2007年4月21日 星期六

搬屋報價

【20080312 update】


由於近來不止一位朋友告訴我,港生搬運的質素大幅下降,態度惡劣又不小心 ... 雖然我最近沒有幫襯過,不知道實際情況如何;可是,其中一位因我介紹而幫襯的正正是我的好姊妹渣渣,所以我相信事實相去不遠


大家本來看了我的介紹都去幫襯,點知換了一肚氣,真係令我超級唔好意思呀


**************************************************************************************


K 先生今日來電告知「大 Sir」 已經驗埋樓啦!

   等埋下個星期,如果沒被抽中作「大大 Sir 」的抽樣覆驗村屋*的話,就可以正式簽份滿意紙架啦!即是話,快則半個月、慢則一個月,我地就會收到!


* 話說原來有個規矩,每驗 20 棟樓,大大 Sir 就會抽樣覆查其中一棟,以示嚴謹  (查實我已經覺得好嚴謹了 ... 原來地政署有咁多個 grade 的 Sir ... 勁!)


 


而 J 先生亦 update 我們,四月底已可交鎖匙 ~ 即是,我地五月頭搬屋呢個計劃,應該係冇問題o既!我地呢個攪了一年的【小屋仔.大 Project】,好快就到完成之日啦!興 ~~~ 奮 ~~~ 呀!~~~~~



 


因為搬屋日子已定,所以呢期都忙到反左肚咁滯

 ~ 幸好,多得各位 blog 友提供唔少情報畀我,等我地慳返唔少時間 ~ 多謝晒你地呀!整返兩啖先 ~


 


其中一位要多謝o既,就係嬌俏黃夫人啦

   我都未出聲問大家邊間搬屋公司好,黃夫人已好醒水咁介紹左一間畀我啦 ~ 真係細心架o者
  多謝晒 ~


 


前幾日搵左佢地上來報價,個師傅即場報完價之後,因為我覺得價錢 ok 可以 commit,佢仲即刻畀埋紙盒我添 ~ 非常 efficient 呀!



 


因為未到搬屋日,所以我未能 comment 呢間港生搬屋公司的服務 (到時一定會再報導) 但我想稱讚一下佢地非常老實呀,價錢仲好抵添!


 


話說我地兩口子又剛結婚,其實雜物都唔係太多,搬屋內容如下


-  大型傢電只得四尺半雙人牀褥一張、洗衣機一個


-  小型傢電有焗爐、微波爐、風扇、暖爐 ... 等,但師傅話呢o的當「雜物」就得啦


-  師傅提議我地自己買大紅白藍袋子裝衣物 (因為紙箱裝唔得好多衫,o的紙箱又要錢,唔駛浪費喎),佢預我地 15 袋紅白藍 ~


-  紙箱佢預左 15 個,用o黎裝書 & 其他雜物,佢話必定夠喎!唔夠自己再買紅白藍,佢攪掂埋咁話


-  其餘所有野,師傅望過之後都話好 easy,唔同我地計 lu ...


-   搬屋情況:由有電梯的市區樓搬去村屋 2 & 3 樓,要上一兩層樓梯


 


可能因為我地唔多野的關係,師傅都冇同我地逐件計,只是 lum sum 咁 quote 左一個大數,仲好仔細咁話我知兩個師傅人工幾錢、油費幾錢、紙箱膠紙包裝膜幾錢、甚至 .... 公司利潤幾多! 

   (我當時勁想笑 ... 呢位師傅實在坦白得可愛!)


好 ~ 總數係 .... $1,200   o乍!!!好抵呀!!!


 


由於黃夫人自己已幫襯過兩次,話師傅報幾多就幾多、絕不臨場加價好老實、兼且又搬得好小心,所以我都好放心 ~

    多謝晒你的好介紹哩 ~


 


我搬埋屋後,都會分享番我o既經驗架 ~

   




沒有留言:

張貼留言

由於不常在 blog,如需找我,請到 www.facebook.com/bbmamababa 私訊,謝謝!

Linkwithin

你可能對以下文章有興趣: