2007年4月25日 星期三

又讚又彈:勁有料 + 勁無奈

尋日倦到反肚,因為又做左半天「地盤男女工」

  

 

又要寫番篇 blog 發下牢騷先。大家知我把口架喇 ... 鬼咁直接,好o既地方我唔介意做人肉宣傳,但唔好o既地方 ... 嘿 ... 我唔會隱瞞架喎。

 

不過,我講o既都係真心話,有關人士對號入座唔好介意,只要以後改進就得架啦。我地係 result oriented o既,過程中總有少少失策/ 走漏眼的地方,明白o既。

 

============================================================

咁呢,要講批評說話前,都要先讚一讚先。呢個係真心o既 (否則我讚唔出口架喎,我份人咁有稜角!)

  呢間屋仔的平水和角度實在做得好好!攞得好準!無得彈!

 呢間屋仔的石屎係靚野!非常結實硬淨!比起我地市區層樓好好多!(笨 B 爸爸親身測試 ... 平時佢o係市區屋企鑽牆非常容易;但在新屋鑽牆,鑽到支鑽咀都爛埋 ...)

 工程期間,個場都 keep 得好乾淨。師傅們做野好企理!

  屋仔裏的一般用料 (不是我們自選的) 也用了較好的牌子 e.g. 燈制用了 CLIPSAL、總電箱整個個不銹鋼外殼包住、牆身電線管和水管等都髹上和牆身相近的顏色 .... 等。不像一般現成村屋,為了慳成本而用了最平的材料

... (未完 --- 希望
,收樓後繼續)

 

============================================================

但係,必須要呻的地方 (其實都唔係好多),就係

  有少少「最初乜都得,但做到時就乜都唔得」o既感覺。原來,「講個信字」係唔得o既。  攪到我畀笨 B 爸爸「省」左幾勻呀!(因為當初簽合約簽得太急,未仔細加晒所有要求)

  有時會製造「既定事實」讓我們接受。例如有些配件我地想自選款式,但卻沒有徵詢我們的意見。

... (完了 --- 希望
,收樓後再來一次檢討)

============================================================

昨天自己裝的 fitting ~ 雖然只是好小事,但自己不熟手、工具又唔夠,攪到裝得唔好又o徙時間!

(笨 B 爸爸本來也不想自己做,但畀錢判頭做又唔順氣,明明最初應承左架嘛

)


 

後記:

1.  雖則呢篇 blog 有少少「勞氣」,但說到底我只是心疼笨 B 爸爸而已

  錫番錫番 ~

2.  To be fair,這單工程都算頗暢順兼手工好,只是 project management 有改進空間
 

3.  浴室和廚房 fitting 是在下面這間店買的,款式 ok,很多都是 Delong 牌子的,有 8 折呀,抵!

 

店名:廣發隆建材有限公司

地址:九龍旺角砵蘭街 317 號地下

電話:2749-9181

營業時間:(星期一至六) 9am - 7:15pm  (星期日) 10am - 6pm

 


 

沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: