2007年4月4日 星期三

安裝廚櫃 Day 1

由一雙「鋪晒塵兼發軟蹄的腿」o既主人笨 B 媽媽直擊報導 ~

 

紀先生果然好準時,我地 3 月 17 日才落訂單,尋日 (4 月 3 日) 已經將貨送到,砌左一日半就攪掂左我個廚房 + 2 個廁所櫃啦!今晚報導左 Day 1  o既進度先 ~

 

【下圖】成件事都由高妹及謝師傅主理 ~ 還是第一次遇到女仔師傅呢,勁啊!
 

【圖二】總共 15 件貨,由高妹及謝師傅合力抬上樓的!

【圖三】安裝 -ing

【圖四及五】正如之前畀大家睇的設計圖紙所示,我的廚櫃是 L 型的

【圖六】為了方便運輸,所以 L 型的枱面石不是整件來,是分開兩件、再現場接駁的。師傅說接駁很花時間也很花功夫,因為要做得不著痕跡才成啊!


【圖七】看他們又砌又駁又磨的,光是這一部分便弄了好幾小時 ~ 但出來的效果絕佳!不細心看,真的不知道曾經接駁過呢!(況且上面還會放上電磁煮食爐,所以更加不顯眼了)

 

後記:

因為明天要早起跟笨 B 爸爸去掃墓祭祖,所以今晚寫住咁多先!

 

畀個 IQ 題大家玩:







30 則留言:

  1. 用刀片“片走”啲膠同石屎?

    回覆刪除
  2. 小倫:唔係 --- 畀多個貼士,同「電」有關的

    回覆刪除
  3. 哈哈哈 ! 唔通笨爸試緊個手提收得清唔清 但無奶油喎 再諗諗先 B媽,估中有無獎o架

    回覆刪除
  4. 點解你摺起一隻褲腳咁傻妹仔既…嘻嘻

    回覆刪除
  5. 係咪係到打電話投訴師傅手工唔好呀 ??

    回覆刪除
  6. 用黎測電個啲野? 我唔記我個舊野叫埋啦.  呢個就係我地日後黎攬攬震嘅廚房.. yeah!

    回覆刪除
  7. 係唔係用黎check下個空間有幾大既machine? 我見過d教統局人用~~~^^

    回覆刪除
  8. 狗狗工人:唔係啦 ~ 同間屋有關的 今次準備不足,未有獎品 當係預習喇! Chloe:哈哈哈!其實我係摺兩邊架 (我對腳短呀 ) 但左邊的跌左落o黎 我去梳洗準備 ZzzZzz 了,明天要 6:45 am 起身哩 ... 明天再傾 minicorgie:近磅近磅 (個 purpose) ... 個廚房唔係好大,希望你地玩得盡情! Ivany:哇哈哈哈哈 ... 雖然笨 B 爸爸經常打電話同 J 先生「談心」,不過都不是投訴啦 ~ 跟進細節而已 御紫:唔係啦 ~ 我地冇o個部野啊,係用古老的「人手度尺」方法度的 話時話,村屋實用面積極高呀,勁開心

    回覆刪除
  9. 用黎測試下啲電掣位有冇電到?

    回覆刪除
  10. e, 我當年L 字, 係成件黎, 攪左好耐都唔知點入個廚房, 終於先入到 成件包埋洗碗盆果part喎. 你d 櫃咁淺色? 怕唔怕dirty? 要努力d抹下d櫃啦

    回覆刪除
  11. 你個仔真是愈來愈 正 呀 笨B毛爸爸拎嗰個係用來度水平line嫁?

    回覆刪除
  12. 食o左個美味南瓜小吃 , 得閒嘅話就去睇啦

    回覆刪除
  13. 春桔, 辛苦啦! 聽日你6:45先起身,我要3:30起身,4:30出發去機場啦! 番來先傾啦! 復活節快樂!

    回覆刪除
  14. 哈~ 笨B爸左手握住白色的NDS,對手握住黑色的PSP。。。 兩部都好好玩喎~~~

    回覆刪除
  15. 我估係DV..... Happy Easter!!

    回覆刪除
  16. 是"他"錶 - 用來measure 電~~something like that ya..ya....

    回覆刪除
  17. 笨b媽媽, 快d張你第3張相個地址打格仔啦~ 我都睇到你住邊囉.... 錦上路... 小心俾人"puk"呀!!!

    回覆刪除
  18. 喂喂笨b媽, 想問呀, 原來你打算用電磁爐呀? 我正考慮緊唔用煤氣爐啦, 但用電呢, 又唔用得中式鑊, 乜都要平底.... 你係因為村屋無煤氣喉而用電or你自己喜歡電爐呀/

    回覆刪除
  19. 笨b媽媽 我同你一樣係遊牧民族,短短兩年幾已經搬左好幾次,由同朋友住,到同以前男友住,再同哥哥住,而家就自己住! 所以搬屋既野越黎越多,好煩 同樣無左以前煮野食既心思,因為工作太忙好攰呀!

    回覆刪除
  20. 當日裝廚櫃時要返工,都睇唔到個過程係點?你就好啦!可以全程睇住佢整

    回覆刪除
  21. 你咁鍾意煮嘢食,好肯定當你見到個廚櫃時好興奮啦!我就好唔鍾意自己個廚房,但由於買新樓時已經有,如果拆嚟佢好似好唔環保,所以唯有用住先,等佢爛我就可以裝修啦! (or 如果揾到心水村屋,我咪可以整過個厨房囉!) By the way, 我係你抽濕機果篇留咗言,please take a look!

    回覆刪除
  22. 咪就係差個坐地大焗爐囉....嗚鳴~~ 笨b爸手執....雞毛掃...用來柄人兼抹塵!

    回覆刪除
  23. 笨B媽, 放心啦, 我地一定玩得好開心... 你又一定抺得好開心. HAHA!!

    回覆刪除
  24. I like your kitchen soooo much!!!!! 又大又靚!!!!!

    回覆刪除
  25. 都有一排冇上嚟囉 ... 點知一靠岸, 就驚見震撼異常 o既 場面 - 兩位女仕擔擔抬抬不特止, 重舉埋成套嘢上埲牆度 !!!!!!! 唔係嘛 ... 怪唔得發達國家男仕家陣成為失業重災區喇 - 棟篤企斯斯文文做服務 o既 係女仕, 上刀山下火海做咕喱苦力又係你哋, 麻甩佬重邊有嘢撈呀 ? 想有自尊, 想以平常心看待女仕都難啦. 港男同港女對着幹 o既 源由, 見圖知著. 我知呢處特多女仕捧場, 千祈咪以為我為同伴喊冤呀, 只係諗緊 : 呢個可能係父系社會實施幾千年, 男人也文也武過後, 天理循環, 報應不爽啫 ...

    回覆刪除
  26. Xin:嘩!好耐冇見啦!我地o岩o岩去完深圳返來呀 ~ 查實 ... 謝師傅係男人來呀 雖然佢電了一個好型的爆炸頭 高妹真係好勁,估唔到佢又擔得又抬得又砌得! 時代進步左,咪多左女人出來做事囉 ~ 其實小女人如我,最希望都係做下笨 B 爸爸背後o既賢內助架o乍 ...

    回覆刪除
  27. 笨b爸手執cutter???

    回覆刪除
  28. 哦 ... 原來係 '' 男女平等 '' 系列圖 ... 嚇得我吖 ... 唔好意思, 睇錯咗 ...

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: