  25. 我覺得人生每一個時段上天都會安排好一條路比我地, 我係一個幾信命運安排既人, 既然工作有咁既轉變, 或是這是一個signal比你處理其他事情, 可能是一件好事呢, 往往人們以為這是一個終結, 可否想過是另一件事的開始? 所以, 摩師奶, 好好享受一下下午可以邊睇都市閒情, 邊un un腳打 blog既日子, 我都過左大半年, 工作一定要做, 因為生活才不至於太頹廢 , 有空就約下我地 high high tea, 最多請你啦 ~~~

    回覆刪除
  26. 笨b媽媽, 點解成日都唔見你msn架???

    回覆刪除
  27. (私人回應) 你今日飲左 (麼麼茶) 未? 上次在marblema 那裡話請你飲iced moca 的,所以上次去mc cafe,就叫了一杯iced moca俾你,平時我不飲凍的,just for you~

    回覆刪除
  28. (私人回應) 我冇百厭呀﹗杯凍mocha同麥當當係之前叫架,不過唔記得send 俾你之嘛﹗依幾日病左,都係食粥水炸。無辜辜俾人打pat pat﹗ 我係鋪頭唔會上網既 ,近來忙做報稅,係屋企做,所以可以keep住咁八卦人地啲blog咁囉。 疴到傻下傻下,邊到都唔洗去啦﹗

    回覆刪除
  29. (私人回應) 打pat pat 依啲咁sweet既野,都係留返俾笨b爸爸,唔好預我﹗ 仲有,雖然話打者愛也,之但係打得太多,真係笨B爸爸都變左笨d爸爸, 笨B笨C都俾你打到變左笨D, 所以哩,要適可而止。 我啲愛心接櫈都係得個樣架炸﹗

    回覆刪除
  30. 最重要, 就係有笨B爸爸對你既支持, 是嗎?

    回覆刪除
  31. 我唔識用你呢個function wor, 教吓我呀唔該 , 原來你暫時唔做事業型女性呀, 其實我覺得個timing好啱呀, 事關你都就搬啦, 你知啦, 搬屋好頭痛嫁嗎, 唔洗番工, 慢慢執靚間屋仲好啦, 我成日都幼想自己唔做野, 終日响屋企打理家頭細務嫁, 同你好似呀..哈哈, 如果搬屋上有咩野須要幫忙, 即管開聲喎, 我很樂意幫你嫁, 記得到時請我去你家坐坐喎, 有咩野新攪作呀?? 我都係喎, 又係諗緊關於工作上去留嘅問題, 如有機會見面詳談!

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: