2007年4月28日 星期六

【新屋採購日誌】電寶即熱式超薄熱水爐

好在我地得兩個浴室o者 ~ 否則買熱水爐都買到窮呀 ~

 

話說屋仔的合約是包括浴室熱水爐的,雖然都是我地用左好耐的牌子「電寶」,不過,當然是普通的款式喇!我們在市區的家就是用普通沒有電子恆溫的款式 (~$2xxx 一部),水溫較難控制,冬天沖涼時就最沮喪,唔係太熱就係太凍,永遠較唔o岩舒服o既溫度,激死!所以,就算要貼多一倍的價錢,我都堅持要買部新出的電子恆溫款式,因為住村屋冬天特別凍,較唔到適合水溫,我一定日日發脾氣呀!

 

電寶上年新出左一款電子恆溫熱水爐,好薄好型,最緊要係可以接駁太陽能熱水系統 (呢個好重要,因為我地已經訂左,期望太陽能熱水器可以為我地慳番唔少電費。話時話,電熱水器的功率是 18000W*,係一樣相當耗電o既電器!)

註 1 --- *18000W = 1 小時已要用 18 度電 ... 想像下,當我開著部 23L 焗爐焗 1 個鐘都只係 1500W (1.5 度電)、當我部「大雪櫃」一年才用 485 度電的時候 ...
  當然,冇人沖涼會沖咁耐o既,皮都甩咩!

註 2 --- 太陽能熱水器好用與否,我地要親身試過至知。到時再報導!

 

我地又秉承「買得精叻」o既精神,格勻各大小電器商店o既價錢 ... 然後發現,原來

紀先生都有代理的!價錢固然係平過大型連鎖店好多,連小商店都平過呀 (可能紀先生見我地幫襯左廚櫃,所以計平左畀我地) 連鎖店賣緊 $5,960 x 9 折 + 二百至三百的安裝費,都要 ~ $5,500 一部。而紀先生o個度,~ $4,800 就得啦!正正正 ~

不過,買左兩部,荷包都係勁傷架啦 ... 嗚 ~

 

【圖一:

按此放大

【圖二:

按此放大


後記:由於村屋多數沒有煤氣,所以大部人都是用電熱水爐的。我地是用

三相電,故此可以使用薄款的即熱式電熱水爐 (如是用單相電,就要用大大個的儲水式熱水爐了)  

25 則留言:

  1. 邁向喬遷之喜又近多一大步喇!!! 日頭返工咁辛苦,梗係要對自己好d,沖個正o既熱水涼先至叫梳乾 話時話,你個慈房有無裝熱水爐洗碗用呀? 冬天凍水洗碗,好甘架!

    回覆刪除
  2. Ips:廚房和客廁的熱水 share 用 (因客廁正常來講唔會有人經常在沖涼,水壓影響不大) 可以裝少個爐呀 另,我洗碗一定戴手套的,所以都唔會凍 ~ 不過熱水可以去油漬

    回覆刪除
  3. 我屋企就係用儲電個隻...唉... 我而家就係等更d熱水熱....等又等, 我唸11:00都仲未沖得!!! 夏天都仲好d, 冬天沖涼簡直要同佢鬥快~~ 除左食cream, 我仲有多樣野可以表演嫁!!!

    回覆刪除
  4. GOOD http://hk.myblog.yahoo.com/Spindrift-HK

    回覆刪除
  5. 笨B媽媽, 依D嘢唔果唔係你講, 真係一D都唔知係咩呀~~~

    回覆刪除
  6. 搭訕中 vanlily﹕你咁講,係唔係想表演五分鐘包沖涼及洗頭既絶技呀? 嘩﹗咁香艷,陳生肯過你架啦?

    回覆刪除
  7. 笨b媽媽, 你依排一定好忙, 都唔覆我email嘅!!!! 我想問你.... 攞嘢呀! 哈哈 因為龍少諗住5.1勞動節帶我返深圳食食食呀.... 所以想問定係攞小羔羊coupon囉~~~~ (真係肉酸) 仲有想問你仲有咩好介紹呀?? 你覆我email啦.... 真係千個萬個唔該你呀~~~

    回覆刪除
  8. b媽 你有三相電真係方便好多 可惜我們沒有 要用好大嘅儲水電熱水爐呀!

    回覆刪除
  9. 笨B媽媽:請問你的太陽能熱水爐是否已泡湯了

    回覆刪除
  10. seems good woo... like the one that i used before i dun hv any 熱水爐 inside my apartment now seems the building is using boiler.... so... no matter winter/summer if i wanna hv hot water i need to finish my shower process in 7 mins (i'm serious, i'd count it before )

    回覆刪除
  11. 你真聰明啊!懂得買有恆温的電熱水爐,是精明之選!(因為我都是選了呀!)

    回覆刪除
  12. 真係正正正喎, 我都係好怕D水忽冷忽熱嫁, 你買呢個爐雖然貴D, 但長遠計都係抵嘅

    回覆刪除
  13. 我而家就係用緊儲水式熱水爐, 你可以想像冬天要等幾耐先可以熱一缸水, 不過好多村屋都無三相電, 加上水壓問題, 焗住用儲水式熱水爐...... 我地新屋會石油氣熱水爐, 即開即熱, 石油氣熱水爐會同廚房共同同一罐石油氣, 呢個主意既我爸爸諗既, 唔知好唔好啦...... 話時話, 你隻爐又好抵喎, 抵買抵買!!!

    回覆刪除
  14. 恆溫真係好重要。你的堅持非常正確﹗

    回覆刪除
  15. 有恆溫,真係好啊!我地廁所多,所以只用普通即熱爐咋!第時要換都會考慮呢款

    回覆刪除
  16. 我都試過用電熱水爐,不過有一次沖沖吓燒左之後,就冇再用 LU

    回覆刪除
  17. 笨媽:您有無聼聞我地呢區會鋪煤氣管?

    回覆刪除
  18. 冬天如果無一個恆溫熱水爐,冬天真係好慘

    回覆刪除
  19. 長江一號:個太陽能熱水器依然會裝,但因為未試過,唔知效能和穩定性如何,所以裝定呢款熱水爐,佢可以接駁太陽能熱水器的 (有些牌子不可以,要留意)。我地會安裝一o的裝置,當太陽能熱水器o的水夠熱時,就可以直接從那儲水器取熱水;而有些時候,假若太陽太少,熱水不夠用時,呢個電寶熱水器就可以發揮功能喇!對於用家 (我) 來說,其實沖涼開水的程序是一樣的,只是熱水從那裡來,就取決於太陽能o個邊夠唔夠熱。 笨 B 爸爸,我有冇講錯呀? Mrs Kwong:係咩?冇聽人講過啊 ~

    回覆刪除
  20. 笨B媽媽:聽到你敢講我可以放下心頭大石 (見你幾日冇覆我),另外我已電 了笨B爸如搬屋要「咕唎」唎」,CaLL Me

    回覆刪除
  21. 長江一號:呢期好倦丫嘛 ~ 我知你打左畀佢呀,唔該晒 話時話,你個風力發電裝置好型!不過香港唔大風喎!遲下報告下好唔好玩? ~

    回覆刪除
  22. 笨B媽媽:太客氣 ,另外我都知香港市區風力差 ,不過冇計環保小玩意對我有莫的吸引(其實係敗家仔性格先Arm) ,我會盡快的起心肝砌好佢

    回覆刪除
  23. 笨 B 媽媽 , 可否講下你個solar system 呀? work嗎? worth嗎? 我也是住村屋, 也想好好利用夏天的超強太陽... 其他地方有用到呢個solar system 嗎? thx!

    回覆刪除
  24. 佢轉咗總代理 >.< !!!...........維修要揾另一間公司.....

    http://blog.yahoo.com/_MJ2W5HLIR2Y6Y6FRRUBUB3CZMY/articles/1263293

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: