2007年4月25日 星期三

四大美人 + 四國手信

早晨 ~ 我起身啦 ... 卒之!

  尋晚可能傾得太開心,攪到今朝訓晏左 (賴地硬) ... 哇哈哈哈

 

約左幾乎三個月,尋晚卒之同四大美人 (係邊個?你地知o既 ... 我地其實係五個人,包括大少奶 + 春夏秋冬*) 見面啦!我地唔係結左婚忙煮飯、就係忙拍拖忙工作,真係超難約得齊人架!

* 「春夏秋冬」唔記得係幾時起的名字,係我地的「暗號」

春桔 --- 我

夏枯草 --- 亞 B

秋香 --- 珍妮仔

冬菇 --- vanlily

其實總共有五個人,但我稱呼佢地時,我會扣起我自己,所以咪叫佢地做「四大美人」囉

(丫!冬菇好似曾經講過要寫篇 blog 介紹我地,咁耐都唔見影o既呢下!

)

 

因為約左幾十次都約唔成,我地各人都已各自去左旅行 (!)  所以尋晚係有四國手信交換o既!攤出o黎分o既時候,場面非常壯觀!

 

而更重要的是,尋晚是 Miss 夏枯草 (亞 B) 的生日會,整餅冠軍人馬冬菇 (vanlily) 仲親手整左個非常濃郁的朱古力蛋糕賀壽添!

 

趣聞一則:

話說我地尋晚去左灣仔 Al Dente 食飯,o的食物幾好味,但我地為左留肚食蛋糕,所以只叫了三樣野 (麵包是免費的)!餐廳一早應承免收切餅費,可能會覺得蝕左!

唔知係咪因為我地張枱 「低淨值」的關係,侍應曾經明示了兩次 (好有禮貌地),試探我地幾時走 ...

8:00 pm --- 因為大少奶未到,侍應問 ...

你地係咪仲有個朋友未來啊?仲要幾耐呢 ?哎o也唔好意思,因為出面有人等枱呀  ...

9:30 pm --- 已食完餅,在愉快 but 嘈雜地吹水。侍應又面帶難色走來 ...  小姐們,真係非常極之唔好意思,唔知你地o的 order o黎齊未呢?因為出面比較多客人 ... 如果你們想繼續傾談,我地不如在出面開張枱畀你地慢慢坐丫?

因為我地唔想坐街邊,兼且確實霸住人地張枱好耐 (7pm-9:30pm)  都有o的唔好意思,所以我地就散左隊啦!不過真係回味無窮,要快o的再約下一次吹水大會先! 

 

【下圖】尋晚四個人食 (大少奶與家人吃過飯才來),才叫了一個沙律、一個 pizza,一個天使麵o乍

  that's why 我地係「低淨值」table

【下圖】超好味的蛋糕!好濃好香,但少吃多滋味 (因為好 rich)!幸好只是 6 寸,否則一定太滯



【下圖】四國手信其中之「三國」 ,非常多謝大家為我精心挑選的小禮物!
 

【下圖】刺繡畫是手製的,每幅也不同主題,Miss 秋香 (珍妮仔) 知我就快做村姑,特地揀幅田野圖案畀我
  另外的 handcream 本是情人節禮物,但因為我上次發病而 cancel 了聚會,所以攪到而家先畀到我地   sorry sorry


【下圖】超鍾意大少奶在日本揀畀我的拍子簿 ~ 好抵死 but 好得意!因為我係一隻成日摷雪櫃的蠢豬來 ... 真架!
  佢仲親手整左芝麻餅畀我地,因為太脆的關係,返到屋企時發現有幾塊碎了   (p.s. 我今朝用o黎送豆漿麥皮呀!超正!多謝你 )

而清心果和 Mixed Nuts (哎o也,原來在上圖畀其他相疊住左) 就是 vanlily 分別在澳門鉅記和日本「豆豉尼」買番來的手信 ~ 最o岩我呢個茶怪一邊嘆茶一邊食!


 

後記:

我要自首 --- 其實我去旅行好怕買手信架     (除非咁o岩見到好o岩朋友的禮物喇!否則一定唔會特登去搵架) 大部分時間都唔買o既,只係今次蜜月旅行,點都要買番o的手信畀一班落手落腳幫我的好朋友們 ~ 所以呢 ... 大家去旅行時都唔駛特別為我買手信架,否則我會唔知點算架

44 則留言:

  1. 你地甘快手! 我聽日先出啦!

    回覆刪除
  2. 咁夜都唔訓,實俾笨b爸爸打pat pat 啦﹗

    回覆刪除
  3. 珍妮仔﹕你仲快手啦﹗一個加公仔icon既時間,就輸左個第一俾你啦﹗

    回覆刪除
  4. 春桔 我copy你張相去我blog,當同你地一齊食飯呀,thanks 仲有個 豆豉尼花生 係冬菇晌 東京豆豉尼 運返來架

    回覆刪除
  5. 嘩, 有澳門手信既???? 係邊四大美人呀?

    回覆刪除
  6. 笨B媽媽~ 我想問呢.... 要用咩 software 先可以做到 "polaroid + 相片四散" 0既效果? thanks ar!!

    回覆刪除
  7. 嘩, 四大美人聚頭,實嘈到拆天

    回覆刪除
  8. 哇!好羨慕啊~又有得食又有得囉走...羨慕死~~~

    回覆刪除
  9. (私人回應) 笨B媽﹕我睇呀大少奶個blog,佢話你話豬利你....咁唔通...唔通你係屬羊既? 我依個開心八卦大發現唔知準唔準呢?

    回覆刪除
  10. 10:00都來喇~ 起身未姐?

    回覆刪除
  11. 你好爤瞓豬喎!!! 快啲Post啦!! 佢哋嗰啲我睇哂喇!!! 好奇待呀 ???

    回覆刪除
  12. 快d報導呀!好心急呀! 美食出場wo!好正呀!

    回覆刪除
  13. 睇你地4個既blog講今次既約會覺得好正, 各有特色!!!

    回覆刪除
  14. 都一早話最正個份手信係: 春桔豬摷雪櫃嫁喇~~ 仲有: 我幾時講過話要解釋四大美人呢???? 係咪我老人豬呆???? 下次記得我既--榴槤約會!!

    回覆刪除
  15. 各位:哇哈哈 ... 我終於寫好啦 哎o也,乜個個都寫好晒架嗱?!!啋,咁我咪最遲 ?!要去巡下先 ~

    回覆刪除
  16. 冬菇:你唔好詐唔記得 ... 你o個時寫自己點解要開 blog 時,曾經提過要寫番篇 blog 介紹你的至愛的 blog 友架!

    回覆刪除
  17. 春桔, 好開心食左一餐無咩餸的飯,下次聚會都是去d地方坐得耐d無人趕即是公園!

    回覆刪除
  18. 愛美女生:你在我 blog 裏搜尋「picasa」丫,我寫左篇 blog 介紹呢個 software,好好用架! 秋香:我 ... 個天台都夠空曠o既!只要你地唔帶榴蓮來!

    回覆刪除
  19. 我都係去旅行好怕買手信架, 又係去完旅行無嘢送俾人, 如果真係會收到手信, 咁唯有請飲茶

    回覆刪除
  20. 我覺得我地適合星期日落中環( 翻版馬尼拉 )聚會 一來果樹就嘈、二來可以分享自家美食、三來可以食榴槤,更加係任坐添 無論如何.....榴槤係個一個重點

    回覆刪除
  21. 俾大少奶笑死! 但又係一個絕好提議!

    回覆刪除
  22. 你地好鬼客氣啊!個個都帶齊手信,好似交換禮物咁!

    回覆刪除
  23. B 媽 ~~ 我去親旅行 都好少買手信比朋友阿 事關我好驚買到唔o岩既 人地有好客氣既收o左 所以 除非我見到好o岩邊位朋友既手信 先會特登買阿

    回覆刪除
  24. 睇見都覺得好開心啦!!

    回覆刪除
  25. (私人回應) 笨B媽媽﹕你話豬旺你,咁我咪諗,卯、寅、未,三個可能囉。 卯同雞沖,斷估你同笨B爸爸咁夾,都唔係啦卦。寅呢?睇你冇可能係二十歲,三十二又唔似?咁所以咪估你係未囉,二十七左右,係呀你個樣似二十幾歲架炸﹗真係睇你唔出,保養得咁好喎﹗ 我咁純品,就更係屬卯啦﹗ 不過我地支有辰,唔怪得我地係blog咁多交流啦,三會朋友。 p.s.我都好鐘意豬仔,尤其係麥嘜麥兜,簡真當佢係仔呀﹗

    回覆刪除
  26. 嘻..笨B媽你地暗號咁得O既 大家得閒約出黎...傾下計交換下禮物真係開心啦

    回覆刪除
  27. 笨b媽媽, 好羨慕你地可以耐久就有一次嘅陳氏宗親會聚會 下次我又要join, 記得預埋我呀!!!!

    回覆刪除
  28. 你地好有默契阿!!! 一個送餅一個送茶一個送畫 我地終于都一起拉,haha 祝福我拉

    回覆刪除
  29. 笨媽:哈哈。。。您係市區有“4大美人”web-friend group, 幾時係新界區搞返個“4大惡人”呀??haha

    回覆刪除
  30. b媽 我同你一樣 都係好怕買手信架 咁我地可以兩免了 哈哈!

    回覆刪除
  31. Christina 小魚仔2007年4月26日 下午3:44

    So Happy ~~~

    回覆刪除
  32. 各位:哇哈哈!尋晚真係好愉快哩!真係令人回味! Mrs Kwong:新界西派別o黎講,我地可以組織「村姑黨」或「發花癲四人組」

    回覆刪除
  33. 邊個隸屬 新界西「村姑黨」或「發花癲四人組」??

    回覆刪除
  34. 清心果好唔好食的呢? 好得意咁喎~ 有機會我都想試下呀!

    回覆刪除
  35. 你做完阿信有無瘦左呀!

    回覆刪除

  36. 「春」桔、「夏」枯草、「秋」香、「冬」菇 ......暗號好得呀!

    回覆刪除
  37. 笨B媽喔, 我想問那個相柜是什麼軟件做的? 而第四.五張的照片有柜柜圍著, 也是什麼軟件做的? (不用是真的即影即有相吧?) 另外我覺得芝麻餅同pizza同朱古力蛋糕很好吃啊, 我想我都是愛麵包餅乾蛋糕的人耶~

    回覆刪除
  38. Maggie 女巫:用 picasa 做的,你用呢個字搜尋一下,會見到一篇有關的 blog 了

    回覆刪除
  39. Fiona:咁你想申請入邊組? 講下笑o者 ~ 呵呵 ~ 街坊就街坊了,唔駛分組喇

    回覆刪除
  40. Hello! 嘩,呢度好開心熱鬧咁wor! 本豬豬拍子簿好得意,我都有買咗一本呀...仲有另一本係一身hip-hop look 嘅街頭bull-dog,即是我blog嘅mug頭,係咪好鬼招積咁呢?不過,這不代表筆者性格...hehee

    回覆刪除
  41. 真開心,一班好友聚埋一齊傾吓計, 食吓嘢, 真係人生一大樂事....

    回覆刪除
  42. 我5月6日出發印度 ~~~ 8日 哈哈 ~~ 到時又post手信比你  哈哈

    回覆刪除

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: