2007年4月3日 星期二

四大美人激勵下的曲奇


在過去五年間,我經歷了:住在娘家 ---> 和妹妹自立門戶 ---> 和笨 B 爸爸一起生活 ---> 準備搬屋做村姑這幾個階段,感覺真像遊牧民族  

現在還有不少東西散落在娘家和妹妹家哩 ~ 而烹飪、烘焗工具則全在娘家,大家可想而知,我多久沒焗餅了! 

 

開 blog 以後,認識了超愛烹飪的四大美人*,她們常以各種方法「激勵」我再度下海   ~  但我唔係推說話笨 B 爸爸屋企太細、好難開壇作法,就係推說「架甑」不足 ... 其實我只係懶精上身,哈哈哈 ...

*四大美人是大少奶亞 Bvanlily 珍妮仔 (排名不分先後啊!)  

 

但蒲得佢地個 blog 多,我都畀佢地對美食o既熱愛感染不少!我決定 ... 把懶精擊退!將種種藉口踢出門外!

--- 沒電動打蛋器嗎?用手提打蛋器囉!

--- 沒盛器攪牛油做麵糰嗎?用不銹鋼湯煲囉!

--- 沒麵粉篩嗎?用「我的好朋友篩子」囉!

--- 沒膠刮嗎?用膠飯勺囉!

--- 沒放涼架嗎?又DIY 臨時版囉!

 

就係咁,令我出山o既第一個食譜,就係大少奶o既杏仁曲奇啦!大家都知我風格,唔易唔簡單o個樣我都唔整o既     呢個真係超簡單.極容易啊!效果仲 very good 添!多謝大少奶分享的食譜

杏仁曲奇食譜  (來源:大少奶約可做 24 塊

材料 (圖一)

牛油.........100g

糖霜............55g  (笨 B 媽媽按:我用了糖粉)

雞蛋..........一隻

低筋麵粉......175g  (笨 B 媽媽按:我用了特惠牌的自發粉,因朋友說呢隻麵粉筋性低,做曲奇o岩晒)

發粉 ......... 1/4 茶匙  (笨 B 媽媽按:因為用了自發粉,所以不用落發粉了)

杏仁粉.......15g  (可以減去) (笨 B 媽媽按:我都冇落呀)

雲呢拿油.....少許  (笨 B 媽媽按:前文提過畀我打入冷宮 - 雪櫃o個支已過期,所以冇加到!)

鹽...........1/8茶匙   (笨 B 媽媽按:因為我用的是 salted butter,所以沒另外加鹽)

杏仁適量

 

做法:

1)牛油放軟同糖霜打至淡白 (lotion 狀),加蛋用慢速打勻,加入雲喱拿油

2)杏仁粉、麵粉、鹽過篩,分兩三次篩入,加入杏仁慢慢伴勻

3)搓成圓條用保鮮紙包著放入冰格一個鐘,切塊入180度爐焗

*Preparation:我先用 120 度將杏仁焗左 15 分鐘,香口o的

 

【圖一】杏仁曲奇材料 (話時話,o的杏仁片在超市賣得好貴 ~ 我後來發現去二記買冇牌子的抵好多!)

【圖二】製作過程 with 笨 B 媽媽旁述

從左至右、從上而下

1. 準備材料

2. 牛油切粒,容易軟化呀!

3. 將牛油打到好似 lotion 咁、加糖粉打勻、加蛋打勻

4. 將自發粉分三次篩入拌勻。如果好似我咁手動,就建議用「切拌法」

5.  mixing ... 加杏仁

6. 麵糰成型

7. 用保鮮紙包好,放入冰格

8. 入爐焗

9.  放在架上攤涼

【圖三】手頭沒有放涼架,唯有用大蒸魚碟 + 筷子整左個臨時版

【圖四】正常的我 ... 通常會搵密實盒裝住o的曲奇畀朋友 ... 哈哈,好冇心思,但個盒可以 re-use,完全係我o既 style ...

【圖五】但近得四大美人多,我都進步左 ... 少少架啦   第一次去未來鄰居家串門子,我專程去千色百貨買了個小盒子來裝曲奇呢   

 

後記:

o的曲奇係上個 weekend 做的,但攤左o係度好耐都未寫  ~ 今日卒之落筆,最大的原因係想示範一下畀某人睇,「引用」人地食譜,就應該係咁做架啦! 

在 blog 海裏,blog 友們都很有心機地分享他們的所見所聞,這是非常值得欣賞的。但如果你覺得某人說的很有參考價值,想在自己 blog 內也說一遍的話,就請善用「引用」這個功能了。你大可好像我呢個長氣怪咁,加入一大堆自己的意見;但註明出處,是一個基本禮貌哩。請自重。  Happy Blogging!

55 則留言:

  1. 豆豆樂 vs 珍妮c2007年4月3日 下午4:56

    知道喇! 笨B老師!!

    回覆刪除
  2. 做唔到NO1添

    回覆刪除
  3. 繼續努力呀! 其實我覺得你煮嘢食好叻o架啦! 賣相又好又有創意! Keep On!

    回覆刪除
  4. 原來是「美女廚房,煮熟先講。」~~~

    回覆刪除
  5. 原來曲奇咁易整嫁 不過我唔係好好曲奇 蛋糕好似好味 啲 囉 你幾時整蛋糕呀??

    回覆刪除
  6. 春桔令 你個曲奇整得好好,你用手打牛油咪好累? 同埋點整到咁正方?你用 mould? 亦都多謝你尊重

    回覆刪除
  7. 易個個咪笨 B 媽媽至愛【篩篩】

    回覆刪除
  8. 係啦, 應該用[引用]功能啦! 好多人明明用左人地個食譜又唔acknowledge, 好無禮貌~~~

    回覆刪除
  9. 係啦,以前的摩摩夫人好多時都有出品架嘛 ~~ 自從您“改名換姓”同迪迪仔一齊之後,個d 蛋糕甜品好似失曬蹤!

    回覆刪除
  10. 喂笨b媽, 我想講: 放在雪櫃中那條....好似魚片呀!!!!!!!!!!!!! 勁呀, 乜"架生"都無, 仍然整得到!! (我唔捨得買cooling rack, 所以我只用番焗爐個線架咋.蒸"送"架都試過呀 )

    回覆刪除
  11. 笨B媽媽 我正想問你攞曲奇的食譜 你就自動獻身喇 真係抵讚! 你啲曲奇 老公都話好食呀 等我又試做吓至得! 另外,個竹砧板的說明書我已丟了 因為真係好簡單 不看也罷 如果你真係想知詳細資料 可打電話去佢地嘅門市 又可睇睇呢個網︰ http://www.titanltd.hk/index.asp 如果想親身體驗一下 下次你地入黎 我借個奴細嘅俾你地返屋企慢慢研究 最緊要唔好同我拆散佢就得嘅喇! PS.個細嘅係贈品 我以為好抵 但原來上門市唔要贈品仲抵呀!

    回覆刪除
  12. 笨b媽媽, 好開心見你笑番! 仲整咗咁靚嘅曲奇, 唔得喇~ 我都要快d做哂d功課再搞搞新意思先~~ 另外, 好多謝你教曉我地要善用依個 "引用" function!!!

    回覆刪除
  13. 整得有紋有路喎, 笨b媽!

    回覆刪除
  14. 係啦﹗其實煮野食,最緊要係“心”,即係有heart, 所以冇工具都唔太緊要。 笨B媽,我好鬼鐘意你成日自創啲攞你命三千既工具,依種咁實事求事既精神,真係好值得我地學習架﹗

    回覆刪除
  15. E? 我見食譜冇發粉既?

    回覆刪除
  16. 我都覺得, 大少奶d食譜好簡單, 好易做, 好易跟

    回覆刪除
  17. 好好味喎~!!!

    回覆刪除
  18. 春桔笨b媽~~ 實在實在太太美好喇~ 你終於開爐~~ 我地四大美人果然係好有team sprite~ 我好鐘意你個放涼架啊....因為我以前岩岩開整餅個時, 都係咁整出來嫁! 我相信...你一定會...步我後塵...買下買下就買到成屋都係! 冬菇字 (不過話事話...四大美人好似無大少奶份喎...佢真正身份都係大少奶...我地先至係佢四個美人隨從....)

    回覆刪除
  19. 笨B媽媽: 你又話 「超簡單.極容易」 , 但我睇落去都覺得好多step 好 喎, 睇來我真是隻超級大懶 ...... 想問: 1) 用手提打蛋器要打幾耐至變lotion ? 2) 你張相嗰個係你「我的好朋友篩子」而唔係麵粉篩呀?

    回覆刪除
  20. 笨B媽媽 : 多謝示範如何正確使用「引用」 我o地係尊重知識產權的bloggers 唔似得某人d咁嘅行為

    回覆刪除
  21. 笨b: 我一早就識做了, 但你可知我有兩個blog友都俾人勁copy, 仲唔止一篇, 連名都相似, 裡面d畫基本上只係加多兩筆就當係自己, 好過份..... 大家真係應該尊重打blog既人, 左抄右抄都無意思! 好似我咁, 係你到學識既嘢要介紹俾朋友, 如食譜, 咪引用吓再推介吓你個blog咁law, 好易姐, 大家真係要學吓!!!!

    回覆刪除
  22. 你好有心機教整曲奇呀!多謝分享!同時好欣賞你這種路見不平又以和為貴的態度!

    回覆刪除
  23. B 媽 ~~ 第日我買o左焗爐 一定上黎你呢度 參考 + 引用 你呢度有晒材料 最適合我呢個初學者

    回覆刪除
  24. 我想問朱古力cookies都係用呢個譜整得唔得架 ??

    回覆刪除
  25. 苯B媽媽:你好利害呀﹗一個題目可以有兩三個作用:1.示範做曲奇、2.教人用引述、3.答謝四大美人。比一箭雙鵰仲勁﹗

    回覆刪除
  26. 冬菇, 你客氣啦! 我地四個都是將自己的生活記下煮食,遊玩,每日的心情等等....! 仲有煮食的食譜都是類似的,都無話邊個是原創者,不過之前呢都有個 blogger俾人抄左個食譜去個 Blog之後.唔肯再寫 Blog! 我覺得好可惜有如此好的食譜不能與其他人分享! 所以好同意引用這個功能,如果要引用因何不能先徵求原作者的同意! 煮食物給愛人吃充滿幸福! 洋溢幸福的感覺!

    回覆刪除
  27. 沒電動打蛋器嗎?用手提打蛋器囉!<----無發到手軟咩?勁!

    回覆刪除
  28. 笨B媽咪, 你呢篇blog寫得好好: 原因一: 睇完示範圖後, 攪到我都想响黎緊的假期再次開焗 (對上那次已經係2-3個月前的事 ) 原因二: 身體力行 ~~ 尊重版權的必要性

    回覆刪除
  29. 真係好欣賞你手到拿來,身邊有乜就用乜,極富創造性嘅諗頭呀...繼續努力啦...

    回覆刪除
  30. 我以前都買落唔少焗野工具, 陀左阿囡後就原封不動, 睇完你呢篇野, 又好想焗返野啦 ~~~

    回覆刪除
  31. 曲奇焗得好金黃.. 我要做你鄰居, 哇哈哈!

    回覆刪除
  32. 其實笨B媽要用咩工具都唔駛買啦.. DIY 整出黎都得呀..

    回覆刪除
  33. 發粉要落少少,我會加1/4茶匙

    回覆刪除
  34. 真係好啦..你出呢篇blog 我試過整2次曲奇都失敗呀 今次照住你呢個黎做

    回覆刪除
  35. WOOWOWOOW 好詳細呀 我真係唔試整唔得喇!!

    回覆刪除
  36. 好正呀 !我想問呢,你屋企個焗爐有幾大呀 ? 咩野牌子 ? 幾多錢 ? 我想買, 不過, cheap 既無咩function, 貴既又好似唔洗買到咁貴 wall.

    回覆刪除
  37. 各位:多謝大家o既支持 & 鼓勵 寫 blog 就是分享嘛!既然大少奶分享左個咁好o既食譜,我梗係要 share 埋畀大家睇喇! 話時話,其實我都整多左次曲奇,仲拍左段 video 介紹下「切拌法」,我會出多篇 post 哇 ~ 等我 ~ 發水麵包/ KT:說來慚愧,其實我比較上手的只有雪紡蛋糕和曲奇,其他蛋糕麵包 ... 嘿 ... 嘿嘿 ... 大家唔係唔好咁高期望,而係「一o的期望都唔可以有」 ... 呢o的高手級烘焙製品,都係去亞 B/ vanlily 度睇好o的 大少奶:我唔係用 mould 的,所以o的曲奇形狀好隨意,件件都唔同架 影相嘛,執番幾件似樣少少的來影啊 另,我的名句嘛 --- 人格比物質重要! Mrs Kwong:你唔提起我都唔醒起,原來我同你相識已久 竟然在 Yaboo Blog 重逢,兼就快做埋街坊,真係始料不及啊 yeah ~ 小魚兒:呵呵,等我搬入來,搵你一齊玩焗曲奇 ~ 小倫:其實我以前買買埋埋都唔少架甑啊 所以而家更加唔可以買,一來屋細、二來搬屋後會攞番舊時o的架甑去新屋,如果買左會重複呀 冬菇:你講得o岩呀 ~ 但我為左方便稱呼,都係喜歡用「四大美人」呀 (否則要叫大少奶 + 另外三位美人隨從,冇咁方便呀) 話時話,你畀笨 B 爸爸睇到o個句「我相信...你一定會...步我後塵...買下買下就買到成屋都係!」的話,佢一定 ... 會阻止我地來往呀 (免得我跟得你多,買買埋埋一大堆工具呀!) GG:牛油放軟以後,基本上用手打 5 分鐘已經變 lotion 狀了。「我的好朋友篩子」係普通篩子來,不過因為佢太 multi-task (之前好多 blog 裏都出過鏡 ---> 出鏡 1 / 出鏡 2 / 出鏡 3 ) 所以我咪話佢係我好朋友囉 Sweet Panda:我o個部係 Royal Doulton,前年在惠康用印花加錢換的,好好用喎!(你睇 歷盡艱辛的一餐飯 呢篇 blog 裏第三張圖) 以前在陳師傅家住時,都買了部「Delongi」(串法好似錯左) 好耐用、溫度又平均啊!

    回覆刪除
  38. 嘩...好詳盡喎...而且你呢個曲奇好有heart呀

    回覆刪除
  39. Yan:可以用 3 湯匙無糖朱古力粉代替 3 湯匙麵粉哩

    回覆刪除
  40. 露絲公關手記2007年4月4日 下午6:45

    連笨B媽媽都出山整曲奇喇,好得喎! 有色,有樣,有內涵...... 攪到我蠢蠢欲動,想買焗爐玩下添,可否介紹下你個「架甑」呀?THANK YOU!!!!!

    回覆刪除
  41. 笨b媽媽: 果次係加記食完後,你整左俾我既cookies,姪女楠楠一番去已經搶住食了!好鬆化呀!多謝晒!^^

    回覆刪除
  42. 嘩......你o的 Co0kie 好吸引喎 btw, 鄉里.....你今日有食家鄉福建潤餅嗎? 我就食咗啦! 你睇吓 http://hk.myblog.yahoo.com/mmlee1216/article?mid=585&new=1

    回覆刪除
  43. 你整既曲奇好靚呀,我對焗蛋糕同曲奇都冇乜天份,所以只會焗下包包咋。

    回覆刪除
  44. 岩喇岩喇, 呢d先叫做引用架嘛 ~~~~~

    回覆刪除
  45. 你呀 ! 我頭先去左百老匯買左個三百多元既焗爐啦 ! 個brand 叫 Loyola. 好幾位blog友, 都係用佢, 所以昨天research 左一個下午, 今天就買lu.

    回覆刪除
  46. Sweet Panda :我都係用佢咖!! 笨B媽媽 :我跟個recipe整左,點解咁硬咖??硬到....用門牙咬唔開,要用大牙先咬得開!有咩解救??

    回覆刪除
  47. 李小姐:我估有以下兩個可能 ... (1) 你係咪用左普通麵粉?如果用低筋麵粉會好好多,如果冇的話,可以用 80% 麵粉 + 20 % 粟粉代替 (2) 可能攪拌麵糰時出事,手勢唔正確,壓實左個麵糰。有說攪拌曲奇麵糰時應用「切拌法」,顧名思義,好似切野咁手勢,輕力將粉類和油類攪勻。我上次拍左個 video,今晚 post 畀你睇

    回覆刪除
  48. 感謝感謝...我今晚睇......應該唔關麵粉事囉,因為我係用埋你那隻麵粉咖啦....

    回覆刪除
  49. 李小姐:今晚回來夜了,未能及時出 post,對不起哩 我明天盡快寫給你看 ~ 今晚不要等我啦 ~ 早抖

    回覆刪除
  50. 您好!我把妳的網誌放在我的最愛,我照著您的食譜弄蛋糕,謝謝您!

    回覆刪除
  51. 為了答謝妳的食譜,姑姑請妳看真實見證的電影吧! http://www.cbnhongkong.org/sitea/modules/debaser/filelist.php?genreid=1&ref=tinyd2&start=45

    回覆刪除
  52. 做好了的曲奇,如何保持鬆脆?

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: