2007年4月29日 星期日

安裝左電磁爐啦!


進入搬屋倒數階段,我開始有o的「甩 blog」狀態啦

 ~ 近來覆回應可能慢一點,請大家見諒 ~

好 ~ 今日有乜新消息呢 ?哇哈哈 ~ 咪就係我地千揀萬揀、千呼萬喚始出來o個個電磁煮食爐囉 ~ 前日卒之裝左啦 ~ 大家睇下佢幾靚仔 ~ 我仲即刻試左煲水,好快呀 (我咁都可以整條 video,大家話我幾咁無聊 )  正正正 ~

 

睇下 ...

近o的 ...

再近o的 ...


師傅o黎裝爐時,好驚訝我地點解曉o係廚櫃邊留通風位 ~ 因為佢話供應商「詐型」,話好多客冇預通風位,部機散唔到熱,好易「打柴」佢話如果見到o的客冇做,就會叫佢地煮食時打開個廚櫃門 or 拉開電磁爐下的廚櫃櫃桶,幫助散熱 ~

除左o係櫃o既盡頭開左疏氣百頁位外,在地櫃內亦預留了疏氣位 (見下圖) 

話時話,我地係買左 Rasonic 2800 W o個款電磁爐的 ~

在 Panashop 買,平過連鎖電器店 $800 咁多呀!只是 $3,100 o乍!禮品一樣咁多 (查實仲多左一款!) 正正正

贈品 list:

(1)  一個中式鑊、一個湯煲、一個小煲,當然全都是適用於電磁爐的 ~

(2) Rasonic 2000 W 火鍋電磁爐一個,冬天時已用過來打邊爐,加熱好快!

(3) 孖人牌刀叉一套 (Panashop 自己加送的,因缺貨,所以不在照片中)  




無聊片段:笨 B 媽媽試用新爐

47 則留言:

  1. 真係好型喎~~~ 但你個雪櫃係咪放o係個通風位o架?

    回覆刪除
  2. 我0係瑞典時都係用電磁爐架 超易清潔!! 讚~

    回覆刪除
  3. 整段煲水片真係好鬼第死

    回覆刪除
  4. B媽~ 兩年前我搬新家既時候阿媽都係貪靚仔買電磁爐, 但係用下用下發現清潔打理都幾麻煩~爐既表面好容易花~唔小心煮滾嘢整到爐面D漬好難抹得去~

    回覆刪除
  5. 嘩.......你o地咁醒識裝定通風位 你個廚房真是巧靚呀 p.s. 笨B媽媽 : 為屋仔加油呀

    回覆刪除
  6. 你個kitchen 好靚呀!! 如果我都有一個就好喇

    回覆刪除
  7. 露絲公關手記2007年4月29日 下午6:18

    簡直係我嘅DREAM KITCHEN, 仲有HIGH TECH 電磁煮食爐 ~  我估蔡瀾知道有個咁正嘅廚房,下集唔逛菜欄,可能會整返個『蔡瀾逛村屋』都唔定呀

    回覆刪除
  8. 笨B媽媽, 今晚好開心同你通電, 你一接電話就認得我~~ 好開心好感動呀..... 你個爐真係超掂! 記得入伙果日要煲水(滾都唔好熄)同開風扇吹旺間屋呀!!

    回覆刪除
  9. 笨B媽﹕見到你個廚房仔越來越成形,真係登你興奮。我諗你將來有個大啲既廚房,就會更加有心機煮多啲好野食出黎,咁我地就有口福囉~ 咁依個廚房,有冇名堂呢? 笨B廚房,睇完先講?定係笨美女廚房,唔笨唔好笑唔講?

    回覆刪除
  10. 苯B媽, 你第日用電磁爐煲老火湯時,效果如何. 記著話我知.

    回覆刪除
  11. 嘩! 好抵啊! 我淨你買induction saucepans 都用咗百幾歐羅!!! 法國induction 三頭爐最平都500歐羅

    回覆刪除
  12. 個廚房勁正!!

    回覆刪除
  13. 正呀~~~~!!!!!! 個廚房夠光猛又大, 仲有我至愛的電磁爐, 夠high r~~~ 遲d加埋大大雪櫃,真係不得了....我要進駐你家,侵佔你的廚房喲~~~~

    回覆刪除
  14. 又靚仔...火力又夠勁...速度又快...值得一讚...勁... ...

    回覆刪除
  15. 嘩!好靚呀!好似樓盤示範單位呀! 好醒呀!識得預早做定通氣位!

    回覆刪除
  16. B媽: 比你講一講,攪到我又覺得電磁爐好抵用, 又有咁多贈品, 不過我地多數用番石油氣爐, 因為可以同熱水爐 share同一罐 gas, 希望你個爐會令你更愛入廚樂 !!!

    回覆刪除
  17. 靚到都唔知講咩好! 淨係個窗花倒影都已經超 romantic!!

    回覆刪除
  18. 你又有精明之舉,very good 啊! 我正打算買電磁爐,我看到些是有4個爐頭的,是否比兩個頭的更加好用? 我的師傅suggest我買金章牌,請問對此牌子有何comment? 多謝提點要留通風位,但我的爐柜兩旁都有柜的,那怎麽辦?應開在那裏?

    回覆刪除
  19. 真係忍唔住要讚一句: 個窗花好得!!!

    回覆刪除
  20. 笨媽:嘩!您地好醒目留通風位!是否樣樣小心笨爸的idea?? 讚~~~~ 第時我搬屋一定要由頭到尾lun返次您d entries.

    回覆刪除
  21. 笨B媽媽:電磁爐煲水係好快架,我自己用屋企o個個1900w黎烚菜,大大煲水唔駛3分鐘就已經滾起,好正!你記得試下煎太陽蛋會唔會有燶邊後,再話我知丫!!

    回覆刪除
  22. 各位:多謝大家支持 ~ 呢期要做「快槍手」,我集中覆左o的提問先 黃夫人:隔離冇錯係雪櫃,不過我地預闊左個位,希望夠位散熱喇!(p.s. 所有地櫃背板是通窿的,而且有成 8 尺長,應該問題不大 ... 當然要試過先知!我地實際用時,都會密切留意爐底、地櫃內會否過熱。到時再向大家匯報呢個方法 work 唔 work) GG/ Mrs Kwong/ 小胡子:冇錯,是工程界兼心思細密的笨 B 爸爸想出來的「好橋」 ,希望 work 喇! Rose:你的爐櫃兩旁都有櫃 ... 是不是和我的 case 一樣的呀?(你看第一、二幅圖,我的電磁爐的位置都是在地櫃的正中,兩旁都有櫃) 我們的做法是地櫃所有分隔板都是通窿的,到盡頭時加了那個百頁的通風位。你也可以考慮將爐頭下面的抽屜 or 門板位改做百頁,不過未知是否能配襯整個廚房設計。但散熱的問題很重要,尤其是煮餸時間長的話,怕爐底太熱呢。 P.S. 金章都是好牌子啊!你選擇的時候,要留意「總火數」和「每個爐頭最高火數」,因為有好多時o的爐頭係 share 總火數的,但每個爐頭最多能「扯」幾多火o黎用,呢個係重點,否則會唔夠火候! give you an example ... 我買的 Rasonic 2800 W 電磁爐有兩個爐頭,每個爐頭可以調較的火力是 0-2800W。即是,如果只開一個爐頭,其實扯盡可以去到 2800 W 咁大火力,用o黎炒小菜,其實可說是過猛的了。通常做法是先開一個爐頭用大火煲滾o的湯,然後較到 600 W (小火) 繼續煲,然後另一爐頭用 2200 W 炒小菜。 正常小家庭來說,咁樣的煮餸程序好正常,所以個火力設計是 more than enough 的了。 同一個牌子有 4400 W 款式選擇。看來好似好勁,但原來兩個爐頭,各自只得 0-2200 W 火力。即是說,去盡都是得 2200 W。但你可以同時開著兩個爐頭炒菜。呢個可能比較適合大家庭,有需要同時兩個爐頭都開到大火來炒菜。 要留意的是,如果想用 4400 W 的電磁爐,那你要預留一個獨立的 20A 蘇位。 普通 2800 W 或以下的爐,留一個獨立 13A 的蘇位已經 ok。 尚朋堂有一款設計是預先在爐尾開通風位的。不過我地嫌爐頭火力唔夠 (總火力好似最高 2600 W,每個爐頭 max 2000W) 所以最後冇選擇佢

    回覆刪除
  23. Rose:漏了答 ... 一個平面上有四個爐位那種設計,較適合外國人,因為佢地較多用小煲 ... 如果你多用中式鑊的話,那種爐就冇咁好多的了。 Yee:好呀,試完再話你知

    回覆刪除
  24. B媽 個通風口好似離個爐好遠咁嘅? OK嗎?

    回覆刪除
  25. 笨B媽,你地個廚房無得頂,尤其是個窗花我勁鐘意!

    回覆刪除
  26. 你研究得咁仔細 (好似做到萬無一失咁),如果我第時住村屋,copy 你個 kitchen 就唔使煩,呵呵! BTW, 啲電磁爐專用嘅 cookware 貴唔貴?你估有幾 durable 呢?

    回覆刪除
  27. WA~~~ 個廚房好乾淨好大呀

    回覆刪除
  28. 照你的設計的話,地柜的隔板便要開窿散氣,那麽豈不是會犧性地柜的儲物用途? 如用炉下的抽屜造百頁,又好像不夠美觀,真幾頭痛啊! 還想請教你,中式小炒要多少 W 才夠火力? 我貪心想用4個頭的,記得是6200W,若然一起用,夠火力用一個來做主炒嗎?而且其中一個頭放置中式炒鑊夠位嗎? 知道你一定很忙了,但也很詳細地給我解說,真的很appreciate 啊! 祝你一切順利!

    回覆刪除
  29. 等我聽日都買包「激落君」先 ... 我成日以為日本城玩 Gimmick ... 多謝哂妳的溫馨介紹

    回覆刪除
  30. Fiona:電磁爐專用的 cookware 不特別貴,因為佢冇乜特別,查實如果你用開o個o的煲個底係金屬的話 (不銹鋼唔得,總之磁石能吸著的就 ok 了)。同普通煲一樣咁耐用架! 情形就如某o的 cookware 可用於微波爐,got it? Rose:你試試問裝修判頭,看他們有沒有甚麼好提議? 我指廚櫃通窿的是豎立的板貼牆那邊,只要不完全貼牆,留 1 cm 的空隙已成。有時候廚櫃公司都會一早這樣安排,因為方便用家有時有電線要從後面走過,不過特別開孔。不知你明不明白我在說甚麼呢? 有關電磁爐火力 ~ 一般在電器店的 demonstration cooking 都不是用太大火力,他們會跟你說 2000-2200 W 都夠,但你看看他們炒的份量不是很多,而且不是太難熟的材料。如果在家裡用,二人飯餐當然沒問題,但大家庭一點、或要招待朋友時,餸菜都會大碟o的啦 所以我就想,每個爐頭最大都要有 2600-2800 W 才好。 一個爐有四個爐頭,我第一時間就想,好像不太「就手」... 我不知道你多數會叫傭人煮飯,或是喜歡自己下廚 (or 兩樣會同時進行 !) 我想你的廚房應該是很大的 ... 那,會不會考慮安裝兩個獨立的爐呢?那便有 4 個大火力爐頭、兼不會「頂手頂腳」了

    回覆刪除
  31. 真係好靚仔喎,下次等我爐壞左之後都換返個至得

    回覆刪除
  32. Thank you very much for your good suggestion and information. 妳實在太好了!我們共勉之,努力!

    回覆刪除
  33. B爸o係度補充一句,好的散熱設計應該不止一個百葉位,應有至少兩個,而且距離越遠越好;但因我們的廚櫃一邊靠牆,所以只能做單邊,所以長時間用爐時我還是會打開櫃門製造對流散熱的。

    回覆刪除
  34. 笨B媽媽:Got it! Thank you very much ... 不如叫笨B爸爸係度開番個 corner 講吓啲 technical 嘅嘢啦!佢果個 blog 都好多人 visit wor (包括我) ... ...

    回覆刪除
  35. Fiona:我都有叫佢寫架,但佢打中文實在太痙攣了 !如果 Mrs Kwong 試驗「聲控輸入法」work 的話,真係要考慮送番套畀佢 佢對工程實在好強 (比好多師傅都強) 理論與實幹都掂,令我佩服 Rose:我在 blog 內加番張相,說明「地櫃間隔板預留空隙」的做法,你留意下 ~ 唔明再問我 ~

    回覆刪除
  36. 笨B媽 and 笨B爸:我明白了。 再次感謝你倆的指教啊!謹祝你們擁有美滿的安樂窩,過着幸福快樂的生活!

    回覆刪除
  37. 我朋友用電磁爐﹐佢都叫我唔好買﹐因為爐面好難打理﹐滾瀉野好難清潔﹐靚仔好快變花面貓喎﹗唔知新出會唔會唔好D呢﹖

    回覆刪除
  38. Hi 苯b媽媽, 我9唔9都有visit 下你個blog ga.... 我自己新屋都係用緊rasonic 電磁爐, 你第日煮飯時, 記住唔好開到咁大火....開3-4度已經好夠..... 我開頭用電磁爐果時, 諗住9度係最大, 咁用5 度煮餸實無死啦, 點知落左蒜頭爆wok, 轉身去拎菜(不到3秒), d 蒜頭已經燒焦咗lu ............ 所以你煮飯時, 可以用2 or 3 度爆wok先,落埋其他材料先+大度數(不過都唔need 用到6度以上), 但我自己覺得比起用煤氣, 電磁爐真係好似無咁好火喉... 仲有ar, 如果你要烚菜 & 飛水(蔬菜), 記住唔好煲咁耐, 前者3 mins, 後者 30 s 都ok ga la(建議)....太耐會 '林'哂, 如果你g前用gas stove, 真係要煮多幾餐飯先control到d火喉......... 仲有ar(好似有d煩tim), 你個kitchen 既牆有無打算'相' 鋼板呀, 清潔好方便ga, 睇落仲好pro, 好model tim, 再'相'埋d鋁通用黎掛不銹鋼架擺醬料, 勁'坑'位, 勁 整齊

    回覆刪除
  39. PrisCissie:多謝你畀左咁多用家意見我呀 我咁多年來都是用 gas stove,所以都要適應一輪先 (可能最初成日炒燶菜都未定? ) 原來真係幾好火喎 ~ 我地唔裝鋼板啦,因為笨 B 爸爸唔鍾意喎 但鐵通就已經裝了,咪就係之前笨 B 爸爸日鑽夜鑽做o個o的囉

    回覆刪除
  40. 其實電磁爐會發出一d唔係咁好聞既smell, 當你用緊爐時, 又打開櫃門, 千其唔好'索'大啖氣, 鼻哥&氣管會唔係好舒服, 我試 "濁"親

    回覆刪除
  41. PrisCrissie:當真 ... ?咩味來架?等我下星期入伙後試下煮野,睇下形勢如何 ...

    回覆刪除
  42. 笨B媽媽, 查實我都唔係太清楚係咩smell , 但 confirmed 肯定係來自電磁爐.......又唔G係唔係我個係舊爐, 因為我剛搬進來, 個kitchen + 爐係上手已搞得44正正既, guess 上手只買了1 - 2年, 因為我G郁1郁個kitchen 係好大工程, so 我照用住sin 如果你入伙試爐後係無怪味, 咁麻煩你話我G, 等我搵人黎CHECK 下, 可能有D 'OOO' ..............may be 要換新的!! 你個blog 超正, 我shopping 時見過你之前介紹's 激落君, 我貪得意買了一包 , 但唔g 可以clean 牆上's dirts, 我today try 咗你介紹's method, 超勁ar........我超開心, it really works very well, SUPER!!!!!!! Thx X 100000 (我間新屋入伙才1個多月, but d 牆.........ai, 已經好似花面貓, 仲有朋友d 3 甩色, 留咗個淡綠色's 烘, 我勁sad... ) 我頭sin 搵到你整 cookies' recipe, 我而家去整 cookies la, 88 (我都住元朗架, 第時share 下cooking 心得丫, 我係為食妹黎架 , 我仲好多野要請教你ga, hehehe )

    回覆刪除
  43. 我地都係用左呢款呀, 但來裝個條友完全無講話要拉開個櫃桶喎!!!???????? 我地都係3100左右, 但就無你咁多野送, 3件煮食具有, 其他都冇喇~~~~~ 咁我地而家煮食時係唔係要打開櫃桶呢???

    回覆刪除
  44. hi 我想問係唔係3樣野都係送架,連單頭爐都送呀??? 如果係就好啦。

    回覆刪除
  45. Carrie Yeung Siu Wai2010年7月14日 下午4:10

    笨D 媽媽, 我剛剛買了PANASONIC 的2600W 雙頭爐, 係唔係普通插頭都可以架啦? 一直都好想買一部, 剛剛見到好抵, 46XX, 仲可以分期! 真係忍唔住買左>.< 但我發現....我放爐果個位, 只可以插到拖板....咁係唔係一定要整一個獨立既頭呀??

    回覆刪除
  46. Carrie Yeung Siu Wai2010年7月15日 下午2:46

    呀, 我而家先見到, 原來我打左"笨D"媽媽, SO SORRY~~~ 不過我唔夠長, 可唔可以插一個拖板, 但係只插佢一個電器呢??

    回覆刪除
  47. Carrie Yeung Siu Wai2010年7月19日 上午2:29

    好好好~~~ 唔該哂你呀~~

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: